SA vs USA, Super 8: ஒரே ஓவரில் 3 சிக்ஸருடன் விரட்டி வந்த யுஎஸ்ஏ! ரபாடா வீசிய மாயஜால ஓவர் - எஸ்கேப் ஆன தென் ஆப்பரிக்கா
contents
Follow on:
  • WhatsApp Channel
  • Facebook
  • Twitter
  • You tube
Notification
தமிழ் செய்திகள்  /  கிரிக்கெட்  /  Sa Vs Usa, Super 8: ஒரே ஓவரில் 3 சிக்ஸருடன் விரட்டி வந்த யுஎஸ்ஏ! ரபாடா வீசிய மாயஜால ஓவர் - எஸ்கேப் ஆன தென் ஆப்பரிக்கா

SA vs USA, Super 8: ஒரே ஓவரில் 3 சிக்ஸருடன் விரட்டி வந்த யுஎஸ்ஏ! ரபாடா வீசிய மாயஜால ஓவர் - எஸ்கேப் ஆன தென் ஆப்பரிக்கா

Muthu Vinayagam Kosalairaman HT Tamil Published Jun 19, 2024 11:45 PM IST
Muthu Vinayagam Kosalairaman HT Tamil
Published Jun 19, 2024 11:45 PM IST

ஒரே ஓவரில் 3 சிக்ஸருடன் வெற்றிக்கான இலக்கை எட்டும் தூரத்தில் விரட்டி வந்த யுஎஸ்ஏ, ரபாடா வீசிய மாயஜால ஓவரில் வாய்ப்பை கோட்டை விட்டது. இதனால் எஸ்கேப் ஆன தென் ஆப்பரிக்கா வெற்றியை தன் வசமாக்கியது.

ரபாடா வீசிய மாயஜால ஓவரால் எஸ்கேப் ஆன தென் ஆப்பரிக்கா
ரபாடா வீசிய மாயஜால ஓவரால் எஸ்கேப் ஆன தென் ஆப்பரிக்கா (PTI)
Share on Whatsappஎங்களை பின் தொடரலாம்
  • Share on Twitter
  • Share on Facebook

டி20 உலகக் கோப்பை 2024 தொடரின் சூப்பர் 8 சுற்று போட்டிகள் இன்று தொடங்கியுள்ளன. தொடர்ந்து 41வது போட்டியாகவும் சூப்பர் 8 சுற்றின் முதல் போட்டியாகவும் குரூப் 2 பிரிவில் தென் ஆப்பரிக்கா - யுஎஸ்ஏ அணிகளுக்கு இடையே நார்த் சவுண்ட் மைதானத்தில் நடைபெற்றது.

தென்ஆப்பரிக்கா ரன் குவிப்பு

இந்த போட்டியில் டாஸ் வென்ற யுஎஸ்ஏ கேப்டன் ஆரோன் ஜோன்ஸ் பவுலிங்கை தேர்வு செய்தார். இதையடுத்து முதலில் பேட் செய்த தென் ஆப்பரிக்கா 20 ஓவரில் 176 ரன்கள் அடித்தது. அதிகபட்சமாக ஓபனராக களமிறங்கிய குவன்டைன் டி காக் 74, ஐடன் மார்க்ரம் 46, ஹென்ரிச் கிளாசன் 36, ட்ரிஸ்டன் ஸ்டப்ஸ் 20 ரன்கள் அடித்தனர்.

யுஎஸ்ஏ பவுலர்களில் செளரப் நேட்ரவால்கர், ஹர்மீத் சிங் ஆகியோர் தலா 2 விக்கெட்டுகளை கைப்பற்றினார்கள்.

யுஎஸ்ஏ சேஸிங்

மிகப் பெரிய இலக்காக இருந்தாலும் சிறப்பாக சேஸிங் செய்த யுஎஸ்ஏ அணி 20 ஓவரில் 6 விக்கெட் இழப்புக்கு 176 ரன்கள் அடித்தது. அதிகபட்சமாக ஓபனர் ஆண்ட்ரிஸ் கௌஸ் 80 ரன்கள் அடித்து கடைசி வரை அவுட்டாகாமல் இருந்தார். இவருக்கு அடுத்தபடியாக ஹர்மீத் சிங் 38, ஸ்டீவன் டெய்லர் 24 ரன்கள் எடுத்தனர்.

