தமிழ் செய்திகள்  /  தேர்தல்கள்  /  Modi: ‘இனி அம்பேத்கரால் கூட அரசியல் அமைப்பை ஒழிக்க முடியாது’ மோடி ஆவேச பேச்சு!

Modi: ‘இனி அம்பேத்கரால் கூட அரசியல் அமைப்பை ஒழிக்க முடியாது’ மோடி ஆவேச பேச்சு!

Kathiravan V HT Tamil
Apr 12, 2024 10:58 PM IST

”அரசியலமைப்பு சட்டம்தான் அரசுக்கு அனைத்துமே, இனி அம்பேத்கரே வந்தாலும் அவரால் அரசியல் அமைப்பு சட்டத்தை ரத்து செய்ய முடியாது”

Prime Minister Narendra Modi addresses a public rally ahead of the upcoming Lok Sabha election Friday (PTI)
Prime Minister Narendra Modi addresses a public rally ahead of the upcoming Lok Sabha election Friday (PTI)

ட்ரெண்டிங் செய்திகள்

நாடாளுமன்றத் தேர்தல் நெருங்கும் நிலையில் ராஜஸ்தானில் நடைபெற்ற தேர்தல் பொதுக்கூட்டத்தில் பேசிய பிரதமர் நரேந்திர மோடி, வரும் மக்களவைத் தேர்தலில் பாஜக வெற்றி பெற்றால் அரசியல் சட்டத்தை மாற்றும் என்று எதிர்க்கட்சிகள் குற்றம்சாட்டின. அதை தனது அரசு மதிப்பதாகவும், பாபாசாகேப் அம்பேத்கரால் கூட இப்போது அதை அழிக்க முடியாது என்றும் பிரதமர் மோடி கூறினார்.

பார்மரில் நடைபெற்ற தேர்தல் பேரணியில் பேசிய பிரதமர் மோடி, “அரசியலமைப்பு சட்டம்தான் அரசுக்கு அனைத்துமே, இனி அம்பேத்கரே வந்தாலும் அவரால் அரசியல் அமைப்பு சட்டத்தை ரத்து செய்ய முடியாது. தேச விரோத சக்திகளுக்கு ஆதரவாக காங்கிரஸ் உள்ளது. நாட்டை பலவீனப்படுத்த எதிர்க்கட்சிகள் முயற்சிக்கின்றன” என பிரதமர் நரேந்திர மோடி கூறினார். 

நாட்டில் எமர்ஜென்சியை கொண்டு வந்து அரசியல் சாசனத்தை அழிக்க முயன்ற காங்கிரஸ், இப்போது அரசியல் சாசனத்தின் பெயரால் என்னை அவதூறாகப் பேசுகிறது என்று பிரதமர் மோடி கூறினார்.

அரசியல் சட்டத்தை திருத்துவதற்கு மூன்றில் இரண்டு பங்கு பெரும்பான்மை தேவை என்று பாஜக எம்பி அனந்த்குமார் ஹெக்டே கூறியது அரசியலில் பெரும் பேசு பொருள் ஆனது. “பாபாசாகேப் அம்பேத்கரின் அரசியலமைப்பு சட்டத்தை அழிப்பதே நரேந்திர மோடி மற்றும் பாஜகவின் இறுதி இலக்கு” என்று காங்கிரஸ் தலைவர் ராகுல் காந்தி கடந்த மாதம் குற்றம் சாட்டியிருந்தார். ஹெக்டேவின் கருத்துகளை "தனிப்பட்ட கருத்து" என்று பாஜக கூறி இருந்தது.  

பிரதமர் மோடி, குறிப்பிட்டு சொல்லாமல், அணு ஆயுதக் குறைப்பு குறித்து காங்கிரஸ் கட்சி தனது தேர்தல் அறிக்கையில் எழுதியுள்ளது.

இருபுறமும் அணு ஆயுதங்களை வைத்திருக்கும் அண்டை நாடுகளை கொண்ட இந்தியாவில் அணு ஆயுதங்களை ஒழிப்பது பற்றி சிந்திக்க வேண்டுமா? உங்கள் இந்திய கூட்டணி யாருடைய அறிவுறுத்தலின் பேரில் செயல்படுகிறது என்று காங்கிரஸிடம் கேட்க விரும்புகிறேன்” என பிரதமர் நரேந்திர மோடி கேள்வி எழுப்பினார். 

முன்னதாக, தமிழகத்தில் நடைபெற்ற தேர்தல் பொதுக்கூட்டத்தில் பேசிய காங்கிரஸ் தலைவர் ராகுல் காந்தி, பாஜக ஆட்சிக்கு வந்தால், இந்திய அரசியலமைப்பை மாற்ற முயற்சிப்பதாக மீண்டும் ஒருமுறை குற்றம்சாட்டினார்.    

உலகம் முழுவதும் முன்பு இந்தியாவை ஜனநாயகத்தின் கலங்கரை விளக்கமாகப் பார்த்தபோது; இப்போது இந்தியாவின் ஜனநாயகம் இனி ஜனநாயகம் அல்ல என்ற கருத்து உள்ளது என்று ராகுல் காந்தி கூறி இருந்தார். 

நாடாளுமன்றத் தேர்தல் 2024

தமிழகம் மற்றும் புதுச்சேரியில் வரும் ஏப்ரல் 19ஆம் தேதி அன்று ஒரே கட்டமாக நாடாளுமன்றத் தேர்தல் நடைபெற உள்ளது. இதற்கான வேட்பு மனுத்தாக்கல் கடந்த மார்ச் 20ஆம் தேதி தொடங்கி, மார்ச் 27ஆம் தேதி நிறைவடைந்தது.

மார்ச் 28ஆம் தேதி வேட்புமனுக்கள் மீதான பரிசீலனை நடைபெற்ற நிலையில் வேட்புமனுக்களை திரும்ப பெறுவதற்கான அவகாசம் மார்ச் 30ஆம் தேதி உடன் நிறைவடைந்ததால் இறுதி வேட்பாளர் பட்டியல் வெளியிடப்பட்டுள்ளது. தேர்தலில் பதிவு செய்யப்பட்ட வாக்குகள் வரும் ஜூன் 4ஆம் தேதி எண்ணப்பட்டு அன்றே முடிவுகள் அறிவிக்கப்படுகின்றன.

WhatsApp channel