Actor Rajinikanth: நெட்டிசன்களிடையே வைரலாகும் கூலி படம்.. அப்டேட் மேல் அப்டேட் தரும் ரசிகர்கள்..

மேலும் படிக்க: ரஜினியின் உடல்நிலை.. கூலி படத்திற்கு சிக்கலா.. என்ன செய்ய போகிறார் லோகேஷ் கனகராஜ்..?

பூஜா ஹெக்டே

தமிழில் முகமுடி படத்தின் மூலம் அறிமுகமான பூஜா ஹெக்டே, சரியான வாய்ப்பு கிடைக்காததால், தெலுங்கு மற்றும் இந்தி படங்களில் நடித்து வந்தார். இதையடுத்து அவர், நடிகர் விஜய்யின் பீஸ்ட், சூர்யாவின் ரெட்ரோ என தமிழ் சினிமாவின் முக்கிய கதாநாயகிகளில் ஒருவராக மாறினார்.

இப்போது இவர், தளபதி விஜய்யின் கடைசி படமான ஜனநாயகனில் நடித்து வருகிறார். மேலும், ராகவா லாரன்ஸிந் காஞ்சனா 4 படத்திலும் நடிக்க உள்ளதாக தகவல்கள் வெளியாகி உள்ளது.

கூலி படப்பிடிப்பு

கடந்த ஜூலை மாதம் கூலி படத்தின் படப்பிடிப்பு ஹைதராபாத்தில் தொடங்கியது. இதைத்தொடர்ந்து ஆகஸ்ட் மாதம் சென்னையில் படப்பிடிப்பு நடைபெற்றது. இதைத் தொடர்ந்து விசாகபட்டினத்தில் உள்ள துறைமுகத்தில் கூலி படத்தின் படப்பிடிப்பு சில நாட்களுக்கு முன் நடைபெற்று முடிந்தது.

பின், பல்வேறு இடங்களில் தொடர்ந்து நடைபெற்று வந்த நிலையில், சில நாட்களுக்கு முன் சென்னையில் கூலி படப்பிடிப்பு நடைபெற்றது. இதைத் தொடர்ந்து அடுத்தகட்ட படப்பிடிப்பு ஹைதராபாத்தில் நடைபெறும் என கூறப்படுகிறது.

ரீலஸ் தேதி வதந்தி

இந்நிலையில், இணையத்தில் நடிகர் ரஜினி காந்த்தின் கூலி பட ரிலீஸ் குறித்து தகவல்கள் வெளிவந்த வண்ணமாகவே இருக்கிறது. அதன்படி, கூலி படத்தின் படப்பிடிப்பை 80 சதவீதம் முடிவடைந்ததாகவும், அதனால் கூலி படம் விரைவில் திரைக்கு வரும் எனவும் கூறுகின்றனர்.

மேலும் படிக்க: கூலி படத்தின் ரிலீஸ் தேதி இதுவா? எதிர்பார்ப்பில் ரசிகர்கள்..

இன்னும் சிலர், கூலி படத்தின் மொத்த ஷூட்டிங்கும் வரும் மார்ச் மாதத்திற்குள் முடிந்துவிடும். அதனால், படத்தின் போஸ்ட் புரொடக்ஷன் பணிகள் எல்லாம் விரைந்து முடிக்கப்பட்டு ஆகஸ்ட் 10ம் தேதி அல்லது தீபாவளி பண்டிகைக்கு வெளிவரும் எனக் கூறி வருகின்றனர். இதனால், ரஜினி ரசிகர்கள் குஷியாகி வருகின்றனர்.

முன்னதாக நடிகர் ரஜினி காந்த்தின் 171வது படமாக உருவாகி வரும் இந்தப் படத்தை விரைவில் ரிலீஸ் செய்ய தயாரிப்பு நிறுவனமான சன் பிக்சர்ஸ் நிறுவனம் முடிவு செய்துள்ளதாம். அதன்படி வரும் 2025ம் ஆண்டு மே மாதம் 1ம் தேதி கூலி படத்தை ரிலீஸ் செய்ய வாய்ப்புள்ளது எனக் கூறி வந்தனர். ஆனால் படக்குழு படத்தின் ரிலீஸ் குறித்து தற்போது வரை எந்த அதிகாரப்பூர்வமான தகவலும் தரவில்லை என்பது குறிப்பிடத்தக்கது.

பொறுப்புத் துறப்பு:

இந்தக் கட்டுரையில் உள்ள எந்தவொரு தகவல், பொருள் அல்லது நம்பகத்தன்மைக்கு எந்த விதமான உத்தரவாதமும் இல்லை. இதில் குறிப்பிடப்பட்டுள்ள தகவல்கள் அனைத்தும் பல்வேறு ஊடகங்களில் இருந்து சேகரித்து, உங்களுக்குத் தரப்பட்டுள்ளது. எங்கள் நோக்கம் தகவல்களை வழங்குவது மட்டுமே. இதிலிருந்து வெறும் தகவல்களை மட்டுமே பயனாளர்கள் எடுத்துக்கொள்ள வேண்டும். மற்றபடி இதிலிருந்து பயன்படுத்திக்கொள்வது பயனாளரின் பொறுப்பாகும்.