மேற்கு வங்கத்தில் சாலை விபத்துக்குள்ளான சவுரவ் கங்குலி பயணித்த கார்!-விவரம் உள்ளே
Published Feb 21, 2025 01:47 PM IST
சவுரவ் கங்குலியின் காரை ஒரு லாரி திடீரென முந்திச் சென்றபோது, ஓட்டுநர் திடீரென பிரேக் போட வேண்டிய கட்டாயம் ஏற்பட்டது. இதனால், அவரது காருக்கு பின்னால் வந்த வாகனங்கள் சங்கிலித் தொடர் விபத்தில் சிக்கியது.
மேற்கு வங்கத்தில் சாலை விபத்துக்குள்ளான சவுரவ் கங்குலி பயணித்த கார்!-விவரம் உள்ளே (PTI)
இந்திய கிரிக்கெட் அணியின் முன்னாள் வீரர் சவுரவ் கங்குலி சாலை விபத்தில் இருந்து காயமின்றி தப்பினார். மேற்கு வங்க மாநிலம், துர்காபூர் அதிவேக நெடுஞ்சாலையில் தண்டன்பூரில் மழையின் போது ஒரு லாரி கங்குலி பயணித்த காரை முந்திச் சென்றபோது, ஓட்டுநர் திடீரென பிரேக் போட வேண்டிய கட்டாயம் ஏற்பட்டது. இதன்காரணமாக சவுரவ் கங்குலியின் வாகனத்தின் பின்னால் வந்த கார்கள் ஒன்றுடன் ஒன்று சங்கிலி எதிர்வினையில் மோதி, கங்குலி பயணித்த காரின் மீதும் மோதியது.
இரண்டு வாகனங்களுக்கு சிறிய சேதம் ஏற்பட்டாலும், இந்த விபத்தில் யாரும் காயமடையவில்லை என்று ஹூக்லி (கிராமப்புற போலீஸ்) எஸிபியான காமனாசிஷ் சென் தெரிவித்தார்.
விழாவில் பங்கேற்ற கங்குலி
பர்த்வானில் விழா ஒன்றில் கலந்து கொள்வதற்கு கங்குலி சென்றார்.