Team india: கோலி, ரோஹித் ஓய்வுக்கு பின் களமிறங்கும் புதிய இந்திய அணி! மூன்று புதிய வீரர்கள் அறிமுகம்

மூன்று வீரர்கள் அறிமுகம்

இந்தியா - ஜிம்பாப்வே அணிகளுக்கு இடையிலான முதல் டி20 போட்டி ஹராரேவில் இன்று நடைபெற இருக்கும் நிலையில் போட்டி தொடங்கும் முன்னரே அணியில் களமிறங்க இருக்கும் மூன்று புதிய வீரர்கள் குறித்து அணியின் கேப்டன் சுப்மன் கில் வெளிப்படுத்தியுள்ளார். அதன்படி ஐபிஎல் போட்டிகளில் சன் ரைசர்ஸ் அணியின் தனது அதிரடியான ஓபனிங்கில் கலக்கிய அபிஷேக் ஷர்மா, ராஜஸ்தான் ராயல் அணியில் தனது அற்புத பேட்டிங்கால் மிரட்டிய ரியான் பிராக், துருவ் ஜூரல் ஆகியோர் விளையாடுவார்கள் என தெரிவித்துள்ளார்.

மூன்று சீனியர் வீரர்கள் ஓய்வால் கிடைத்த இடத்தை தற்போது மூன்று இளம் வீரர்கள் நிரப்பியுள்ளனர்.

மூன்று பேருக்கு மீண்டும் வாய்ப்பு

டி20 உலகக் கோப்பை அணியில் இடம்பிடித்து ஒரு போட்டியில் கூட விளையாடும் வாய்ப்பை பெறாத விக்கெட் கீப்பர் பேட்ஸ்மேன் சஞ்சு சாம்சன், ஓபனர் யஷஸ்வி ஜெய்ஸ்வால் ஆகியோருக்கு இந்த தொடரில் மீண்டும் வாய்ப்பு வழங்கப்பட்டுள்ளது.

அதேபோல் இந்த தொடருக்கு தேர்வு செய்யப்பட்ட பின்னர் காயமடைந்த நிதிஷ் ரெட்டிக்கு பதிலாக, ஆல்ரவுண்டர் ஷிவம் துபே சேர்க்கப்பட்டுள்ளார். டி20 உலகக் கோப்பை அணியில இடம்பிடித்த இவர்கள் மூன்று பேருக்கும் இந்த இளம் அணியில் மீண்டும் வாய்ப்பு வழங்கப்பட்டுள்ளது.  

இருப்பினும் வெஸ்ட் இண்டீஸில் இருந்து இந்தியா தாமதமாக கிளம்பியதால், இவர்கள் முதல் இரண்டு போட்டிகளில் பங்கேற்கமாட்டார்கள் என தெரிகிறது. 

அதேபோல் இந்த புதிய இந்திய அணியின் தற்காலிக பயிறியாளராக, இந்திய அணி முன்னாள் பேட்ஸ்மேன் விவிஎஸ் லக்‌ஷ்மன் உள்ளார்.

ஜிம்பாப்வேக்கு எதிரான முதல் டி20 போட்டிக்கான இந்தியாவின் வாய்ப்புள்ள லெவன்

ஓபனர்கள்: சுப்மன் கில், அபிஷேக் ஷர்மா

டாப் மற்றும் மிடில் ஆர்டர்: ருதுராஜ் கெய்க்வாட், ரியான் பராக், ரிங்கு சிங்

விக்கெட் கீப்பர்: துருவ் ஜூரல்

ஆல்ரவுண்டர்: வாஷிங்டன் சுந்தர்

வேகப்பந்து வீச்சாளர்கள்: அவேஷ் கான், கலீல் அகமது, முகேஷ் குமார்

ஸ்பின்னர்: ரவி பிஷ்னோய்

சமூக வலைத்தளங்களில் எங்களை பின் தொடலாம். லிங்க்குகள் கீழே கொடுக்கப்பட்டு உள்ளன:

Twitter: https://twitter.com/httamilnews 

Facebook" https://www.facebook.com/HTTamilNews 

You Tube: https://www.youtube.com/@httamil 

Google News: https://tamil.hindustantimes.com/ 

ஹிந்துஸ்தான் தமிழ் வாட்ஸ் அப் குடும்பத்தில் இணைய கீழே உள்ள லிங்கை கிளிக் செய்யுங்கள்.

https://www.whatsapp.com/channel/0029Va9NEUA7IUYU4eBTc81v