ஐபிஎல் 2025: வான வேடிக்கை காட்டிய பூரான், மார்ஷ்.. லக்னோ அதிரடியால் கதிகலங்கிய கொல்கத்தா பவுலர்கள்! இமாலய இலக்கு
contents
Follow on:
  • WhatsApp Channel
  • Facebook
  • Twitter
  • You tube
Notification
தமிழ் செய்திகள்  /  கிரிக்கெட்  /  ஐபிஎல் 2025: வான வேடிக்கை காட்டிய பூரான், மார்ஷ்.. லக்னோ அதிரடியால் கதிகலங்கிய கொல்கத்தா பவுலர்கள்! இமாலய இலக்கு

ஐபிஎல் 2025: வான வேடிக்கை காட்டிய பூரான், மார்ஷ்.. லக்னோ அதிரடியால் கதிகலங்கிய கொல்கத்தா பவுலர்கள்! இமாலய இலக்கு

Muthu Vinayagam Kosalairaman HT Tamil Published Apr 08, 2025 05:43 PM IST
Muthu Vinayagam Kosalairaman HT Tamil
Published Apr 08, 2025 05:43 PM IST

ஐபிஎல் 2025: தொடக்கம் முதல் இறுதி வரை நிறுத்தாமல் ரன் வேட்டையில் ஈடுபட்டனர் லக்னோ பேட்ஸ்மேன்கள். நிக்கோலஸ் பூரான், மிட்செல் மார்ஷ் அதிரடியால் கொல்கத்தா நைட் ரைடர்ஸ் பவுலர்கள் கதிகலங்கி போனார்கள். 239 ரன்கள் என மிக பெரிய இமாலய இலக்கு கொல்கத்தாவுக்கு நிர்ணயிக்கப்பட்டுள்ளது.

வான வேடிக்கை காட்டிய பூரான், மார்ஷ்.. லக்னோ அதிரடியால் கதிகலங்கிய கொல்கத்தா பவுலர்கள்! இமாலய இலக்கு
வான வேடிக்கை காட்டிய பூரான், மார்ஷ்.. லக்னோ அதிரடியால் கதிகலங்கிய கொல்கத்தா பவுலர்கள்! இமாலய இலக்கு (AP)
Share on Whatsappஎங்களை பின் தொடரலாம்
  • Share on Twitter
  • Share on Facebook

ஐபிஎல் 2025 தொடரின் 21வது போட்டி கொல்கத்தா நைட் ரைடர்ஸ் - லக்னோ சூப்பர் ஜெயண்ட்ஸ் அணிகளுக்கு இடையே கொல்கத்தா ஈடன் கார்டன் மைதானத்தில் நடைபெற்று வருகிறது. இந்த போட்டி தொடங்கும் முன் கொல்கத்தா நைட் ரைடர்ஸ் 4 போட்டிகள் விளையாடி 2 வெற்றி, 2 தோல்வியுடன் புள்ளிப்பட்டியலில் 5வது இடத்தில் உள்ளது. லக்னோ சூப்பர் ஜெயண்ட்ஸ் 4 போட்டிகளில் 2 வெற்றிகள், 2 தோல்விகளை பெற்று ஆறாவது இடத்தில் உள்ளது.

கொல்கத்தா நைட் ரைடர்ஸ் தனது முந்தைய போட்டியில் சன் ரைசர்ஸ் அணிக்கு எதிராக வெற்றியை பெற்றது. லக்னோ சூப்பர் ஜெயண்ட்ஸ் மும்பை அணியை தோற்கடித்தது. புள்ளிப்பட்டியலில் அடுத்தடுத்த இடத்தில் இந்த இரு அணிகளும் இருக்கும் நிலையில், டாப் 4 இடத்துக்கு முன்னேறும் விதமாக இந்த போட்டி அமைந்துள்ளது.

கொல்கத்தா, லக்னோ ஆகிய இரு அணிகளும் கடந்த போட்டியில் விளையாடி வெற்றி கூட்டணியுடன் இந்த போட்டியிலும் களமிறங்கியுள்ளன. லக்னோ அணியில் விளையாடும் ஷர்துல் தாக்கூருக்கு இது 100வது ஐபிஎல் போட்டியாக அமைந்துள்ளது.

