IND vs AFG Toss: ஒரேயொரு அரைசதம் போதும்..! மைல்கல் சாதனை படைப்பாரா கோலி? இந்திய அணியில் ஒரு முக்கிய மாற்றம்
Published Jun 20, 2024 07:58 PM IST
ஒரேயொரு அரைசதம் போதும் மைல்கல் சாதனை படைக்கும் நிலையில் விராட் கோலி உள்ளார். டி20 உலகக் கோப்பை 2024 தொடரில், சூப்பர் 8 சுற்று முதல் போட்டியில் இந்திய அணியில் முக்கிய மாற்றமாக குலதீப் யாதவ் சேர்க்கப்பட்டுள்ளார்.
இந்திய அணியில் ஒரு முக்கிய மாற்றம், மைல்கல் சாதனை படைப்பாரா கோலி
டி20 உலகக் கோப்பை 2024 தொடரின் சூப்பர் 8 சுற்று போட்டிகள் தொடங்கியுள்ளன. இந்த தொடரின் 43வது போட்டியும், சூப்பர் 8 சுற்று மூன்றாவது போட்டியாகவும் இந்தியா - ஆப்கானிஸ்தான் அணிகளுக்கு இடையே பார்போடாஸில் நடைபெறுகிறது.
இந்தியா பேட்டிங்
இந்த போட்டியில் டாஸ் வென்ற இந்திய அணி கேப்டன் ரோகித் ஷர்மா பேட்டிங்கை தேர்வு செய்துள்ளார். அத்துடன் லீக் சுற்று முழுவதும் அணியில் எந்த மாற்றமும் இல்லாமல் விளையாடி வந்த இந்தியா, தற்போது சூப்பர் 8 சுற்று முதல் போட்டியில் முக்கிய மாற்றம் செய்துள்ளது.
அதன்படி வேகப்பந்து வீச்சாளர் முகமது சிராஜ்க்கு பதிலாக, ஸ்பின்னர் குல்தீப் யாதவ் சேர்க்கப்பட்டுள்ளார். இதன் மூலம் அணிக்குள் ரவீந்திர ஜடேஜா, அக்ஷர் படேல் ஆகியோருக்கு அடுத்து மூன்றாவது இடது கை ஸ்பின்னராக விளையாடவுள்ளார்.