WPL 2025 Final: ஹர்மன்ப்ரீத் அதிரடி.. மும்பை இந்தியன்ஸ் ரன் குவிப்பு.. டெல்லி கேபிடல்ஸ்க்கு சவால் இலக்கு

இந்த சீசனில் டெல்லி கேபிடல்ஸ் மகளிர் அணி நேரடியாக இறுதிப்போட்டிக்கு தகுதி பெற்றுள்ளது. மும்பை இந்தியன்ஸ் மகளிர் அணி எலிமினேட்டர் சுற்று போட்டியில் குஜராத் ஜெயண்ட்ஸ் அணியை வீழ்த்தி இறுதிப்போட்டிக்கு நுழைந்துள்ளது.'

டெல்லி கேபிடல்ஸ் பவுலிங்

இந்த போட்டியில் டாஸ் வென்ற டெல்லி கேபிடல்ஸ் மகளிர் அணி கேப்டன் மெக் லேனிங் பவுலிங்கை தேர்வு செய்தார். இதையடுத்து முதலில் பேட்டிங் செய்த மும்பை இந்தியன்ஸ் மகளிர் 20 ஓவரில் 7 விக்கெட் இழப்புக்கு 148 ரன்கள் எடுத்துள்ளது. அதிகபட்சமாக கேப்டன் ஹர்மன்ப்ரீத் கெளர் நாட் ஸ்கைவர்-பிரண்ட் 30 ரன்கள் எடுத்தனர். டெக்கி கேபிடல்ஸ் பவுலர்களில் மார்ஸான் காப், ஜெஸ் ஜோனாஸன், ஸ்ரீ சரணி ஆகியோர் தலா 2 விக்கெட்டுகளை வீழ்த்தினர்.

மேலும் படிக்க: ஐபிஎல் 2025: டெல்லி கேபிடல்ஸ் அணி கேப்டனாக அக்சர் படேல் நியமனம்

ஹர்மன்ப்ரீத் அதிரடி

இந்த சீசன் முழுவதும் பார்ம் இல்லாமல் பேட்டிங்கில் சொதப்பி வந்த ஹர்மன்ப்ரீத் கெளர், முக்கியத்துவம் வாய்ந்த இந்த போட்டியில் தனது பார்மை மீட்டெடுத்துள்ளார். ஏற்கனவே குஜராத் ஜெயண்ட்ஸ் அணிக்கு எதிரான எலிமினேட்டர் போட்டியேலேயே அதிரடியில் மிரட்டிய ஹர்மன்ப்ரீத் 12 பந்துகளில் 36 ரன்கள் அடித்தார்.

இதைத்தொடர்ந்து தனது அதிரடி பேட்டிங்கை டெல்லி கேபிடல்ஸ் அணிக்கு எதிரான இந்த போட்டியிலும் தொடர்ந்த ஹர்மன்ப்ரீத் தொடக்கத்தில் இருந்தே அதிரடியில் மிரட்டினார். 32 பந்துகளில் தனது அரைசதத்தை பூர்த்தி செய்தார் ஹர்மன் ப்ரீத். தொடர்ந்து ரன்குவிப்பில் ஈடுபட்ட ஹர்மன்ப்ரீத் கெளர், 44 பந்துகளில் 66 ரன்கள் எடுத்து தனது விக்கெட்டை பறிகொடுத்தார். அவர் தனது இன்னிங்ஸில் 9 பவுண்டரி, 2 சிக்ஸர்களை அடித்தார்.

மேலும் படிக்க: வெளிநாட்டு வீரர்களை விட ஐபிஎல் ஏலத்தில் ஜொலித்த இந்திய வீரர்கள்

காப் அசத்தல் பவுலிங்

டெல்லி பவுலர்களில் மரிஸானா காப், சிறப்பாக பவுலிங் செய்து மும்பை இந்தியன்ஸ் பேட்டர்ளை நன்கு கட்டுப்படுத்தினார். 4 ஓவர்களில் 11 ரன்கள் மட்டும் விட்டுக்கொடுத்த காப் 2 முக்கிய விக்கெட்டுகளை வீழ்த்தினார். மும்பை இந்தியன்ஸ் மகளிர் அணியில் பிரண்ட், ஹர்மன்ப்ரீத் கெளர், கமாலினி, அமன்ஜோத் கெளர் ஆகியோர் மட்டுமே இரட்டை இலக்கத்தில் ரன்கள் எடுத்தனர்.