Virat Kohli: மிகவும் மதிப்புமிக்க பிரபலம் - ரன்வீர் சிங், ஷாருக்கானை பின்னுக்கு தள்ளிய கோலி! பிராண்ட் மதிப்பு எவ்வளவு?

ரன்வீர் சிங், ஷாருக்கானை பின்னுக்கு தள்ளிய கோலி

இந்திய அணியின் முன்னாள் கேப்டனான விராட் கோலி மிகவும் மதிப்புமிக்க பிரபலங்களின் லிஸ்டில் பாலிவுட் டாப் நடிகர்களான ரன்வீர் சிங், ஷாருக்கான் உள்ளட்டோரை பின்னுக்கு தள்ளியுள்ளாார்.

இந்தியாவின் மிகவும் மதிப்புமிக்க பிரபலங்கள் பட்டியலில் தனது இருப்பை நீடித்திருக்கும் கோலி, இந்த ஆண்டில் தனது ஒட்டுமொத்த பிராண்ட் மதிப்பை கிட்டத்தட்ட 29 சதவீதம் அதிகரித்துள்ளார்.

கடந்த ஏப்ரல், மே மாதம் நடைபெற்று முடிந்த ஐபிஎல் 2024 சீசனில் ராயல் சேலஞ்சர்ஸ் பெங்களூரு (ஆர்சிபி) அணிக்காக விளையாடி கோலிக்கு அற்புதமான சீசனாக அமைந்தது. இந்த சீசனில் அதிக ரன்கள் அடிக்கும் பேட்ஸ்மேன்களுக்கு அளிக்கப்படும் ஆரஞ்சு தொப்பியை வென்றார்.

கடந்த ஆண்டு ஒருநாள் உலகக் கோப்பை பேட்டிங் தரவரிசையிலும் கோலி ஆதிக்கம் செலுத்தினார். 35 வயதான அவர் 2023 உலகக் கோப்பை தொடரில் ஏராளமான பேட்டிங் சாதனைகளை முறியடித்தார். ஐசிசி ஆண்டின் சிறந்த ஒருநாள் வீரர் விருதை வென்ற கோலி, ஐசிசி ஆண்டின் சிறந்த ஒருநாள் அணிக்கும் தேர்வு செய்யப்பட்டார்.

விராட் கோலியின் பிராண்ட் மதிப்பு எவ்வளவு?

க்ரோலின் என்ற நிறுவனத்தின் கூற்றுப்படி, 2023ஆம் ஆண்டில் கோலியின் பிராண்ட் மதிப்பு 227.9 மில்லியன் அமெரிக்க டாலர்களாக இருந்தது.

இந்திய அணியின் தலைசிறந்த பேட்ஸ்மேனாக திகழ்ந்து வரும் கோலி, 2020ஆம் ஆண்டில் 237.7 மில்லியன் அமெரிக்க டாலர் பிராண்ட் மதிப்புடன் புதிய உயரத்தை எட்டினார்.

பாலிவுட் நடிகர் ரன்வீர் சிங் 203.1 மில்லியன் அமெரிக்க டாலர் பிராண்ட் மதிப்புடன் இரண்டாவது இடத்தைப் பிடித்துள்ளார். செலிபிரிட்டி பிராண்ட் மதிப்பீட்டு அறிக்கை 2023இன் படி, பிரபல பாலிவுட் நடிகர் ஷாருக்கான் 2023 இல் 120.7 மில்லியன் அமெரிக்க டாலர் மதிப்புடன் மூன்றாவது இடத்தைப் பிடித்தார்.

இந்த லிஸ்டில் தோனி, டென்டுல்கர்

கிரிக்கெட் விளையாட்டில் ஜாம்பவான் வீரரான எம்.எஸ்.தோனி 95.8 மில்லியன் அமெரிக்க டாலர் பிராண்ட் மதிப்புடன் பட்டியலில் ஒரு இடம் முன்னேறியுள்ளார்.

ஐபிஎல் 2024 தொடருக்கு முன்னதாக சென்னை சூப்பர் கிங்ஸ் (CSK) அணியின் கேப்டன் பதவியில் இருந்து தோனி விலகினார்.

அதில் கிரிக்கெட் கடவுள் என வர்ணிக்கப்படும், மாஸ்டர் பிளாஸ்டர் சச்சின் டெண்டுல்கர் 91.3 மில்லியன் அமெரிக்க டாலர் பிராண்ட் மதிப்புடன் எட்டாவது இடத்தில் உள்ளார்.

சமூக வலைத்தளங்களில் எங்களை பின் தொடலாம். லிங்க்குகள் கீழே கொடுக்கப்பட்டு உள்ளன:

Twitter: https://twitter.com/httamilnews 

Facebook" https://www.facebook.com/HTTamilNews 

You Tube: https://www.youtube.com/@httamil 

Google News: https://tamil.hindustantimes.com/ 

ஹிந்துஸ்தான் தமிழ் வாட்ஸ் அப் குடும்பத்தில் இணைய கீழே உள்ள லிங்கை கிளிக் செய்யுங்கள்.

https://www.whatsapp.com/channel/0029Va9NEUA7IUYU4eBTc81v