ஐபிஎல் 2025: ஆர்சிபியை சொந்த மண்ணில் எதிர்கொள்கிறது லக்னோ சூப்பர் ஜெயன்ட்ஸ்.. உத்தேச பிளேயிங் லெவன் விவரம் இதோ
ஐபிஎல் 2025: லக்னோவில் உள்ள ஏகானா கிரிக்கெட் ஸ்டேடியம், பந்து வீச்சாளர்களுக்கு, குறிப்பாக சுழற்பந்து வீச்சாளர்களுக்கு அதிக உதவியாக உள்ளது. டாஸ் வெல்லும் கேப்டன் முதலில் பந்து வீசுவதை தேர்வு செய்ய வாய்ப்பு இருக்கிறது. ஏனெனில் சேஸிங் அணி அந்த மைதானத்தில் சிறந்த சாதனையைப் பெற்றுள்ளது.
ஐபிஎல் 2025 இன் 59வது போட்டியில் லக்னோ சூப்பர் ஜெயண்ட்ஸ் (எல்எஸ்ஜி) அணி, மே 9 அன்று லக்னோவில் ஏகானா கிரிக்கெட் மைதானத்தில் நடைபெறும் போட்டியில் ராயல் சேலஞ்சர்ஸ் பெங்களூரு (ஆர்சிபி) அணியை எதிர்கொள்ளும். இந்த மேட்ச் இன்றிரவு 7.30 மணிக்கு தொடங்குகிறது. 7 மணிக்கு டாஸ் போடப்படும். ஜியோ ஹாட்ஸ்டாரில் போட்டியை கண்டு ரசிக்கலாம்.
11 போட்டிகளில் வெறும் பத்து புள்ளிகளை மட்டுமே பெற்று, ஐந்து வெற்றிகள் மற்றும் ஆறு தோல்விகளுடன் ஏழாவது இடத்தில் உள்ளதால், லக்னோ அணிக்கு இது ஒரு முக்கியமான போட்டியாக இருக்கும். பிளேஆஃப்களுக்கு தகுதி பெற அவர்கள் மீதமுள்ள அனைத்து போட்டிகளிலும் வெற்றி பெற வேண்டும். லக்னோ அணி இதுவரை ஒரு மோசமான போட்டியைக் கொண்டுள்ளது, மேலும் வரவிருக்கும் போட்டிகளில் மீண்டும் வெற்றி பெற தங்கள் தவறுகளை சரிசெய்து கொள்ள அணி இலக்கு வைக்கும்.
மறுபுறம், ஆர்சிபி அணி 16 புள்ளிகளுடன் புள்ளிகள் பட்டியலில் இரண்டாவது இடத்தில் உள்ளது. பிளேஆஃப்களுக்கு தகுதி பெறுவதற்கு ஒரு வெற்றி மட்டுமே தேவை. இந்த சீசனில் அதிகரித்த போட்டிகளே அவர்கள் 11 போட்டிகளில் எட்டு போட்டிகளில் வென்ற போதிலும் இன்னும் தகுதி பெறாததற்குக் காரணம்.
இதற்கிடையில், காயமடைந்த தேவ்தத் படிக்கலுக்குப் பதிலாக மயங்க் அகர்வாலை ஒப்பந்தம் செய்துள்ளதால் ஆர்சிபி அணியில் ஒரு மாற்றம் செய்யப்பட்டுள்ளது. ஆர்சிபி தொடக்க வீரர் பில் சால்ட் ஏற்கனவே கடந்த இரண்டு போட்டிகளில் உடல்நலக்குறைவு காரணமாக விளையாடவில்லை.
லக்னோ மைதானம் பந்து வீச்சாளர்களுக்கு உதவும் என்று அறியப்படுவதால், வரவிருக்கும் ஆட்டம் பேட்ஸ்மேன்களுக்கு சவாலானதாக இருக்கும். மேலும், போட்டி மிகவும் சுவாரசியமாக இருக்கும்.
பிட்ச் ரிப்போர்ட்
லக்னோவில் உள்ள பாரத ரத்னா ஸ்ரீ அடல் பிஹாரி வாஜ்பாய் ஏகானா கிரிக்கெட் ஸ்டேடியம், பந்து வீச்சாளர்களுக்கு, குறிப்பாக சுழற்பந்து வீச்சாளர்களுக்கு அதிக உதவியாக உள்ளது. டாஸ் வெல்லும் கேப்டன் முதலில் பந்து வீசுவதை தேர்வு செய்ய வாய்ப்பு இருக்கிறது. ஏனெனில் சேஸிங் அணி அந்த மைதானத்தில் சிறந்த சாதனையைப் பெற்றுள்ளது.
நேருக்கு நேர்
எல்எஸ்ஜி மற்றும் ஆர்சிபி அணிகள் இதுவரை ஐந்து போட்டிகளில் மோதியுள்ளன, அதில் எல்எஸ்ஜி அணி இரண்டில் வெற்றி பெற்றது, ஆர்சிபி அணி மூன்றில் வெற்றி பெற்றது.
லக்னோ சூப்பர் ஜெயண்ட்ஸ் உத்தேச பிளேயிங் லெவன்
மார்க்ரம், நிக்கோலஸ் பூரன், ரிஷப் பந்த் (கேப்டன், விக்கெட் கீப்பர்), அப்துல் சமத், ஆயுஷ் படோனி, டேவிட் மில்லர், ஆகாஷ் மகாராஜ் சிங், திக்வேஷ் சிங் ரதி, அவேஷ் கான், மயங்க் யாதவ், பிரின்ஸ் யாதவ்.
இம்பேக்ட் வீரர்: மிட்செல் மார்ஷ்
ராயல் சேலஞ்சர்ஸ் பெங்களூரு உத்தேச பிளேயிங் லெவன்
ஜேக்கப் பெத்தேல், விராட் கோலி, மயங்க் அகர்வால், ரஜத் படிதார் (கேப்டன்), ஜிதேஷ் சர்மா (விக்கெட் கீப்பர்), டிம் டேவிட், க்ருனால் பாண்டியா, ரொமாரியோ ஷெப்பர்ட், புவனேஷ்வர் குமார், லுங்கி என்கிடி, யாஷ் தயாள்.
இம்பேக்ட் வீரர்: சுயாஷ் சர்மா
Manigandan K T
