IND vs ENG 1st Test: 8 ஆண்டுகளுக்கு பிறகு கருண் நாயர் கம்பேக்.. கங்குலி, டிராவிட், கோலி லிஸ்டில் இணைந்த சாய் சுதர்சன்

மேலும் படிக்க: ஐபிஎல் 2025: மூன்று விருதுகளை வென்ற சாய் சுதர்சன்.. வெற்றியாளர் முழு லிஸ்ட்

சாய் சுதர்சன் இந்தியாவின் 317வது டெஸ்ட் வீரர் ஆகியுள்ளார். இடது கை பேட்ஸ்மேன் சாய் சுதர்சன் தனது டெஸ்ட் தொப்பியை சேதேஷ்வர் புஜாராவிடமிருந்து பெற்றார்.

இந்திய அணியின் முன்னாள் ஜாம்பவான்களான ராகுல் டிராவிட் மற்றும் செளரவ் கங்குலி ஆகியோர் ஜூன் 20, 1996 அன்று இங்கிலாந்துக்கு எதிரான டெஸ்ட் போட்டியில் அறிமுகமானார்கள். இவர்களை தொடர்ந்து 2011ஆம் ஆண்டு இதே நாளில், மேற்கிந்திய தீவுகளுக்கு எதிராக விராட் கோலி டெஸ்ட் கிரிக்கெட்டில் அறிமுகமானார். இவர்களின் வரிசையில் தற்போது இதே நாளில் அறிமுகமாகியிருக்கிறார் சாய் சுதர்சன்

இங்கிலாந்து லயன்ஸ் அணிக்கு எதிரான முதல் அதிகாரப்பூர்வமற்ற டெஸ்டில் இந்தியா ஏ அணிக்காக இரட்டை சதம் அடித்த கருண் நாயர், 6வது இடத்தில் பேட்டிங் செய்யவுள்ளார்.

மேலும் படிக்க: கில் தலைமையில் இந்தியாவின் இளம் படை.. கோலி தான் டாப்! இங்கிலாந்தில் சாதித்த இந்திய கேப்டன்கள் லிஸ்ட்

விக்கெட் கீப்பர்-பேட்டர் ரிஷப் பந்த் 5வது இடத்தில் பேட்டிங் செய்யவுள்ளார். ஆல்ரவுண்டர்களாக ரவீந்திர ஜடேஜா மற்றும் ஷர்துல் தாக்கூர் ஆகியோர் அணியின் லெவனில் உள்ளார்கள்.

ஹெடிங்லியில் நடைபெறும் முதல் டெஸ்டில் ஜஸ்பிரித் பும்ரா, முகமது சிராஜ் மற்றும் பிரசித் கிருஷ்ணா ஆகியோர் மூன்று வேகப்பந்து வீச்சாளர்களாக விளையாடுகின்றனர். தனது பணிச்சுமையை நிர்வகிப்பதில் கவனம் செலுத்தப்படுவதால், ஆண்டர்சன்-டெண்டுல்கர் டிராபியில் மூன்று டெஸ்ட் போட்டிகளில் மட்டுமே விளையாடுவேன் என்று பும்ரா ஏற்கனவே தெளிவுபடுத்தியுள்ளார்

டாஸில் சுப்மான் கில் என்ன சொன்னார்?

ஹெடிங்லியில் நடந்த முதல் டெஸ்டில், இங்கிலாந்து கேப்டன் டாஸ் வென்று முதலில் பந்து வீசத் தேர்வு செய்தார். டாஸ் போடும் நேரத்தில், ஷுப்மான் கில், "நாங்களும் முதலில் பந்து வீசியிருப்போம்" என்றார்.

"நாங்கள் மூன்று வேகப்பந்து வீச்சாளர்களுடன் செல்கிறோம். சாய் சுதர்சன் அறிமுகமாகிறார், கருண் நாயர் மீண்டும் அணியில் இடம் பிடித்துள்ளார்," என்று கில் கூறினார்.

மறுபுறம், பென் ஸ்டோக்ஸ், "ஹெடிங்லி ஒரு நல்ல கிரிக்கெட் விக்கெட், நாங்கள் இங்கே சில நல்ல ஆட்டங்களை விளையாடியுள்ளோம். ஆரம்பகால சூழ்நிலைகளைப் பயன்படுத்திக் கொள்ள விரும்புகிறோம். எதற்கும் நாங்கள் தயாராக இருக்கிறோம். கலவையான அணியாக இருக்கிறோம். எங்கள் சில வீரர்கள் கவுண்டி கிரிக்கெட் விளையாடியுள்ளனர்" என்று கூறினார்.

மேலும் படிக்க: விராட் கோலி மீண்டும் கேப்டனாக விரும்பினாரா? ரவி சாஸ்த்ரி பரபரப்பு தகவல்

இந்த போட்டியில், கடந்த வாரம் நடந்த ஏர் இந்தியா விமான விபத்தில் உயிரிழந்தவர்களுக்கு மரியாதை செலுத்தும் விதமாக இங்கிலாந்து மற்றும் இந்திய வீரர்கள் கருப்பு கைப்பட்டைகளை அணிந்து விளையாடுகின்றனர்

India playing XI for the first Test: KL Rahul, Yashasvi Jaiswal, Sai Sudharsan, Shubman Gill ©, Rishabh Pant (wk), Ravindra Jadeja, Shardul Thakur, Jasprit Bumrah, Mohammed Siraj, Prasidh Krishna.

England playing XI: Zak Crawley, Ben Duckett, Ollie Pope, Joe Root, Ben Stokes ©, Harry Brook, Jamie Smith (wk), Chris Woakes, Brydon Carse, Josh Tongue, Shoaib Bashir.