Kavya Maran: சென்சுரி அடித்த அபிஷேக் சர்மா.. அரங்கில் இருந்த பெற்றோர்.. துள்ளிக் குதித்துக் கொண்டாடிய காவ்யா மாறன்!
Kavya Maran: அபிஷேக் சர்மா 10 சிக்ஸர்கள் மற்றும் 14 பவுண்டரிகளுடன் தனது முதல் ஐபிஎல் சதத்தை பதிவு செய்தார். அவர் சதத்தைக் கொண்டாடியதும் இது ஆரஞ்சு ஆர்மிக்காக என எழுதப்பட்டிருந்த காகிதம் ஒன்றை ரசிகர்களை நோக்கி காண்பித்தார்.
Kavya Maran: SRH நட்சத்திர பேட்ஸ்மேன் அபிஷேக் சர்மா, சனிக்கிழமையன்று ஐபிஎல் வரலாற்றில் எல்லா நேரத்திலும் சிறந்த இன்னிங்ஸ்களில் ஒன்றை பதிவு செய்த பின்னர் அந்த அணியின் இணை உரிமையாளர் காவ்யா மாறன் முகத்தில் புன்னகை தழுவியது. ஐபிஎல் வந்துவிட்டாலே காவ்யா மாறன் லைம் லைட்டில் இருப்பார். குறிப்பாக சன்ரைசர்ஸ் ஐதராபாத் அணி ஆட்டங்களை பெரும்பாலும் அவர் தவறவிடுவதே கிடையாது எனலாம். நேற்றைய மேட்ச்சையும் அவர் மிஸ் செய்யவில்லை.
அபிஷேக் 10 சிக்ஸர்கள் மற்றும் 14 பவுண்டரிகளுடன் தனது முதல் ஐபிஎல் சதத்தை பதிவு செய்தார், மேலும் அதை லீக் வரலாற்றில் ஒரு இந்திய பேட்ஸ்மேன் எடுத்த அதிகபட்ச ஸ்கோராக மாற்றினார். ஒட்டுமொத்தமாக, 2013 ஆம் ஆண்டில் ராயல் சேலஞ்சர்ஸ் பெங்களூரு அணிக்காக கிறிஸ் கெய்ல் ஆட்டமிழக்காமல் 175 ரன்கள் எடுத்ததையும், 2008 ஆம் ஆண்டில் கொல்கத்தா நைட் ரைடர்ஸ் அணிக்காக பிரெண்டன் மெக்கல்லம் ஆட்டமிழக்காமல் 158 ரன்கள் எடுத்ததையும் அடுத்து இது ஐபிஎல் வரலாற்றில் மூன்றாவது அதிகபட்ச தனிநபர் ஸ்கோரை அபிஷேக் சர்மா பதிவு செய்து அசத்தினார்.
ஐபிஎல் 2025 இல் அபிஷேக் சதத்தை எட்டியபோது, காவ்யா மகிழ்ச்சியில் தனது இருக்கையில் இருந்து துள்ளிக் குதித்து கொண்டாடினார். மேலும், ஹைதராபாத்தில் உள்ள ராஜீவ் காந்தி சர்வதேச ஸ்டேடியத்தில் ஸ்டாண்டில் இருந்த அபிஷேக்கின் பெற்றோரிடம் நேராகச் சென்று, தங்கள் மகனின் சாதனையை பகிர்ந்து கைகுலுக்கி அணைந்து உள்ளம் நெகிழ்ந்தார். இது பார்ப்பவர்களை நெகிழச் செய்தது.
'எந்த வீரருக்கும் இது எளிதானது அல்ல...'
அபிஷேக் இந்த சீசனில் கடினமான தொடக்கத்தை சந்தித்தார், முதல் ஐந்து போட்டிகளில் வெறும் 51 ரன்கள் மட்டுமே எடுத்தார். எவ்வாறாயினும், தன்னை ஆதரித்ததற்காக கேப்டன் பாட் கம்மின்ஸ் மற்றும் எஸ்ஆர்எச் நிர்வாகத்தை அவர் பாராட்டியது மட்டுமல்லாமல், கடினமான காலகட்டத்தில் தன்னுடன் தொடர்பில் இருந்ததற்காக தனது வழிகாட்டி யுவராஜ் சிங் மற்றும் இந்தியா டி 20 கேப்டன் சூர்யகுமார் யாதவ் ஆகியோரையும் அவர் நினைவுகூர்ந்தார்.
"எந்தவொரு வீரரும் அந்த வடிவத்தை கடந்து செல்வது எளிதல்ல. அணிக்கும், கேப்டனுக்கு நான் இத்தருணத்தில் நன்றி கூற கடமைப்பட்டுள்ளேன், நான் சரியாக ஆடவில்லை என்றாலும் பேட்ஸ்மேன்களுக்கு சுதந்திரம் கொடுப்பவர் எங்கள் கேப்டன். நான் டிராவிஸுடன் பேசினேன், அது எங்கள் இருவருக்கும் ஒரு சிறப்பு நாள், “என்று அபிஷேக் சர்மா ஆட்டநாயகன் விருதை வென்ற பின்னர் கூறினார்.
மேலும், ‘யுவராஜ் சிங்கையும் இங்கே குறிப்பிட விரும்புகிறேன், நான் அவருடன் பேசி வருகிறேன், சூர்யகுமார் யாதவுக்கும் நன்றி. நான் அவருடன் தொடர்பில் இருந்தேன், அவர் எனக்காக இருந்தார்’ என்றார் அபிஷேக் சர்மா.
அபிஷேக் சர்மா தனது அதிரடி ஆட்டத்தை வெளிப்படுத்த டிராவிஸ் ஹெட்டுடன் ஒரு சிறந்த தொடக்க கூட்டணியுடன், SRH 246 ரன்களை ஒன்றுமில்லை என்பது போல் சேஸிங் செய்ய உதவியது.
டாஸ் வென்ற பஞ்சாப் கிங்ஸ் அணி முதலில் பேட்டிங்கை தேர்வு செய்தது. பிரப்சிம்ரன் சிங் மற்றும் பிரியான்ஷ் ஆர்யா நல்ல தொடக்கத்தை கொடுத்தனர். ஸ்ரேயாஸ் ஐயர் அரை சதம் விளாசினார். அந்த அணி 245 ரன்களை குவித்தது.
Manigandan K T
