HBD VijaySethupathi: பட்டிக்காட்டான் முதல் பாலிவுட் ஹீரோ வரை - விஜய்சேதுபதி என்னும் மக்கள் செல்வனின் கதை!

இந்தியா திரும்பியதும் தனது நண்பர்களுடன் சேர்ந்து இண்டீரியர் டெக்கரசேன் தொழிலை செய்தபோது, கூத்துப்பட்டறை என்னும் நடிப்புப் பள்ளி பற்றிய அறிவிப்பினை பார்க்கிறார். பின் கூத்துப்பட்டறையில் 2006ஆம் ஆண்டு கணக்காளராகப் பணியில் இணைகிறார். அங்கு நடிப்பு கற்றுக்கொள்ள வருபவர்களின் அசைவுகளைக் கண்காணிக்கிறார். 

சினிமாவில் விஜய்சேதுபதி: சினிமாவில் கூட்டத்தில் தோன்றும் துணைநடிகர் கதாபாத்திரங்கள், சீரியல்கள், டப்பிங் பேசுதல் என சுற்றி சுழன்று சினிமா சார்ந்து இயங்கிக் கொண்டிருந்தார், விஜய் சேதுபதி. அப்படி கலைஞர் தொலைக்காட்சியில் நாளைய இயக்குநர் என்னும் நிகழ்ச்சி தொடங்கப்பட்ட போது, நடிகர் கார்த்திக் சுப்புராஜ் இயக்கும் குறும்படங்களில் முக்கிய கதாபாத்திரங்களில் நடிக்கத் தொடங்கினார். அது விஜய் சேதுபதிக்கு ஒரு மிகப்பெரிய ஊடக வெளிச்சத்தை பாய்ச்சியது.

இந்நிலையில் சீனு ராமசாமி இயக்கும் படத்தில் ஹீரோவாக சட்டென தேர்வு செய்யப்பட்டார், விஜய் சேதுபதி. தான் தேர்வு ஆன அன்றே படத்தின் பைண்டட் ஸ்கிரிப்ட்டைப் படித்து, படத்தில் தான் எவ்வாறு நடிக்க வேண்டும் யோசித்து வைத்துக்கொண்டார், விஜய்சேதுபதி. திரையிலும் அது மிளிர்ந்தது.

அடுத்து நாளைய இயக்குநரில் இருந்து வெளியில் வந்த வருங்கால இயக்குநரின் முதல் தேர்வுக்குரிய நடிகராக மாறினார், விஜய் சேதுபதி. அப்படி நாளைய இயக்குநரில் பணிபுரிந்த கார்த்திக் சுப்புராஜூடன் 'பீட்சா’, பாலாஜி தரணிதரனின் ’நடுவுல கொஞ்சம் பக்கத்த காணோம்’, நலன் குமாரசாமியின் ’சூது கவ்வும்’, எஸ்.யு.அருண்குமாரின் ’பண்ணையாரும் பத்மினியும்’ ஆகியப் படங்களில் இடைவெளி இல்லாமல் நடித்து முக்கிய நடிகராக, தமிழ் சினிமாவில் வளரத் தொடங்கினார்.

தவிர, இயக்குநர் கோகுலின் இயக்கத்தில் விஜய்சேதுபதி நடித்த ‘இதற்குத்தானே ஆசைப்பட்டாய் பாலகுமாரா’படம், அவரது நடிப்பு மற்றும் வசன உச்சரிப்புக்காக பாராட்டப்பட்டது மட்டுமின்றி, மிகப்பெரிய ஹிட்டானது. அதன்பின் விஜய்சேதுபதி ரம்மி எனும் படத்தில் நடித்தார். அப்படத்தில் இடம்பெற்ற ’கூடை மேல கூட வைச்சு’ என்னும் பாடல் அவரை பட்டிதொட்டியெங்கும் கொண்டும் சேர்த்தது.

பின் நானும் ரவுடிதான், சேதுபதி, காதலும் கடந்து போகும், இறைவி, தர்மதுரை, ஆண்டவன் கட்டளை, கவண், விக்ரம் வேதா,96, மாமனிதன், கடைசி விவசாயி, விடுதலை பாகம் 1 ஆகியப் படங்கள், இவரது நடிப்பில் ஹிட் படங்களாக அமைந்தன. 

பிற ஹீரோக்களுடன் நடித்த விஜய்சேதுபதி: தவிர, மணிரத்னம் இயக்கிய செக்கச்சிவந்த வானம், சூப்பர் டீலக்ஸ் ஆகியப் படங்களில் பல நடிகர்களுடன் சேர்ந்தும்; பேட்ட படத்தில் ரஜினிக்கு வில்லனாகவும், மாஸ்டர் படத்தில் நடிகர் விஜய்க்கு வில்லனாகவும்; விக்ரம் படத்தில் கமல்ஹாசனை எதிர்க்கும் நபராகவும், சமீபத்தில் ஜவான் படத்தில் ஷாருக்கானுக்கு வில்லனாகவும் நடித்தார், விஜய்சேதுபதி. இது ஒருபுறம் இருக்க மார்கோனி மத்தாய் என்னும் ஜெயராமின் மலையாளப் படத்திலும்; சிரஞ்சீவியின் சைரா நரசிம்ம ரெட்டி என்னும் தெலுங்கு படத்திலும் நடித்தார். மேலும் ‘உப்பெனா’என்னும் தெலுங்கு படத்தில் கதாநாயகியின் தந்தையாக வில்லனாகவும் நடித்து மிரட்டியிருப்பார்,விஜய்சேதுபதி.

2023ஆம் ஆண்டு விஜய்சேதுபதியின் நடிப்பில் வெளியான இந்தி படமான மும்பைகர், இவருக்கு ஒரு பெரிய அங்கீகாரத்தைப் பாலிவுட்டில் பெற்றுத்தந்தது. பின் விஜய்சேதுபதியும் கத்ரீனா கைஃபும் இணைந்து நடித்த மேரி கிறிஸ்துமஸ் திரைப்படம் தற்போது பொங்கலை ஒட்டி ரிலீஸாகி, திரையரங்குகளில் ஓடி வருகிறது.

ஒருமுறை சினிமாவுக்கு வாய்ப்புத் தேடும்போது, தனது தலையில் முடி நடித்ததைப் பார்த்த விஜய்சேதுபதி, பரவாயில்லையே இனிமேல் தன்னை ஹீரோயினுக்கு அப்பாவாக நடிக்க அணுகுவார்கள் என நினைத்துக்கொண்டாராம். அந்த அணுகுமுறையும் சின்ன சின்ன பட்ஜெட் படங்களிலும் கேமியோ ரோலில் நடிக்கும் நல்லெண்ணத்துக்கும் இன்னும் விஜய்சேதுபதி, தமிழ் சினிமாவில் மிகப்பெரிய நட்சத்திரமாக வருவார் என்பதில் மாற்றுக் கருத்தில்லை. அவருக்கு பிறந்தநாள் வாழ்த்துகளைக் கூறுவதில் பெருமிதம் கொள்கிறது, இந்துஸ்தான் டைம்ஸ் தமிழ்!

சமூக வலைத்தளங்களில் எங்களை பின்தொடலாம். லிங்க்குகள் கீழே கொடுக்கப்பட்டுள்ளன:

https://twitter.com/httamilnews 

https://www.facebook.com/HTTamilNews 

https://www.youtube.com/@httamil 

Google News: https://bit.ly/3onGqm9