தென் ஆப்பரிக்கா பவுலர்களில் அற்புதமாக பவுலிங் செய்த ககிசோ ரபாடா 3 விக்கெட்டுகளை கைப்பற்றினார். கேசவ் மகராஜ், அன்ரிஜ் நார்ட்ஜே, தபரிஸ் ஷாம்சி ஆகியோர் தலா ஒரு விக்கெட்டை எடுத்தனர்.

குவன்டைன் டி காக் அதிரடி

தென் ஆப்பரிக்கா பேட்டிங்கில் ஓபனரான குவன்டைன் டி காக் அதிரடியான இன்னிங்ஸை வெளிப்படுத்தினர். பவுண்டரி, சிக்ஸர் என ரன்குவிப்பில் ஈடுபட்ட டி காக் 40 பந்துகளில் 74 ரன்கள் அடித்தார். தனது இன்னிங்ஸில் 7 பவுண்டரி, 5 சிக்ஸர்கள் அடித்தார்.

இவருடன் அணியின் கேப்டன் மார்க்ரம் இணைந்து பார்ட்னர்ஷிப் அமைத்தார். மார்க்ரம் 32 பந்துகளில் 4 பவுண்டரி, ஒரு சிக்ஸருடன் 46 ரன்கள் எடுத்து அவுட்டானார்.

கடைசி கட்டத்தில் ஹென்ரிச் கிளாசன், ட்ரிஸ்டன் ஸ்ட்ப்ஸ் இணைந்து பவுண்டரிகளால் ரன்களை சேர்த்தனர். கிளாசன் 22 பந்துகளில் 3 சிக்ஸர்களை பறக்க விட்டு 36 ரன்களுடன் நாட் அவுட் பேட்ஸ்மேனாக இருந்தார்.

ஸ்டப்ஸ் 16 பந்துகளில் 2 பவுண்டரி அடித்து 20 ரன்கள் அடித்து அவுட்டாகாமல் இருந்தார்.

ஆண்ட்ரிஸ் கௌஸ் போராட்டம்

யுஎஸ்ஏ அணிசேஸிங்கில் ஓபனராக களமிறங்றிய விக்கெட் கீப்பர் பேட்ஸ்மேன் ஆண்ட்ரிஸ் கௌஸ் கடைசி வரை போராட்டம் நடத்தினர். அவருக்கு பக்கபலமாக யாரும் பார்ட்னர்ஷிப் அமைக்காமல் போனது பின்னடைவாக அமைந்தது.

அரைசதத்தை பூர்த்தி செய்து கடைசி வரை அவுட்டாகமல் இருந்த ஆண்ட்ரிஸ் கௌஸ், 47 பந்துகளில் 80 ரன்கள் எடுத்தார். தனது இன்னிங்ஸில் 5 பவுண்டரி, 5 சிக்ஸர்கள் அடித்தார்.

இவருடன் இணைந்து ஹர்மீத் சிங் கடைசி கட்டத்தில் பார்ட்னர்ஷிப் அமைத்தபோதிலும், இலக்கை எட்ட முடியாமல் போனது. ஹர்மீத் சிங் 22 பந்துகளில் 38 ரன்கள் அடித்தார். தனது இன்னிங்ஸில் 2 பவுண்டரி, 3 சிக்ஸர்கள் அடித்தார்.

ரபாடா மாயாஜால ஓவர்

யுஎஸ்ஏ அணிக்கு கடைசி 2 ஓவரில் வெற்றிக்கு தேவை 28 ரன்கள், 5 விக்கெட்டுகள் கைவசம் இருந்தது. அப்போது தென் ஆப்பரிக்கா ஸ்டிரைக் பவுலர் ககிசா ரபாடா அற்புதமான ஓவரை வீசியதோடு வெறும் 2 ரன்கள் மட்டுமே விட்டுக்கொடுத்து, ஸ்டிரைக்கில் நல்ல பார்மில் இருந்த ஹர்மீத் சிங் விக்கெட்டை வீழ்த்தினார். இந்த ஓவர் தான் ஆட்டத்தின் திருப்புமுனை ஏற்படுத்திய மாயாஜால ஓவராக அமைந்தது.

சமூக வலைத்தளங்களில் எங்களை பின் தொடலாம். லிங்க்குகள் கீழே கொடுக்கப்பட்டு உள்ளன:

ஹிந்துஸ்தான் தமிழ் வாட்ஸ் அப் குடும்பத்தில் இணைய கீழே உள்ள லிங்கை கிளிக் செய்யுங்கள்.