ஐபிஎல் 2025: ஹைதராபாத்தில் SRH vs LSG இன்று மோதல்.. உத்தேச பிளேயிங் லெவன், பிட்ச் ரிப்போர்ட் விவரம் இதோ
ஐபிஎல் 2025: டெல்லி கேபிடல்ஸ் அணியிடம் முதல் போட்டியில் தோல்வியடைந்த பிறகு எல்எஸ்ஜி அணி மிகவும் சோர்வடைந்து காணப்பட்டது. ஹைதராபாத் அணி முழு உற்சாகத்துடன் களமிறங்கும்.
ஐபிஎல் 2025 : மார்ச் 27, வியாழக்கிழமை ஹைதராபாத்தில் உள்ள ராஜீவ் காந்தி சர்வதேச மைதானத்தில், லக்னோ சூப்பர் ஜெயன்ட்ஸ் (LSG) அணியுடன் சன்ரைசர்ஸ் ஹைதராபாத் (SRH) அணி மோதுகிறது. இது இந்த சீசன் ஐபிஎல் கிரிக்கெட்டில் 7வது மேட்ச் ஆகும்.
ராஜஸ்தான் ராயல்ஸ் அணியை சொந்த மைதானத்தில் 44 ரன்கள் வித்தியாசத்தில் வீழ்த்தி, சன்ரைசர்ஸ் அணி தனது இந்தியன் பிரீமியர் லீக் 2025 (ஐபிஎல்) தொடரை ஒரு அற்புதமான வெற்றியுடன் தொடங்கியது. இஷான் கிஷனின் அபார சதத்தின் மூலம் 'ஆரஞ்சு ஆர்மி' அணி ஐபிஎல் வரலாற்றில் இரண்டாவது அதிகபட்ச ஸ்கோரை (286/6) குவித்தது. ஹென்ரிச் கிளாசென், டிராவிஸ் ஹெட், அபிஷேக் சர்மா மற்றும் நிதிஷ் குமார் ரெட்டி ஆகியோரும் ராஜஸ்தான் ராயல்ஸ் அணியின் பந்துவீச்சு தாக்குதலை வீழ்த்துவதில் முக்கிய பங்களிப்பை வழங்கினர்.
மேலும் படிக்க |
ராஜஸ்தான் ராயல்ஸும் கடுமையாகப் போராடியது, ஆனால் இறுதியில் 44 ரன்கள் வித்தியாசத்தில் தோல்வியடைந்தது. சிமர்ஜீத் சிங் புதிய பந்தில் இரண்டு விக்கெட்டுகளை வீழ்த்திய பிறகு, ஹர்ஷல் படேல் நடுத்தர ஓவர்களில் அற்புதமான பந்து வீசினார்.
இதற்கிடையில், டெல்லி கேபிடல்ஸ் அணியிடம் முதல் போட்டியில் தோல்வியடைந்த பிறகு எல்எஸ்ஜி அணி மிகவும் சோர்வடைந்து காணப்பட்டது. மிட்செல் மார்ஷ் மற்றும் நிக்கோலஸ் பூரன் ஆகியோரின் அரைசதங்கள் லக்னோ சூப்பர் ஜெயன்ட்ஸ் அணிக்கு ஒரு அற்புதமான தொடக்கத்தை ஏற்படுத்திக் கொடுத்தனர். இருந்தாலும், 210 என்ற இலக்கை எட்ட டெல்லியும் போராட வேண்டியிருந்தது. எனினும், அந்த அணியின் இம்பேக்ட் பிளேயர் அஷுதோஷ் சர்மா அதிரடியாக கடைசி வரை விளையாடி இலக்கை எட்ட உதவினார். எனவே, தோல்வியுடன் தொடங்கியுள்ள லக்னோ சன்ரைசர்ஸை வீழ்த்த முயற்சி செய்யும். அதனால், இந்தப் போட்டியில் பரபரப்புக்கு நிச்சயம் பஞ்சம் இருக்காது.
மேலும் படிக்க |
பிட்ச் ரிப்போர்ட்
ராஜீவ் காந்தி சர்வதேச மைதானம், குறிப்பாக கடந்த சீசனில் இருந்து, பேட்ஸ்மேன்களுக்கு நல்ல மைதானமாக இருந்து வருகிறது. கடந்த சீசனில் ஹைதராபாத்தில் நடத்த திட்டமிடப்பட்ட ஏழு ஆட்டங்களில், ஒன்று மழையால் மழையால் ரத்து செய்யப்பட்டது. இந்த மைதானத்தில் விளையாடிய 12 இன்னிங்ஸ்களில், ஏழு ஆட்டங்கள் 200 அல்லது அதற்கு மேல் ஸ்கார் இருந்தன. இந்த சீசனின் முதல் போட்டியிலிருந்து, மேற்பரப்பு மாறவில்லை என்பது தெளிவாகிறது. டாஸ் வென்று முதலில் பேட்டிங் செய்வது ஒரு நல்ல தந்திரமாக இருக்கும், ஏனெனில் 250 க்கும் மேற்பட்ட ரன்களைத் சேஸிங் செய்வது எளிதானது அல்ல.
சன்ரைசர்ஸ் ஹைதராபாத் உத்தேச பிளேயிங் லெவன்
அபிஷேக் சர்மா, டிராவிஸ் ஹெட், இஷான் கிஷன், நிதிஷ் குமார் ரெட்டி, ஹென்ரிச் கிளாசென் (விக்கெட் கீப்பர்), அபினவ் மனோகர், அனிகேத் வர்மா, பாட் கம்மின்ஸ் (கேப்டன்), ஹர்ஷல் படேல், முகமது ஷமி, ஆடம் ஜம்பா.
இம்பேக்ட் வீரர்: சிமர்ஜீத் சிங்
மேலும் படிக்க |
லக்னோ சூப்பர் ஜெயன்ட்ஸ் உத்தேச பிளேயிங் லெவன்
மிட்செல் மார்ஷ், ஐடன் மார்க்ரம், நிக்கோலஸ் பூரன், ரிஷப் பந்த் (கேப்டன் & விக்கெட் கீப்பர்), டேவிட் மில்லர், ஆயுஷ் படோனி, ஷாபாஸ் அகமது, ஷர்துல் தாக்கூர், ரவி பிஷ்னோய், மணிமாறன் சித்தார்த், திக்வேஷ் சிங்.
இம்பேக்ட் வீரர்: பிரின்ஸ் யாதவ்.
Manigandan K T