கொல்கத்தா பவுலிங்

இந்த போட்டியில் டாஸ் வென்ற கொல்கத்தா நைட் ரைடர்ஸ் கேப்டன் அஜிங்கியா ரஹானே பவுலிங்கை தேர்வு செய்தார். இதையடுத்து முதலில் பேட் செய்த லக்னோ சூப்பர் ஜெயண்ட்ஸ் 2 ஓவரில் 3 விக்கெட் இழப்புக்கு 238 ரன்கள் குவித்துள்ளது. அதிகபட்சமாக நிக்கோலஸ் பூரான் 87, மிட்செல் மார்ஷ் 81 ரன்கள் அடித்துள்ளனர்.

கொல்கத்தா பவுலர்களில் ஹர்ஷித் ராணா 2 விக்கெட்டுகளை கைப்பற்றினார். மற்றவர்கள் அனைவரும் ரன்களை வாரி வழங்கினர்.

அதிரடி தொடக்கம்

லக்னோ அணிக்கு அதிரடியான தொடக்கத்த ஐடன் மார்க்ரம் - மிட்செல் மார்ஷ் ஆகியோர் தந்தனர். தொடக்கத்தில் இருந்தே இருவரும் ரன்வேட்டையில் ஈடுபட தொடங்கினர். பவர்ப்ளே முடிவில் லக்னோ விக்கெட் இழப்பின்றி 59 ரன்கள் அடித்தது. முதல் விக்கெட்டுக்கு 99 ரன்கள் சேர்த்த நிலையில், சிறப்பாக பேட் செய்து வந்த மார்கரம் 28 பந்துகளில் 47 ரன்கள் அடித்து அவுட்டானார்.

இவரது விக்கெட்டை தொடரந்து அதிரடியில் மிரட்டி வந்த மார்ஷ் 36 பந்துகளில் அரைசதமடித்தார். கடந்க 5 போட்டிகளில் அவருக்கு நான்காவது அரைசதமாக இது அமைந்தது

நிக்கோலஸ் பூரான் சிக்ஸர் மழை

மூன்றாவது பேட்ஸ்மேனாக களமிறங்கிய நிக்கோலஸ் பூரான் தனது வழக்கமான பாணியில் சிக்ஸர் மழை பொழிந்தார். கொல்கத்தா பவுலர்களுக்கு எதிராக ஈவு இரக்கமின்றி மைதானத்தின் நான்கு புறங்களிலும் ரன் வேட்டையில் ஈடுபட்டார். இதனால் 21 பந்துகளில் 5 ரன்களை கடந்தார்.

மறுமுனையில் ஓபனராக களமிறங்கிய மார்ஷும் இவருடன் இணைந்து ரன்களை குவிக்க அணியின் ஸ்கோர் மளமளவென உயர்ந்தது. மராஷ் - பூரான் ஜோடி இணைந்து 71 ரன்கள் பார்டனர்ஷிப் அமைத்தனர். 48 பந்துகளில் 81 ரன்கள் அடித்த மார்ஷ், அடித்து ஆடும் முயற்சியில் அவுட்டானார்.

பலத்த அடி வாங்கிய பவுலர்கள்

கொல்கத்தா அணியின் ஸ்டிரைக் பவுலர்கள் அனைவரும் லக்னோ பேட்ஸ்மேன்களுக்கு எதிராக பலத்த அடி வாங்கினர். விக்கெட் எடுத்தாக போதிலும் வருண் சக்கரவர்த்தி மட்டும் ஓரளவு கட்டுப்பாடுடன் பந்து வீசினார். 4 ஓவர்களில் 31 ரன்கள் விட்டுக்கொடுத்தார். மற்ற பவுலர்கள் அனைவரின் ஓவர்களிலும் பவுண்டரி, சிக்ஸர்கள் என லக்னோ பேட்ஸ்மேன்கள் அடித்து துவம்சம் செய்தனர்.

முதல் 10 ஓவரில் 95 ரன்கள் எடுத்த லக்னோ சூப்பர் ஜெயண்ட்ஸ், கடைசி 10 ஓவரில் 143 ரன்கள் குவித்தது.