வைரலாகும் அஜித் குமார் மகள் புகைப்படங்கள்.. பர்த்டே பார்ட்டியில் குஷியான குடும்பம்..

வலிமை படத்தில் தொடங்கிய அப்டேட் கேட்கும் பழக்கம் இப்போது வரை தொடர்வதால், அஜித் படத்தின் ஃபர்ஸ்ட் லுக், டீசர், ட்ரெயிலர், படத்தின் பெயர், ரிலீஸ் தேதி என அனைத்திற்கும் அப்டேட் கேட்டு வந்தனர். மேலும், பார்க்கும் இடங்களில் எல்லாம் கடவுளே அஜித்தே என கோஷமும் இட்டு வந்தனர்.

அப்டேட் கேட்ட ரசிகர்களுக்கு அதிர்ச்சி

இந்நிலையில், இயக்குநர் மகிழ் திருமேனி இயக்கத்தில் அஜித் குமார் நடித்து வரும் விடாமுயற்சி படம் பொங்கலுக்கு ரிலீஸாகும் என படக்குழு அறிவித்தது. இந்த அறிவிப்பால் குஷியில் இருந்த ரசிகர்களுக்கு அப்படத்தின் தயாரிப்பு நிறுவனமான லைகை புத்தாண்டு அன்று பெரும் அதிர்ச்சியை கொடுத்தது.

அதாவது விடாமுயற்சி படம் பொங்கலுக்கு ரிலீஸ் ஆகாது. சில எதிர்பாராத காரணங்களால் படத்தின் ரிலீஸ் தள்ளப் போகிறது என அறிவித்தது. இதனால் மிகவும் அப்செட் ஆன ரசிகர்கள் தங்களது ஆதங்கத்தை வெளிப்படுத்தி வந்தனர்.

வெளிநாடு பறந்த அஜித்

இத்தனை பிரச்சனைகளுக்கும் மத்தியில் நடிகர் அஜித் குமார் புத்தாண்டு கொண்டாட்டங்களுக்காக குடும்பத்துடன் வெளிநாடு சென்றார். இந்நிலையில், நடிகர் அஜித் குமாரின் மகள் அனோஷ்காவின் புகைப்படங்கள் தான் இணையம் முழுவதும் வைரலாகி வருகிறது.

நடிகர் அஜித் தன் தனிப்பட்ட வாழ்க்கையை பொதுவெளியில் காட்டுவதை விரும்பாத நபர். அப்படி இருக்கையில் அவருக்கு திருமணம் ஆகி 24 ஆண்டுகள் ஆன நிலையில், அவரது மனைவியும் நடிகையுமான ஷாலினி புதிதாக இன்ஸ்டாகிராம் கணக்கைத் தொடங்கி, குடும்பத்தின் புகைப்படங்களை பகிர்ந்து வருகிறார்.

வைரலாகும் அஜித் மகள் போட்டோஸ்

அப்படித் தான் அவர், தனது மகள் அனோஷ்காவின் பிறந்தநாள் கொண்டாட்ட புகைப்படங்களையும் பகிர்ந்துள்ளார். கடந்த 2008ம் ஆண்டு பிறந்த அனோஷ்கா நேற்று அவரது 17வது பிறந்தநாளை கொண்டாடினார். அப்போது அவர் தனது தாய், தந்தை மற்றும் தம்பியுடன் கேக் வெட்ட இருந்த புகைப்படங்களை ஷாலினி பகிர்ந்தார். மேலும், தன்னுடனும் மகன் ஆத்விக்குடனும் அனோஷ்கா இருக்கும் புகைப்படத்தையும் அவர் பகிர்ந்தார்.

இந்தப் புகைப்படத்தில் அஜித் குமார் கருப்பு வெள்ளை கோட் ஷூட்டிலும், ஷாலினி கருப்பு வெள்ளை கோடுகள் போட்ட உடையுடனும் இருந்தனர். அனோஷ்கா வெள்ளை நிற உடையில் காணப்பட்டார்.

கொண்டாட்டத்தில் ஷாலினி

இந்த பிறந்தநாள் கொண்டாட்டத்தில் அஜித், ஷாலினி, ஆத்விக்குடன் ஷாலினியின் சகோதர சகோதரிகளான ஷாமிலி மற்றும் ரிச்சர்ட் உள்ளிட்டோர் பங்கேற்றனர். இந்தப் புகைப்படங்களும் இணையத்தில் வைரலாகி வருகின்றன.

நடிகர் அஜித்திடம் அப்டேட் கேட்டுக் கொண்டிருக்கும் ரசிகர்களுக்கு சமீப காலமாக அப்டேட் வழங்கி வருபவர் ஷாலினி தான். அவர், அஜித்துடன் வெளியே செல்லும் இடங்கள், அவரது கார் ரேஸ் பயிற்சி உள்ளிட்டவற்றை புகைப்படங்களாகவும் வீடியோவாகவும் பதிவிட்டு வருகிறார். இது அவரது ரசிகர்களுக்கு சற்று ஆறுதல் தருகிறது.