World Cup 2023: முதல் முறையாக டாப் 5 பேட்ஸ்மேன்களும் 50+ ஸ்கோர்! இந்தியா 410 ரன்கள் குவிப்பு
இந்திய அணியில் டாப் 5 பேட்ஸ்மேன்கள் 50 ரன்கள் அடித்து முதல் முறையாக சாதனை நிகழ்த்தியுள்ளனர். இந்த உலகக் கோப்பை தொடரில் இந்தியா முதல் முறையாக 400 ரன்களுக்கு மேல் அடித்துள்ளது.
உலகக் கோப்பை தொடரின் 45வது மற்றும் கடைசி லீக் போட்டி இந்தியா - நெதர்லாந்து அணிகளுக்கு இடையே பெங்களுருவில் நடைபெற்று வருகிறது. இதில் டாஸ் வென்ற இந்திய கேப்டன் ரோஹித் ஷர்மா பேட்டிங்கை தேர்வு செய்துள்ளார்.
இந்த அணி வெற்றி காம்பினேஷனை மாற்றாமல் கடந்த போட்டியில் விளையாடிய அதே அணியுடன் இன்றைய போட்டியிலும் களமிறங்கியுள்ளது. நெதர்லாந்து அணியும் கடந்த போட்டியில் விளையாடிய அதே அணியுடன் விளையாடுகிறது.
இதையடுத்து முதலில் பேட்டிங் செய்த இந்திய 50 ஓவரில் 4 விக்கெட் இழப்புக்கு 410 ரன்கள் எடுத்துள்ளது. இந்திய அணியில் ஷ்ரேயாஸ் ஐயர்128 ரன்கள் அடித்து நாட் அவுட் பேட்ஸ்மேனாக உள்ளார். கேஎல் ராகுல் 102 ரன்கள் அடித்து அவுட்டானார். 62 பந்துகளில் சதமடித்த கேஎல் ராகுல், உலகக் கோப்பை போட்டிகளில் அதிவேக சதமடித்த வீரர் என்ற சாதனை புரிந்தார்.
இவர்கள் இருவரும் இணைந்து 4வது விக்கெட்டுக்கு 208 ரன்கள் பார்டனர்ஷிப் அமைத்தனர். கடைசி 10 ஓவரில் இந்தியா 126 ரன்கள் எடுத்துள்ளது.
அதேபோல் ரோஹித் ஷர்மா 61, சுப்மன் கில் 51, விராட் கோலி 51 ரன்கள் எடுத்துள்ளனர். நெதர்லாந்து பவுலர்களில் ரோலோஃப் வான் டெர் மெர்வே, பாஸ் டி லீட், பால் வான் மீகெரென் ஆகியோர் தலா ஒரு விக்கெட்டை வீழ்த்தினர். லோகன் வேன் பீக் 10 ஓவரில் 107 ரன்களை வாரி வழங்கினார்.
நெதர்லாந்து அணி இந்தப் போட்டியில் வெற்றி பெற 411 என்ற இமாலய இலக்கை சேஸ் செய்ய வேண்டும்.
சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:
Google News: https://bit.ly/3onGqm9
டாபிக்ஸ்