வகையினம்

தமிழ் செய்திகள் / கிரிக்கெட் / ஐபிஎல் 2025: ஒரேயொரு அபார இன்னிங்ஸ்.. ஐந்து வெவ்வேறு சாதனைகளை படைத்த ரோஹித் ஷர்மா! என்னன்னு பாருங்க

ஐபிஎல் 2025: ஒரேயொரு அபார இன்னிங்ஸ்.. ஐந்து வெவ்வேறு சாதனைகளை படைத்த ரோஹித் ஷர்மா! என்னன்னு பாருங்க

Muthu Vinayagam Kosalairaman HT Tamil Updated May 31, 2025 10:12 AM IST

எங்களை பின் தொடரலாம்

Muthu Vinayagam Kosalairaman HT Tamil

Updated May 31, 2025 10:12 AM IST

குஜராத் டைட்டன்ஸ் vs மும்பை இந்தியன்ஸ் அணிகளுக்கு இடையேயான எலிமினேட்டர் போட்டியில் ரோஹித் சர்மா அபார இன்னிங்ஸை வெளிப்படுத்தினார். ரசிகர்களால் ஹிட்மேன் என்று அழைக்கப்படும் ரோஹித் ஷர்மா ஐந்து புதிய சாதனைகளை படைத்துள்ளார்.

ஐபிஎல் 2025: ஒரேயொரு அபார இன்னிங்ஸ்.. ஐந்து வெவ்வேறு சாதனைகளை படைத்த ரோஹித் ஷர்மா! என்னன்னு பாருங்க

எங்களை பின் தொடரலாம்

ஐபிஎல் 2025இல் குஜராத் டைட்டன்ஸ் (ஜிடி) அணிக்கு எதிரான எலிமினேட்டர் போட்டியில் மும்பை இந்தியன்ஸ் (எம்ஐ) பேட்ஸ்மேன் ரோஹித் சர்மா அபாரமான இன்னிங்ஸை வெளிப்படுத்தினார். முல்லன்பூர் மைதானத்தில் நடந்த எலிமினேட்டர் போட்டியில் ரோஹித் 50 பந்துகளில் 9 பவுண்டரிகள் மற்றும் நான்கு சிக்ஸர்களுடன் 81 ரன்கள் எடுத்தார்.

ரோஹித் அபார இன்னிங்ஸ்

அவரது அற்புதமான பேட்டிங்கால் மும்பை இந்தியன்ஸ் அணி 228 ரன்கள் என்ற மிகப்பெரிய ஸ்கோரைப் பெற்றது. இந்த இலக்கை சேஸ் செய்த குஜராத் டைட்டன்ஸ் 6 விக்கெட் இழப்புக்கு 208 ரன்கள் மட்டுமே எடுத்தது. இதனால் மும்பை இந்தியன்ஸ் 20 ரன்கள் வித்தியாசத்தில் வெற்றி பெற்றதுடன், குவாலிஃபையர் 2 போட்டிக்கு தகுதி பெற்றது.

தனது அற்புதமான ஆட்டத்துக்காக ஹிட்மேன் ரோஹித்துக்கு ஆட்டநாயகன் விருது வழங்கப்பட்டது. இதற்கிடையே குஜராத் டைட்டன்ஸ் அணிக்கு எதிரான இந்த எலிமினேட்டர் ஆட்டத்தில் ரோஹித் ஒன்று அல்லது இரண்டு அல்ல, 5 புதிய சாதனைகளை படைத்துள்ளார்.

மேலும் படிக்க: ஐபிஎல் 2025: மூன்றாவது முறையாக அதே தவறு.. ரிஷப் பந்துக்கு ரூ. 30 லட்சம் அபராதம்

ரோஹித் ஷர்மா நிகழ்த்திய சாதனைகள்

1. ஐபிஎல் பிளேஆஃப்களில் 80க்கும் மேற்பட்ட ரன்கள் எடுத்த அதிக வயதுடைய கிரிக்கெட் வீரர் ரோஹித். 38 வயது 30 நாட்களில் இந்த சாதனையை நிகழ்த்தினார். மைக்கேல் ஹஸ்ஸியை முறியடித்து அவர் ஒரு வியக்கத்தக்க சாதனையை படைத்தார்.

