விராட் கோலி சாதனைகள்: அதிக ரன், சதம், அதிக கேட்ச்.. ஒரே போட்டியில் சாதனை மேல் சாதனை புரிந்த கோலி

இது கோலி அடித்திருக்கும் 51வது சதமாகும். அதேபோல் சேஸிங்கில் கோலியின் 28வது சதமாக இது அமைந்துள்ளது.

சச்சின் சாதனை சமன்

இந்த சதத்தின் மூலம் ஒரு நாள் போட்டியில் அதிக சதமடித்த பேட்ஸ்மேன்களின் சச்சின் டென்டுல்கரின் சாதனையை சமன் செய்துள்ளார் விராட் கோலி. தற்போது ஒரு நாள் போட்டியில் 51 சதம், டெஸ்ட் போட்டியில் 30 சதம், டி20 கிரிக்கெட்டில் ஒரு சதம் என மொத்தமாக 82 சதங்களை கோலி விளாசியுள்ளார்.

அதேபோல் ஒரு நாள் கிரிக்கெட்டில் 14 ஆயிரம் ரன்களை கடந்திருக்கும் கோலி, அதிக வேக அதை செய்த வீரராகவும் திகழ்கிறார். ஒரு நாள் போட்டியில் அதிக ரன்கள் எடுத்திருக்கும் வீரராக சச்சின் டென்டுல்கர் தனது 350வது இன்னிங்ஸில் 14 ஆயிரம் ரன்களை கடந்துள்ளார். இவருக்கு அடுத்தபடியாக இலங்கை முன்னாள் விக்கெட் கீப்பர் பேட்ஸ்மேன் குமார சங்ககாரா 378 இன்னிங்ஸில் 14 ஆயிரம் ரன்கள் எட்டிய நிலையில், விராட் கோலி தனது 287வது இன்னிங்ஸிலேயே இதை செய்துள்ளார். சச்சின் டென்டுல்கரை விட 63 இன்னிங்ஸ் குறைவாக இந்த மைல்கல்லை எட்டியுள்ளார் கோலி.

இதுமட்டுமல்லாமல் சர்வதேச ஒருநாள் போட்டிகளில் அதிவேகமாக 8 ஆயிரம் ,9 ஆயிரம், 10 ஆயிரம், 11 ஆயிரம், 12 ஆயிரம்,13 ஆயிரம் ரன்களை கடந்த வீரராக இருக்கிறார் கோலி.

மேலும் படிக்க: ஸ்டிரைக் ரேட் மூலம் விமர்சகர்களுக்கு பதிலடி கொடுத்த விராட் கோலி

அசாருதீன் சாதனை முறியடிப்பு

முன்னதாக, முதல் இன்னிங்ஸில் பாகிஸ்தான் பேட்ஸ்மேன் நசீம் ஷா கேட்சை விராட் கோலி பிடித்ததன் மூலம் சர்வதேச ஒரு நாள் கிரிக்கெட்டில் அதிக கேட்ச்கள் பிடித்த வீரர் என்ற சாதனையை நிகழ்த்தினார். இந்த லிஸ்டில் 156 கேட்ச்களுடன் முதல் இடத்தில் இருந்த அசாருதீனை முந்திய கோலி தற்போது 157 கேட்ச்களை பிடித்துள்ளார்.

சாம்பியன்ஸ் டிராபியில் அதிக 50+ ஸ்கோர்

அதேபோல் மினி உலகக் கோப்பை என்று அழைக்கப்படும் சாம்பியன்ஸ் டிராபி கிரிக்கெட் தொடரில் அதிக 50+ ஸ்கோர் அடித்த சாதனையை சமன் செய்துள்ளார் கோலி. இந்திய அணியின் முன்னாள் வீரர்களான ஷிகர் தவான், செளரவ் கங்குலி, ராகுல் டிராவிட் ஆகியோர் தலா 6 முறை 50+ ஸ்கோரை சாம்பியன்ஸ் டிராபி தொடரில் அடித்துள்ளனர். இவர்களுக்கு அடுத்தபடியாக கோலி தற்போது தனது 6வது 50+ ஸ்கோரை பதிவு செய்துள்ளார்.

மேலும் படிக்க: 30 ஆண்டுதளுக்கு முன்பு சச்சின் செய்த சம்பவம்

எனது குறி வேகப்பந்து வீச்சாளர்கள் தான்

ரோஹித் அவுட்டான பிறகு, அரையிறுதிக்கு தகுதி பெற வேண்டிய முக்கிய ஆட்டத்தில், இந்த மாதிரி பேட்டிங் செய்திருப்பது சிறப்பு என உணர்கிறேன். எனது திட்டத்தில் தெளிவாக இருந்தேன். மிடில் ஓவர்களில் கட்டுப்பாடுடன் விளையாடுவது, ஸ்பின்னர்களுக்கு எதிராக ரிஸ்க் எடுக்காமல்,வேகப்பந்து வீச்சாளர்களை குறிவைப்பது என்பதை சரியாக செய்தேன். இந்த டெம்ப்ளேட் ஆட்டத்தை வெளிப்படுத்தியதில் மகிழ்ச்சி. இப்படித்தான் ஒருநாள் போட்டிகளில் நான் விளையாடும் விதம் உள்ளது.

எனது ஆட்டத்தைப் பற்றி எனக்கு நல்ல புரிதல் உள்ளது. இது மற்ற கவனச் சிதறல்கள், சத்தங்களில் இருந்து விலகி எனது ஆற்றல் நிலைகள் மற்றும் எண்ணங்களைக் கவனித்துக்கொள்வது பற்றியது. இது போன்ற ஆட்டங்களில் எதிர்பார்ப்புகளால் வீரர்கள் இழுக்கப்படுவது வழக்கமானது தான்" என ஆட்டநாயகன் விருதை பெற்ற பிறகு கோலி தெரிவித்தார்.