டபிள்யூபிஎல் 2025: குஜராத்தை வீழ்த்தி ஃபைனலுக்குள் நுழைந்தது மும்பை இந்தியன்ஸ் மகளிர் அணி!
contents
Follow on:
  • WhatsApp Channel
  • Facebook
  • Twitter
  • You tube
Notification
தமிழ் செய்திகள்  /  கிரிக்கெட்  /  டபிள்யூபிஎல் 2025: குஜராத்தை வீழ்த்தி ஃபைனலுக்குள் நுழைந்தது மும்பை இந்தியன்ஸ் மகளிர் அணி!

டபிள்யூபிஎல் 2025: குஜராத்தை வீழ்த்தி ஃபைனலுக்குள் நுழைந்தது மும்பை இந்தியன்ஸ் மகளிர் அணி!

Manigandan K T HT Tamil Published Mar 13, 2025 11:01 PM IST
Manigandan K T HT Tamil
Published Mar 13, 2025 11:01 PM IST

டபிள்யூபிஎல் 2025: டாஸ் ஜெயித்த குஜராத் அணி, மும்பை இந்தியன்ஸ் மகளிர் அணியை முதலில் பேட்டிங் செய்ய பணித்தது. அதன்படி முதலில் விளையாடிய மும்பை, 20 ஓவர்களில் 213 ரன்களை எடுத்தது.

டபிள்யூபிஎல் 2025: குஜராத்தை வீழ்த்தி ஃபைனலுக்குள் நுழைந்தது மும்பை இந்தியன்ஸ் மகளிர் அணி!
டபிள்யூபிஎல் 2025: குஜராத்தை வீழ்த்தி ஃபைனலுக்குள் நுழைந்தது மும்பை இந்தியன்ஸ் மகளிர் அணி! (PTI)
Share on Whatsappஎங்களை பின் தொடரலாம்
  • Share on Twitter
  • Share on Facebook

டபிள்யூபிஎல் 2025: குஜராத் ஜெயன்ட்ஸ் அணிக்கு எதிரான மகளிர் பிரீமியர் லீக் எலிமினேட்டர் போட்டியில் நாட் ஸ்கிவர்-பிரன்ட், ஹேலி மேத்யூ ஜோடியின் அதிரடி ஆட்டத்தால் மும்பை இந்தியன்ஸ் அணி 4 விக்கெட் இழப்புக்கு 213 ரன்கள் எடுத்தது. 214 ரன்கள் என்ற இலக்கை எட்ட முடியாமல் குஜராத் தோற்று வெளியேறியது. மும்பை பிராபோர்ன் மைதானத்தில் வரும் சனிக்கிழமை டெல்லி கேபில்ஸை பைனலில் எதிர்கொள்கிறது மும்பை.

முன்னதாக, டாஸ் ஜெயித்த குஜராத் பவுலிங்கை தேர்வு செய்தது.

சற்று நிதானமான பவர்பிளேவுக்குப் பிறகு, மும்பை இந்தியன்ஸ் வீராங்கனை ஸ்கிவர்-பிரன்ட் (41 பந்துகளில் 77 ரன்கள்) மற்றும் மேத்யூஸ் (50 பந்துகளில் 77 ரன்கள்) ஆகியோர் ஜெயண்ட்ஸ் தாக்குதலுக்கு எதிராக அதிரடி ஆட்டத்தை வெளிப்படுத்தினர்.

மும்பை இந்தியன்ஸ் கேப்டன் ஹர்மன்பிரீத் கவுர் (12 பந்துகளில் 36 ரன்கள்) எடுத்தார். ஜெயண்ட்ஸ் அணி பீல்டிங்கும் ஒரு பெரிய மந்தமாக இருந்தது, ஏனெனில் அவர்கள் நான்கு கேட்ச்களை தவறவிட்டனர்.

பேட்டிங்கில் கெத்து காட்டி மும்பை

மும்பை இந்தியன்ஸ் பேட்டிங்கின் முதுகெலும்பாக விளங்கும் ஸ்கிவர்-பிரன்ட், வேகப்பந்து வீச்சாளர்கள் மற்றும் சுழற்பந்து வீச்சாளர்களின் பந்துவீச்சை அலட்சியமாக அடித்து நொறுக்கி, இந்த நாளில் 10 பவுண்டரிகள் மற்றும் 2 சிக்ஸர்களை சேகரித்தார்.

பவர்பிளேயில் மும்பை அணிக்கு 37 ரன்கள் மட்டுமே கிடைத்ததை உணர்ந்த மேத்யூஸ் மற்றும் ஸ்கிவர்-பிரன்ட் ஆகியோர் கியரை மாற்றினர்.

இங்கிலாந்தைச் சேர்ந்தவரும் குஜராத்தில் இன்று அறிமுகமானவருமான வேகப்பந்து வீச்சாளர் டேனியல் கிப்சன் சிறப்பாக பந்துவீசி 2 விக்கெட்டுகளை வீழ்த்தினார். மேத்யூஸ் லெக் ஸ்பின்னர் பிரியா மிஸ்ராவின் பந்தில் தொடர்ச்சியாக மூன்று பவுண்டரிகளை அடித்தார்.

இடது கை சுழற்பந்து வீச்சாளர் தனுஜா கன்வெர் வீசிய லாங் ஹாப்பில் ஒரு சிக்ஸருடன் மேத்யூஸ் தனது அரைசதத்தை எட்டினார்.

கடைசி 5 ஓவர்களில் மும்பை இந்தியன்ஸ் அணி 73 ரன்கள் குவித்தது. இந்த போட்டியில் வெற்றி பெற்ற மும்பை அணி சனிக்கிழமை நடைபெறும் இறுதிப் போட்டியில் டெல்லி கேபிடல்ஸ் அணியை எதிர்கொள்கிறது.

47 ரன்கள் வித்தியாசத்தில் ஜெயித்தது மும்பை

முன்னதாக, சேஸிங்கின்போது ஆரம்பம் முதலே தடுமாறியது. கிப்சன் மட்டுமே அதிரடி காட்டி 34 ரன்கள் விளாசிநார். ஆனால் அவரும் ரன் அவுட்டானார். கேப்டன் கார்ட்னர் 8 ரன்னில் நடையைக் கட்டினார். முந்தைய மேட்ச்சை போல் சற்று நேரம் நம்பிக்கை தந்தார் ஃபுல்மாலி. ஆனால் அவரும் ஆட்டமிழக்க அந்த அணியின் நம்பிக்கை தகர்ந்தது. பேட்டிங்கின்போது ரன் அவுட்டில் குஜராத் வீராங்கனைகள் அதிகம் ஆட்டமிழந்தனர்.

19.2 ஓவர்களில் அனைத்து விக்கெட்டுகளையும் இழந்து 166 ரன்கள் எடுத்தது குஜராத். இவ்வாறாக மும்பை 47 ரன்கள் வித்தியாசத்தில் ஜெயித்தது.