Tamil News  /  Entertainment  /  30 Years Of Sethupathi Ips Vijayakanths Blockbuster Movie In The 90s Sethupathi Ips In The 30th Year

30 Years of Sethupathi IPS : 90களில் விஜயகாந்தின் பிளாக்பஸ்டர் திரைப்படம்! 30ம் ஆண்டில் சேதுபதி ஐ.பி.எஸ்!

Priyadarshini R HT Tamil
Jan 14, 2024 06:10 AM IST

30 Years of Sethupathi IPS : 90களில் விஜயகாந்தின் பிளாக்பஸ்டர் திரைப்படம்! 30ம் ஆண்டில் சேதுபதி ஐ.பி.எஸ்!

30 Years of Sethupathi IPS : 90களில் விஜயகாந்தின் பிளாக்பஸ்டர் திரைப்படம்! 30ம் ஆண்டில் சேதுபதி ஐ.பி.எஸ்!
30 Years of Sethupathi IPS : 90களில் விஜயகாந்தின் பிளாக்பஸ்டர் திரைப்படம்! 30ம் ஆண்டில் சேதுபதி ஐ.பி.எஸ்!

ட்ரெண்டிங் செய்திகள்

வெளிநாட்டில் பயிற்சிபெற்ற தீவிரவாதிகள் இந்தியாவுக்கு எதிராக செயல்படுவார்கள். சேதுபதி ஐ.பி.எஸ். ஒரு நேர்மையான போலீஸ் அதிகாரி. அவரது தாய் சத்யபாமா ஒரு ஐ.ஏ.எஸ். அதிகாரி, அவரது தாத்தா ஒரு ராணுவ வீரர். அவரது மாமனார் போலீஸ் ஐ.ஜி.

சிவசுப்ரமணியன் என்ற தீவிரவாதியை சேதுபதி ஒரு மருத்துவமனையில் பிடிக்கிறார். அவர்கள் பிரதமர் மீது தாக்குதல் நடத்த திட்டமிட்டிருப்பார்கள். மாட்டிக்கொண்ட தீவிரவாதியோ தற்கொலை செய்துகொள்வார். ஆனால் சேதுபதி அந்த திட்டத்தை முறியத்துவிடுவார். சிவ சுப்ரமணியன் இறந்ததையடுத்து, அவரது சகோதரர் சிவப்பிரகாசம் இந்தியாவுக்கு வருவார். அவரும் அந்த தீவிரவாத குழுவின் தலைவர். அவர் இந்தியாவில் தாக்குதல் நடத்துவதுடன், சேதுபதி குடும்பத்தையும் அழிக்க வேண்டும் என்ற முனைப்புடன் இந்தியா வருவார்.

சேதுபதி வீட்டிற்கு எதிர்வீட்டிற்கு குடிவரும் அவர், நல்லவர்போல் சேதுபதி குடும்பத்தினரிடம் நடந்துகொள்வார். இதையடுத்து அவர்கள் குடும்பத்துடன் நல்லுறவை ஏற்படுத்திக்கொண்டு, அவரது தங்கையை திருமணம் செய்யும் அளவுக்கு நெருங்கிவிடுவார். சேதுபதியின் தங்கை வாய் பேச முடியாதவர். அவரை திருமணம் செய்துகொள்ள இவர் முன் வந்ததையடுத்து, இந்த தீவிரவாதி தலைவனை அனைவரும் நல்லவர் என்று நம்பி அவருக்கு திருமணமும் செய்து வைப்பார்கள். சேதுபதியை சந்திப்பதை அனைத்து சூழல்களில் தவிர்த்து வருவார் சிவப்பிரகாசம்.

திருமணம் முடிந்த பின்னர், தீவிரவாதிகள் சேதுபதியின் மனைவி வேலை செய்யும் பள்ளியை கைப்பற்றிவிடுவார்கள். அவர்கள் தப்பிச்செல்ல ஒரு விமானமும், பணமும் கேட்பார்கள். சிவப்பிரகாசம் தனது மனைவியை அழைத்துவந்து சேதுபதியின் மனைவி முன் அனைவரையும் விட்டு, பாலியல் பலாத்காரம் செய்ய சொல்வார். இதையடுத்து, சிவப்பிரகாசத்தின் மனைவி மற்றும் சேதுபதியின் தங்கையை, சேதுபதியின் மனைவி சுட்டுக்கொன்றுவிடுவார். சிவப்பிரகாசம் ஒரு மாணவரை சுட்டுக்கொன்றுவிடவார்.

இறுதியில் அவர்கள் தப்பிக்க விமானம் கொடுக்கப்படும். அந்த தீவிரவாதிகள் தப்பித்தார்களா? அவர்களை சேதுபதி பிடித்தாரா என்பதுதான் மீதிக்கதை.

இளையராஜாவின் இசையில் பாடல்களும் ஹிட். நம்பியார், ஸ்ரீவித்யா, விஜயகுமார், கசன் கான், டெல்லி கணேஷ் உள்ளிட்ட நட்சத்திர பட்டாளமே நடித்திருப்பார்கள். கவுண்டமணி, செந்தில் காமெடியில் கலக்கியிருப்பார்கள். 

விஜயகாந்துக்கு மிகவும் முக்கியமான படமாக இந்தப்படம் இருந்தது. அவருக்கு மிகவும் நல்லபெயரை எடுத்துக்கொடுத்தது. விஜயகாந்த் தொடர்ந்து போலீஸ் சப்ஜெக்ட் மற்றும் ஊழலுக்கு எதிராக, தீவிரவாதத்துக்கு எதிராக என படங்கள் செய்வதற்கு அடித்தளமாகவும் இந்தப்படம் அமைந்தது. 

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

Google News: https://bit.ly/3onGqm9 

தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வேலைவாய்ப்பு, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.

WhatsApp channel

டாபிக்ஸ்

பொழுதுபோக்கு மற்றும் பிக்பாஸ் , கோலிவுட் தொடர்பான அப்டேட் செய்திகளை இந்துஸ்தான் டைம்ஸ் தமிழ் மூலம் உடனுக்குடன் அறியலாம்.