Pritiviraj: தி கோட் லைஃப் படத்துக்காக உடல், மனரீதியில் எல்லைகளை உடைத்துள்ளேன் - ப்ருத்விராஜ்

பாகுபலி படம் மூலம் இந்தியா முழுவதும் ரசிகர்களை பெற்ற தெலுங்கு நடிகர் பிரபாஸ் வெளியிட்டுள்ளார். தி கோட் லைஃப் மலையாளம் தவிர தமிழ், தெலுங்கு, இந்தி, கன்னடம் ஆகிய மொழிகளிலும் உலகம் முழுவதும் ஏப்ரல்10, 2024 அன்று வெளியாகிறது.

உண்மைக் கதையை அடிப்படையாகக் கொண்ட இந்தப் படம், சர்வைவல் அட்வென்சர் படமாக இருக்கும் என படக்குழுவினர் தெரிவித்துள்ளனர்.

இதுபோன்ற சர்வைவல் அட்வென்சர் கதைகள் இந்திய சினிமாவில் அரிதாகவே வருகிறது. அதுவும் இது உண்மை கதையை அடிப்படையாக கொண்டது என்பது படத்தை மேலும் சுவாரஸ்யமாக்குகிறது.

தீராத வலி, தீவிரம், நம்பிக்கை, தீர்மானம் என பலவற்றின் கலவையாக ஒரு ரக்கட் லுக்கில் படத்தின் முதல் பார்வை போஸ்டரில் பிருத்விராஜ் உள்ளார்.

இந்த படம் குறித்து பிருத்விராஜ் கூறியிருப்பதாவது, "எனது நண்பரும், இந்திய திரை உலகின் இன்றியமையாத சக்தியாக இருக்கும் பிரபாஸ், என் படத்தின் ஃபர்ஸ்ட் லுக் வெளியிடுவது மிகப்பெரிய பெருமை.

தி கோட் லைஃப் திரைப்படம் உருவாக்குவதில் நிறைய சவால்கள் இருக்கும் என்பது எனக்கு முன்பே தெரியும். இருந்தாலும் மனரீதியாகவும், உடல்ரீதியாகவும் என் எல்லைகளை உடைத்து இதில் நடித்துள்ளேன்.

என் வாழ்நாளில் ஐந்து வருடங்களை இந்த படத்தின் நஜீப் கதாபாத்திரத்துக்காக அர்ப்பணித்துள்ளேன். உடல்ரீதியாக பல மாற்றங்களை சந்திக்க வேண்டி இருந்ததாலும், இந்த கதாபாத்திரத்தின் தோற்றத்தையும் உணர்வையும் முழுமையாக்குவது மட்டுமே என் இலக்காக இருந்தது.

பாகுபலி, கேஜிஎஃப் போன்ற படங்களுக்கு இணையாக இந்த படம் அமையும் என்பதில் எந்த சந்தேகமும் இல்லை. ரசிகர்களின் மனநிலைக்கு ஏற்ப மிக பிரமாண்டமான காட்சி அமைப்பு இருக்க வேண்டும் என்பதற்காகவே சிரமப்பட்டு வெவ்வேறு சவாலான லொகேஷனை தேர்ந்தெடுத்து படமாக்கினோம்.

வெளிச்சத்துக்கு வராத சரித்திர நாயகர்களின் பெருமையை உலகெங்கும் கொண்டு செல்லும் படமாக இது இருக்கும் என்பதில் உறுதியாக இருக்கிறேன். படத்தின் முதல் பார்வை போஸ்டர் வெளியாகியிருக்கும் நிலையில் அடுத்தடுத்த அப்டேட்கள் வெளியாக இருக்கிறது. நாங்கள் இந்தப் படத்தை உருவாக்கி ரசித்த அளவுக்கு பார்வையாளர்களும் ரசிப்பார்கள் என நம்புகிறோம்" என்றார்.

விஷுவல் ரொமான்ஸ் தயாரித்துள்ள ’தி கோட் லைஃப்’ படத்தில், ஹாலிவுட் நடிகர் ஜிம்மி ஜீன் லூயிஸ், இந்திய நடிகர்களான அமலா பால், கே.ஆர். கோகுல், பிரபல அரபு நடிகர்களான தலிப் அல் பலுஷி மற்றும் ரிக் அபி ஆகியோர் முக்கிய கதாபாத்திரங்களில் நடித்துள்ளனர்.

படத்தின் இசை மற்றும் ஒலி வடிவமைப்பை அகாடமி விருது வென்ற ஏ.ஆர். ரஹ்மான் மற்றும் ரசூல் பூக்குட்டி ஆகியோர் செய்துள்ளனர். படத்தின் பிரமிக்க வைக்கும் காட்சிகளை சுனில் கே.எஸ் ஒளிப்பதிவு செய்துள்ளார். ஸ்ரீகர் பிரசாத் எடிட்டிங் செய்துள்ளார்.

உலகெங்கிலும் உள்ள பல நாடுகளில் படமாக்கப்பட்ட இந்த படம் மலையாள திரையுலகில் இதுவரை இல்லாத மிகப்பெரிய முயற்சியாக கருதப்படுகிறது.

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

https://twitter.com/httamilnews

https://www.facebook.com/HTTamilNews

https://www.youtube.com/@httamil

Google News: https://bit.ly/3onGqm9