ஐபிஎல் 2025: 'நான் எம்.எஸ்.தோனியுடன் பேச விரும்பினேன், ஆனால்..': பிரியான்ஷ் ஆர்யா பேட்டி
ஐபிஎல் 2025: எம்.எஸ்.தோனியுடன் பேசுவதற்கு மிகவும் நெருக்கமாக இருந்தேன், ஆனால் அவ்வாறு செய்ய முடியவில்லை என்று பிரியான்ஷ் ஆர்யா கூறுகிறார்.
ஐபிஎல் 2025: இந்தியன் பிரீமியர் லீக் (ஐபிஎல்) 2025 சர்வதேச கிரிக்கெட்டில் சில பெரிய பெயர்களைக் கொண்டுள்ளது. அதேநேரம், இளம் வீரர்களும் பட்டையைக் கிளப்பி வருகின்றனர். பஞ்சாப் கிங்ஸ் அணியின் தொடக்க ஆட்டக்காரர் பிரியான்ஷ் ஆர்யா 42 பந்துகளில் 103 ரன்கள் குவித்து சென்னை சூப்பர் கிங்ஸ் அணியின் பந்துவீச்சை பொளந்து தள்ளினார். அவர் எம்.எஸ்.தோனியை சந்திக்க விரும்பியதாகவும் ஆனால், அது நடக்காமல் போய்விட்டதாகவும் அவர் வேதனை தெரிவித்தார்.
மறுமுனையில் விக்கெட்டுகளை இழந்த போதிலும் பிரியான்ஷ் தனது அதிரடி ஆட்டத்தை தொடர்ந்தார். இது இறுதியில் அவர் 39 பந்துகளில் சதத்தை பதிவு செய்ய வழிவகுத்தது, இது டி20 போட்டி வரலாற்றில் அதிவேக சதமாகும். இது ஐபிஎல்லில் ஐந்தாவது வேகமான சதம் மற்றும் ஐந்து முறை சாம்பியனான சிஎஸ்கேவுக்கு எதிரான அதிவேக சதமாகும். இந்த இன்னிங்ஸை இன்னும் சிறப்பானதாக்கியது என்னவென்றால், ரவிச்சந்திரன் அஸ்வின், மதீஷா பதிரானா மற்றும் நூர் அகமது ஆகிய அச்சுறுத்தும் மூவருக்கு எதிராக தனது வாய்ப்புகளை எடுக்க பிரியான்ஷ் பயப்படவில்லை.
இந்தியாவின் முன்னாள் கேப்டன் எம்.எஸ்.தோனிக்கு எதிராக விளையாடுவதற்கான அழுத்தத்தை உணர்ந்ததாக பிரியான்ஷ் வெளிப்படுத்தினார். இருப்பினும், போட்டிக்குப் பிறகு சிஎஸ்கே அணியின் ஜாம்பவான் தோனியுடன் பேச பிரியான்ஷுக்கு வாய்ப்பு கிடைக்கவில்லை.
‘தோனியுடன் பேச விரும்பினேன்’
"அவருடன் விளையாட முடிந்ததற்கு நான் மிகவும் அதிர்ஷ்டசாலி. வெகு சிலருக்கே இப்படி ஒரு வாய்ப்பு கிடைக்கிறது என்பது வெளிப்படை. எனவே அவருடன் விளையாட முடிந்ததை நான் மிகவும் அதிர்ஷ்டசாலியாக உணர்கிறேன். அவர் பின்னால் நிற்கிறார் என்ற அழுத்தம் வெளிப்படையாக இருந்தது, பந்துவீச்சாளர்களும் ஜாம்பவான்கள். அஸ்வின் மாதிரி ஒருவரின் பந்துவீச்சை சமாளிப்பது மிக கடினம். எனவே அவருடன் விளையாடுவது மிகவும் நல்ல உணர்வாக இருந்தது. நான் அவருடன் [தோனி] பேச விரும்பினேன், ஆனால் நான் எனது நேர்காணலில் பிஸியாக இருந்ததால் என்னால் அவருடன் பேச முடியவில்லை, அவர் அதற்குள் வெளியேறினார். எனவே என்னால் அவருடன் பேச முடியவில்லை, ஆனால் நான் அவருடன் பேச விரும்பினேன்" என்று வியாழக்கிழமை ஊடக வட்டமேஜையின் போது பிரியான்ஷ் ஆர்யா கூறினார்.
"அஸ்வின் என்னை வீழ்த்த முயற்சிப்பார் என்று நினைத்தேன், எனவே நான் ஒரு ஸ்வீப் அடிக்க நினைத்தேன். அவர் என்னை இறுக்க முயன்றார், அதனால் நானும் அதே ஷாட்டை அடித்தேன். நான் பெரிதாக யோசிக்கவில்லை. நான் நேராக சென்று பந்தை அடித்தேன்" என்று அவர் மேலும் கூறினார்.
24 வயதான பிரியான்ஷ், தலைமை பயிற்சியாளர் ரிக்கி பாண்டிங் மற்றும் கேப்டன் ஸ்ரேயாஸ் ஐயர் ஆகியோர் தன் மீது நம்பிக்கை வைத்திருப்பதாகவும், எப்போதும் தனது உள்ளுணர்வை ஆதரிக்கச் சொன்னதாகவும் தெரிவித்தார்.
‘ரிக்கி பாண்டிங் பல யோசனைகளை வழங்கியுள்ளார்’
"ரிக்கி பாண்டிங் எனது பேட்டிங் குறித்து எனக்கு பல உள்ளீடுகளை வழங்கியுள்ளார், நான் பயிற்சிக்குத் திரும்பும்போது அதை நினைவில் வைத்திருப்பேன் (சிரிக்கிறார்)" என்று பிரியான்ஷ் கூறினார்.
"கௌதம் அண்ணாவிடம் இருந்து நான் நிறைய கற்றுக் கொண்டேன். நான் முதல் முறையாக ரஞ்சியின் முகாமுக்குச் சென்றேன். நான் வலைப்பயிற்சியில் பேட்டிங் செய்து கொண்டிருந்தேன், அவர் என்னை அழைத்து அவர் விளையாட பயன்படுத்திய அனைத்து புதிய உபகரணங்களையும் என்னிடம் கொடுத்தார். அவர் முழு கிட் பையையும், அடுத்த நாள் என்னிடம் கொடுத்தார், "என்று பிரியான்ஷ் கூறினார்.
Manigandan K T
