ஐபிஎல் 2025: கொல்கத்தா நைட் ரைடர்ஸ் அபார வெற்றி.. தொடர்ந்து 5வது மேட்ச்சில் சிஎஸ்கே தோல்வி
ஐபிஎல் 2025: சென்னை சூப்பர் கிங்ஸ் (சிஎஸ்கே) அணி படுமோசமாக பேட்டிங் செய்தது. அந்த அணி 20 ஓவர்களில் 9 விக்கெட் இழப்புக்கு 103 ரன்களை எடுத்தது. கொல்கத்தா 8 விக்கெட் வித்தியாசத்தில் ஜெயித்தது.
ஐபிஎல் 2025: சென்னையில் நடந்த 25வது மேட்ச்சில் கொல்கத்தா நைட் ரைடர்ஸ் அணி சென்னை சூப்பர் கிங்ஸை 8 விக்கெட் வித்தியாசத்தில் வீழ்த்தியது. 104 ரன்கள் எடுத்தால் வெற்றி என்ற எளிய இலக்குடன் கொல்கத்தா பேட்டிங் செய்தது. அந்த ஸ்கோரை 10.1 ஓவர்களில் எளிதாக எட்டிப் பிடித்தது. 2 விக்கெட் மட்டுமே இழந்து 107 ரன்களை எடுத்தது கொல்கத்தா. சுனில் நரேனும், குவின்டன் டி காக்கும் நல்ல தொடக்கத்தை கொடுத்தனர். நரேன் 5 சிக்ஸர்களையும், டி காக் 3 சிக்ஸர்களையும் பறக்க விட்டனர். இருவரும் ஆட்டமிழக்க, கேப்டன் ரஹானே, ரிங்கு சிங் ஆகியோர் விளையாடினர்.
சென்னை சூப்பர் கிங்ஸ் அணி படுமோசமாக பேட்டிங் செய்தது. அந்த அணி 20 ஓவர்களில் 9 விக்கெட் இழப்புக்கு 103 ரன்களை எடுத்தது. 104 ரன்கள் எடுத்தால் வெற்றி என்ற எளிய இலக்குடன் கேகேஆர் விளையாடவுள்ளது. கொல்கத்தா அணியின் சுனில் நரேன் சிறப்பாக பந்துவீசி 3 விக்கெட்டுகளை சாய்த்தார். மொயீன் அலி 1 விக்கெட்டை தூக்கினார். வருண் சக்கரவர்த்தி 2 விக்கெட்டுகளை அள்ளினார். ஹர்ஷித் ராணா 2 விக்கெட்டுகளை வீழ்த்தினர். வைபவுக்கு 1 விக்கெட் கிடைத்தது.
ரச்சின் ரவீந்திரா 4 ரன்கள், டெவன் கான்வே 12 ரன்கள், ராகுல் திரிபாதி 16 ரன்கள், அஸ்வின் 1 ரன், ஜடேஜா டக் அவுட், தீபக் ஹூடா டக் அவுட், தோனி 1 ரன்னில் ஆட்டமிழந்து அதிர்ச்சி கொடுத்தனர். மிடில் ஆர்டரில் களம் புகுந்த விஜய் சங்கர் மட்டும் 29 ரன்கள் எடுத்தார். அவர் அந்த ஸ்கோரை அடிக்கவில்லை எனில் ஸ்கோர் இந்த அளவுக்குக் கூட வந்திருக்காது. தோனியும் தொடர்ந்து பேட்டிங்கில் ஜொலிக்காமல் இருப்பது அவரது ரசிகர்களுக்கு வருத்தத்தை ஏற்படுத்தியுள்ளது. ஷிவம் துபே அவுட்டாகாமல் 31 ரன்கள் அதிகபட்சமாக எடுத்தார்.
தொடர்ச்சியாக நான்கு போட்டிகளில் தோல்வியடைந்துள்ள சென்னை அணி, தோனி தலைமையில் மீண்டும் இன்று பேட்டிங்கில் சொதப்பியிருக்கிறது.
ரஹானே கூறியது என்ன?
டாஸ் வென்ற கேகேஆர் கேப்டன் அஜிங்க்யா ரஹானே, “நாங்கள் முதலில் பந்துவீசுவோம். கடந்த ஆட்டத்தில் இருந்து நிறைய நேர்மறையான விஷயங்கள் இருந்தன. ஒரு அணியாக நாங்கள் சிறப்பாக விளையாடினோம். இது ஒவ்வொரு கேமையும் மேம்படுத்துவது பற்றியது. இது ஒரு நல்ல பிட்ச் போல் தெரிகிறது, அதிகம் மாறாது என நினைக்கிறேன். நாங்கள் நன்றாக பேட்டிங் செய்கிறோம், அதனால்தான் நாங்கள் முதலில் பந்துவீசி சேஸிங் செய்ய விரும்புகிறோம். எங்கள் அணியில் ஒரு மாற்றம் - ஸ்பென்சருக்குப் பதிலாக மொயீன் அலி வருகிறார்” என்று கூறியிருந்தார் ரஹானே.
கொல்கத்தா நைட் ரைடர்ஸ்: குயிண்டன் டி காக், சுனில் நரைன், அஜிங்க்யா ரஹானே (கேப்டன்), வெங்கடேஷ் ஐயர், ரிங்கு சிங், மொயீன் அலி, ஆண்ட்ரே ரசல், ரமன்தீப் சிங், ஹர்ஷித் ராணா, வைபவ் அரோரா, வருண் சக்கரவர்த்தி.
சென்னை சூப்பர் கிங்ஸ்: ரச்சின் ரவீந்திரா, டெவோன் கான்வே, ராகுல் திரிபாதி, விஜய் சங்கர், சிவம் துபே, எம்.எஸ்.தோனி (கேப்டன், விக்கெட் கீப்பர்), ரவீந்திர ஜடேஜா, ரவிச்சந்திரன் அஸ்வின், நூர் அகமது, அன்சுல் கம்போஜ், கலீல் அகமது.
Manigandan K T