இதற்கு முன் 2013ஆம் ஆண்டு ஐபிஎல் குவாலிஃபையர் 1 போட்டியில் மும்பை இந்தியன்ஸ் அணிக்கு எதிராக சிஎஸ்கே வீரர் மைக் ஹஸ்ஸி 86 ரன்கள் எடுத்து ஆட்டமிழக்காமல் விளையாடினார். அப்போது ஹஸ்ஸிக்கு 37 வயது 359 நாட்கள்.

2. ஐபிஎல்லில் 271 போட்டிகளில் விளையாடி ரோஹித் சர்மா 302 சிக்ஸர்கள் அடித்துள்ளார். இதன்மூலம் ஐபிஎல்லில் 300 சிக்ஸர்கள் அடித்த முதல் இந்தியர் என்ற பெருமையை அவர் பெற்றுள்ளார். ஒட்டுமொத்த பட்டியலில் ரோஹித் இரண்டாவது இடத்தில் உள்ளார். முன்னாள் வெஸ்இண்டீஸ் வீரர் கிறிஸ் கெய்ல் இந்த லிஸ்டில் முதலாவதாக உள்ளார். அவர் ஐபிஎல்லில் 142 போட்டிகளில் 357 சிக்ஸர்கள் அடித்திருக்கிறார்.

மேலும் படிக்க: ஐபிஎல் 2025: சச்சினின் 15 ஆண்டு கால சாதனனையை முறியடித்த சூர்யகுமார் யாதவ்

3. பிளேஆஃப்களில் மும்பை இந்தியன்ஸ் அணிக்காக மிகப்பெரிய இன்னிங்ஸ் விளையாடிய வீரர் என்ற பெருமை பெற்றுள்ளார் ரோஹித் ஷர்மா. இந்த விஷயத்தில் அவர் சூர்யகுமார் யாதவை முந்தியுள்ளார்.

2019ஆம் ஆண்டு குவாலிஃபையர் 1இல் சென்னை சூப்பர் கிங்ஸுக்கு எதிராக சூர்யா ஆட்டமிழக்காமல் 71 ரன்கள் எடுத்தார். 54 பந்துகளை எதிர்கொண்டு 10 பவுண்டரிகள் அடித்தார்.

4. ஐபிஎல் பிளேஆஃப்களில் ஆட்ட நாயகன் விருதை வென்ற மூன்றாவது வயதான வீரர் ஆனார் ரோஹித் ஷர்மா. இந்த சாதனை முன்னாள் இந்திய சுழற்பந்து வீச்சாளர் அனில் கும்ப்ளேவின் பெயரில் உள்ளது. கும்ப்ளே 38 வயது 219 நாட்களில் பிளேஆஃப்களில் ஆட்ட நாயகன் ஆனார்.

மேலும் படிக்க: ஐபிஎல் 2025: ஒரே சீசனில் அதிக சிக்ஸர்.. ரஷித்கான் மோசமான சாதனை

5. டி20 கிரிக்கெட்டில் ஒரு அணிக்காக அதிக சிக்ஸர்கள் அடித்த வீரர்களின் பட்டியலில் ரோஹித் சர்மா இரண்டாவது இடத்தைப் பிடித்துள்ளார். அவர் மும்பை அணிக்காக 235 போட்டிகளில் 267 சிக்ஸர்கள் அடித்துள்ளார். ஆர்சிபி அணிக்காக 91 போட்டிகளில் 263 சிக்ஸர்கள் அடித்த கிறிஸ் கெய்லை ஹிட்மேன் முந்தியுள்ளார்.