ஐபிஎல் 2025: எனது வாழ்க்கையை மாற்றியுள்ளது ஐபிஎல் போட்டிகள் - டெல்லி ஆல்ரவுண்டர் விப்ராஜ் நிகம்

மேலும் படிக்க: ஐபிஎல் 2025: கே.எல். ராகுலுக்கு 2026 உலகக் கோப்பை தொடரில் வாய்ப்பு! பிசிசிஐ திட்டம் 

இருபது வயதான நிகம், கடந்த ஆண்டு டிசம்பரில் நடைபெற்ற ஏலத்தில் டெல்லி கேபிடல்ஸ் அணியினரால் ரூ.50 லட்சத்துக்கு வாங்கப்பட்டார். இந்த சீசனில் பேட்டிங் மற்றும் பவுலிங் ஆகிய இரண்டிலும் சிறப்பாக செயல்பட்டுள்ளார்.

அனுபவத்தில் இருந்து கற்க வாய்ப்பு

தனது ஐபிஎல் அனுபவம் பற்றி நிகம் கூறியதாவது, "வாழ்க்கையில் பல மாற்றங்கள் வந்துள்ளன. ஐபிஎல் விஷயங்களை மாற்றுகிறது. இவ்வளவு பெரிய மூத்த வீரர்களுடன் டிரஸ்ஸிங் ரூமைப் பகிர்ந்து கொள்ள உங்களுக்கு வாய்ப்பு கிடைக்கிறது. அவர்களிடமிருந்தும் அவர்களின் அனுபவத்திலிருந்தும் கற்றுக்கொள்ள உங்களுக்கு வாய்ப்பு கிடைக்கிறது. இவை எனக்கு புதிய அனுபவங்கள். இந்தக் கற்றலை எனது விளையாட்டில் செயல்படுத்த முயற்சிப்பேன்" என்று அவர் கூறினார்.

மேலும் படிக்க: ஐபிஎல் 2025: நெக்ரா வழிகாட்டுதல் பலம்.. நம்பிக்கையுடன் ப்ளேஆஃப் போட்டியை எதிர்கொள்வோம் - இஷாந்த்

டெல்லியின் பயிற்சி ஊழியர்களைப் பாராட்டிய நிகாம், "நான் டெல்லி அணியால் தேர்ந்தெடுக்கப்பட்டபோது, ​​அதற்கு முன்பே எனது பயிற்சியாளர்கள் மற்றும் நிர்வாகத்திடம் பேசினேன். அவர்கள் எப்போதும் என்னை ஒரு ஆல்ரவுண்டராகப் பார்க்கிறார்கள் என்று என்னிடம் சொன்னார்கள்.

உள்நாட்டு கிரிக்கெட் மற்றும் லீக் போட்டிகளில் எனது பேட்டிங்கை அவர்கள் பார்த்துள்ளனர். இரண்டு முதல் நான்கு ஓவர்கள் வீசுவதைத் தவிர, பேட்டிங்கிலும் கவனம் செலுத்த வேண்டும் என்ற செய்தி தெளிவாக தெரிவிக்கப்பட்டது" என்றார்

என்சிஏவில் உதவினார்கள்

உத்தரபிரதேசம் மாநிலம் பாராபங்கியைச் சேர்ந்த நிகம், "எனது மாநிலத்துக்காக விளையாடிய பிறகு தேசிய கிரிக்கெட் அகாடமிக்குச் (என்சிஏ) சென்றேன். அப்போது, ​​பயிற்சியாளர்கள் எனக்கு நிறைய உதவினார்கள். நான் ஒரு பேட்ஸ்மேனாகச் சென்றேன். ஆனால் பந்துவீச்சு மற்றும் பேட்டிங் இரண்டிலும் கவனம் செலுத்தினேன்" என்றார்.

மேலும் படிக்க: ஐபிஎல் 2025: சிஎஸ்கேவுக்கு இன்னொரு தோல்வி.. வெற்றியுடன் சீசனை பினிஷ் செய்த ராஜஸ்தான் ராயல்ஸ்

விபராஜ் நிகம் ஐபிஎல் 2025 தொடரில், விப்ராஜ் நிகம் டெல்லி கேபிடல்ஸ் அணி விளையாடிய 12 போட்டிகளிலும் விளையாடியுள்ளார். இதுவரை, 179.41 ஸ்ட்ரைக் ரேட்டில் 122 ரன்கள் எடுத்துள்ளார். அதிகபட்ச ஸ்கோரா 68 ரன்கள் அடித்துள்ளார். பவுலிங்கை பொறுத்தவரை 32.56 சராசரியில் 9 விக்கெட்டுகளையும் வீழ்த்தியுள்ளார்.