தமிழ் செய்திகள்  /  மட்டைப்பந்து  /  Tnpl 2024: புது பெயர்களுடன் 2 அணிகள், களைகட்ட காத்திருக்கும் 8வது ஆண்டு தமிழ்நாடு பிரீமியர் லீக் கிரிக்கெட் திருவிழா

TNPL 2024: புது பெயர்களுடன் 2 அணிகள், களைகட்ட காத்திருக்கும் 8வது ஆண்டு தமிழ்நாடு பிரீமியர் லீக் கிரிக்கெட் திருவிழா

Manigandan K T HT Tamil
Jul 05, 2024 06:00 AM IST

டி.என்.பி.எல் 2024 சீஸனிலும் கேரவன் ஃபார்மட் அடிப்படையில் முதல் லெக் போட்டிகள் சேலத்தில் ஜூலை 5 முதல் 11ஆம் தேதி வரையும் இரண்டாவது லெக் கோயம்புத்தூரில் ஜூலை 13 முதல் 18ஆம் தேதி வரையும் மூன்றாவது லெக் போட்டிகள் திருநெல்வேலியில் ஜூலை 20 முதல் 24ஆம் தேதி வரையும் நடைபெறுகிறது.

TNPL 2024: புது பெயர்களுடன் 2 அணிகள், களைகட்ட காத்திருக்கும் 8வது ஆண்டு தமிழ்நாடு பிரீமியர் லீக் கிரிக்கெட் திருவிழா
TNPL 2024: புது பெயர்களுடன் 2 அணிகள், களைகட்ட காத்திருக்கும் 8வது ஆண்டு தமிழ்நாடு பிரீமியர் லீக் கிரிக்கெட் திருவிழா (@TNPremierLeague)

ஸ்ரீராம் கேபிட்டல் தமிழ்நாடு பிரீமியர் லீக் கிரிக்கெட் தொடரின் 8வது சீஸன் வரும் இன்று பிரமாண்டமாக தொடங்கவுள்ளது. மொத்தம் 8 அணிகள் கலந்து கொள்ளும் இந்த தொடரானது சேலம், கோவை, திருநெல்வேலி, திண்டுக்கல் மற்றும் சென்னை ஆகிய 5 மாநகரங்களில் நடைபெறுகிறது. ஜூலை 5ஆம் தேதி தொடங்கி ஆகஸ்ட் 4ஆம் தேதி வரையிலான இந்த தொடரில் ப்ளேஆஃப்ஸ் மற்றும் இறுதிப்போட்டி உட்பட மொத்தம் 32 போட்டிகள் நடைபெறுகிறது.

கடந்த இரண்டு சீஸன்களைப் போல, டி.என்.பி.எல் 2024 சீஸனிலும் கேரவன் ஃபார்மட் அடிப்படையில் முதல் லெக் போட்டிகள் சேலத்தில் ஜூலை 5 முதல் 11ஆம் தேதி வரையும் இரண்டாவது லெக் கோயம்புத்தூரில் ஜூலை 13 முதல் 18ஆம் தேதி வரையும் மூன்றாவது லெக் போட்டிகள் திருநெல்வேலியில் ஜூலை 20 முதல் 24ஆம் தேதி வரையும் நடைபெறுகிறது. இதில் கடைசி லெக் போட்டிகள் திண்டுக்கல்லில் ஜூலை 26 முதல் 28 வரை நடைபெறுவதோடு 2024 சீஸனின் முதல் 2 ப்ளேஆஃப்ஸ் போட்டிகளான குவாலிஃபையர் 1 மற்றும் எலிமினேட்டர் போட்டிகள் முறையே ஜூலை 30 மற்றும் 31ஆம் தேதி திண்டுக்கல் மாநகரத்திலேயே நடைபெறுகிறது. இதில் 2024 சீஸனின் குவாலிஃபையர் 2(ஆகஸ்ட் 2) மற்றும் இறுதிப்போட்டி (ஆகஸ்ட் 4) சென்னை சேப்பாக்கத்தில் 2021ஆம் ஆண்டிற்குப்பின் மீண்டும் நடைபெறவுள்ளது

சமீபத்திய கிரிக்கெட் செய்திகள், கிரிக்கெட் அணி குறித்த தகவல்கள், லைவ் ஸ்கோர் மேட்ச் புதுப்பிப்புகள், டி20 கிரிக்கெட் ஆகியவற்றை கீழேயுள்ள பிரிவில் படிக்கவும்.