Aavesham Teaser: மலையாளத்தில் மீண்டும் அறிமுகமாகும் ஃபஹத் - ஆனால், இம்முறை முழுக்க முழுக்க நெகட்டிவ் ரோல்!

"ரங்கா எப்படி இவ்வளவு பெரிய ஆளாக ஆனார்?" என்று டீஸரில் ஒரு சிறுவன் கேட்க, குண்டர் ஒருவன், அவனது வன்முறை பின்னணியை விவரிக்கிறான்.

அதில், "ரங்கா பள்ளியில் படிக்கும்போது, உறவினர் ஒருவரின் ஜூஸ் கடையில் பகுதி நேரமாக வேலை பார்த்தார். கலவரத்தை ஏற்படுத்த ஆயுதங்களுடன் சில குண்டர்கள் வந்தபோது, ரங்கா அவர்கள் மீது பாய்ந்து, அவர்களின் தலைவரை கத்தியால் குத்திக் கொன்றார்" என்று விளக்குகிறார்.

ரங்கா எப்படி இவ்வளவு ஆபத்தானவர் என்பதை டீஸர் விவரிக்கிறது. ஆனால் கதைசொல்லி இந்த நிகழ்வுகள் எதையும் அவர் நேரடியாகப் பார்க்கவில்லை என்பதையும் வெளிப்படுத்துகிறார். இவை அனைத்தையும் ஒரு பார்வையாளனாகப் பார்க்கும்போது, மிகைப்படுத்தப்பட்டவையாக இருப்பதை உணர முடிகிறது.

ஆவேஷம் ரிலீஸ் தேதி

ஆவேஷம் படத்தில் சமீர் தாஹிர் ஒளிப்பதிவாளராகவும், சுஷின் ஷியாம் இசையமைப்பாளராகவும், விவேக் ஹர்ஷன் படத்தொகுப்பாளராகவும் பணியாற்றுகின்றனர். இப்படம் ஏப்ரல் 11-ம் தேதி விஷூ மற்றும் ஈத் பண்டிகையை ஒட்டி திரைக்கு வருகிறது. 

அப்போது பிருத்விராஜ் சுகுமாரனின் ஆடுஜீவிதம் (தி கோட் லைஃப்) திரைப்படமும்; பிரணவ் மோகன்லாலின் வருஷங்களுக்கு சேஷம் ஆகியப் படங்களும் ரிலீஸாகிறது.

இந்நிலையில் இந்த டீஸரைப் பார்த்த ரசிகர்கள் உற்சாகமடைந்தனர். ஒரு ரசிகர் எக்ஸ் தளத்தில், "ஆவேசம் டீஸர் இந்த ஆண்டின் சிறந்த பொழுதுபோக்கு படத்திற்கு உத்தரவாதம்! ஃபஹத் ஃபாசில் ரங்காவாக வந்துட்டான்! எனத் தெரிவித்துள்ளார். மற்றொருவர், "ஒரு ரோலர்கோஸ்டர் சவாரி போல் உள்ளது" என்று குறிப்பிட்டிருக்கிறார். மற்றொருவர் "இது ஒரு ஃபஹத் ஃபாசிலின் பைத்தியக்காரத்தனமாக இருக்கும்" என்று சமூக வலைதளத்தில் எழுதியுள்ளார். 

தெலுங்கில் புஷ்பா: தி ரூல் படத்தில் பன்வர் சிங் ஷெகாவத் என்ற கதாபாத்திரத்தில் ஃபஹத் நடித்து வருகிறார். தவிர, தமிழில் ரஜினிகாந்தின் வேட்டையன் படத்திலும்; மலையாளத்தில் பாட்டு, மாரீசன் ஆகியப் படங்களிலும் நடித்து வருகிறார். 

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன: 

https://twitter.com/httamilnews  

https://www.facebook.com/HTTamilNews 

https://www.youtube.com/@httamil 

Google News: https://bit.ly/3onGqm9