ஐபிஎல் 2025: ரஹானேவா ஸ்ரேயாஸ் ஐயரா.. இன்று KKR vs PBKS மோதல்.. நேருக்கு நேர், பிட்ச் ரிப்போர்ட் விவரம்
ஐபிஎல் 2025: இந்தப் போட்டி நடைபெறும் மைதானத்தில் உள்ள ஆடுகளம் பேட்டிங்கிற்கு ஏற்ற மேற்பரப்புடன் இருக்கும், எனவே போட்டியில் இரு அணிகளும் எவ்வாறு விளையாடுகின்றன என்பதைப் பார்ப்பது சுவாரஸ்யமாக இருக்கும். மேலும், இது அதிக ஸ்கோர் கொண்ட போட்டியாக இருக்கலாம்.
ஐபிஎல் 2025: ஏப்ரல் 15 ஆம் தேதி சண்டிகரில் நடைபெறும் ஐபிஎல் 2025 இன் 31வது போட்டியில் பஞ்சாப் கிங்ஸ் (பிபிகேஎஸ்) அணி கொல்கத்தா நைட் ரைடர்ஸ் (கேகேஆர்) அணியை எதிர்கொள்கிறது. சன்ரைசர்ஸ் ஹைதராபாத் (எஸ்ஆர்ஹெச்) அணிக்கு எதிரான முந்தைய போட்டியில் பிபிகேஎஸ் அணி எட்டு விக்கெட் வித்தியாசத்தில் தோல்வியடைந்தது. எஸ்ஆர்ஹெச் அணி 246 ரன்களை சேஸிங் செய்ததால் இது ஒரு பரபரப்பான ஆட்டமாக இருந்தது. இருப்பினும், பிபிகேஎஸ் அணி ஐந்து போட்டிகளில் மூன்றில் வெற்றி பெற்று பிளே-ஆஃப் சுற்றுக்குத் தகுதி பெற நல்ல வாய்ப்பைப் பெற்றுள்ளது.
இதற்கிடையில், சென்னை சூப்பர் கிங்ஸ் (CSK) அணிக்கு எதிரான கடைசி போட்டியில், சென்னையின் M.A. சிதம்பரம் மைதானத்தில் நடைபெற்ற போட்டியில் KKR அணி வெற்றி பெற்றது. அவர்களின் பந்து வீச்சாளர்கள், குறிப்பாக சுழற்பந்து வீச்சாளர்கள் சிறப்பாக செயல்பட்டு, 20 ஓவர்கள் முடிவில் 9 விக்கெட்டுக்கு 103 ரன்கள் மட்டுமே சிஎஸ்கேவை எடுக்க வைத்தனர். KKR அணி முதலில் 61 டாட் பந்துகளை வீசியதால் சென்னை அணியை எளிதாக கட்டுப்படுத்தியது, பின்னர், 104 ரன்கள் என்ற இலக்கை எளிதாக எட்டியது.
இந்தப் போட்டி நடைபெறும் மைதானத்தில் உள்ள ஆடுகளம் பேட்டிங்கிற்கு ஏற்ற மேற்பரப்புடன் இருக்கும், எனவே வரவிருக்கும் போட்டியில் இரு அணிகளும் எவ்வாறு விளையாடுகின்றன என்பதைப் பார்ப்பது சுவாரஸ்யமாக இருக்கும். மேலும், இது அதிக ஸ்கோர் கொண்ட போட்டியாக இருக்கலாம்.
பிட்ச் ரிப்போர்ட்
சண்டிகரில் உள்ள முல்லன்பூரில் உள்ள மகாராஜா யாதவிந்திர சிங் சர்வதேச கிரிக்கெட் மைதானம் பேட்டிங்கின் சொர்க்கம், அதிக ரன்கள் குவிக்கும் போட்டிகள் எப்போதும் எதிர்பார்க்கப்படுகின்றன. இரு அணிகளுமே உறுதியான பேட்டிங் வரிசையைக் கொண்டுள்ளன, இது ஆட்டத்தில் ரன்கள் எடுக்க உதவும். ஆடுகளம் பந்து வீச்சாளர்களுக்கு சாதகமாக இருக்காது, எனவே டாஸ் வெல்லும் கேப்டன் முதலில் பேட்டிங் செய்ய வேண்டும்.
இதுவரை நேருக்கு நேர்
இதுவரை இரு அணிகளும் 33 முறை நேருக்கு நேர் மோதியுள்ளன. 12 முறை பஞ்சாப் கிங்ஸ் அணியும், 21 முறை கொல்கத்தா நைட் ரைடர்ஸ் அணியும் ஜெயித்துள்ளன.
பஞ்சாப் கிங்ஸ் (பிபிகேஎஸ்) உத்தேச பிளேயிங் லெவன்
பிரியன்ஸ் ஆர்யா, பிரப்சிம்ரன் சிங் (WK), ஷ்ரேயாஸ் ஐயர் (கேப்டன்), மார்கஸ் ஸ்டோனிஸ், நேஹால் வதேரா, கிளென் மேக்ஸ்வெல், ஷஷாங்க் சிங், மார்கோ ஜான்சன், அர்ஷ்தீப் சிங், லாக்கி பெர்குசன், யுஸ்வேந்திர சாஹல்
இம்பேக்ட் பிளேயர்: யாஷ் தாக்கூர்
கொல்கத்தா நைட் ரைடர்ஸ் (KKR) உத்தேச பிளேயிங் லெவன்
குயின்டன் டி காக் (விக்கெட் கீப்பர்), சுனில் நரைன், அஜிங்க்யா ரஹானே (கேப்டன்), வெங்கடேஷ் ஐயர், ரின்கு சிங், மொயீன் அலி, ஆண்ட்ரே ரசல், ரமன்தீப் சிங், ஹர்ஷித் ராணா, வைபவ் அரோரா, வருண் சக்ரவர்த்தி
இம்பாக்ட் பிளேயர்: ஆங்க்ரிஷ் ரகுவன்ஷி
Manigandan K T
