ஐபிஎல் 2025: மூன்று பேர் மட்டும் இரட்டை இலக்க ஸ்கோர்.. சீட்டுகட்டு போல் சரிந்த ராஜஸ்தான் பேட்டிங்! டாப் இடத்தில் குஜராத்

இந்த போட்டியில் முதலில் பேட் செய்த குஜராத் டைட்டன்ஸ் 217 ரன்கள் குவித்த நிலையில், இதை சேஸ் செய்த ராஜஸ்தான் ராயல்ஸ்

மேலும் படிக்க: சாய் சுதர்சன் நங்கூர இன்னிங்ஸ்.. ஷாருக்கான், பட்லர் அதிரடி! ராஜஸ்தானுக்கு சவால் இலக்கை வைத்த குஜராத்

ராஜஸ்தான் ராயல்ஸ் சேஸிங்

முன்னதாக, டாஸ் வென்ற ராஜஸ்தான் ராயல்ஸ் கேப்டன் சஞ்சு சாம்சன் பவுலிங்கை தேர்வு செய்ய, சாய் சுதர்சன் அரைசதம் மற்றும் படலர், ஷாருக்கான் அதிரடியால் 20 ஓவரில் 6 விக்கெட் இழப்புக்கு 217 ரன்கள் குவித்தது. இதையடுத்து மிக பெரிய இலக்கை சேஸ் செய்த ராஜஸ்தான் ராயல்ஸ் 19.2 ஓவரில் 159 ரன்களுக்கு ஆல்அவுட்டானது. இதனால் குஜராத் அணி 58 ரன்கள் வித்தியாசத்தில் வெற்றி பெற்றதுடன் புள்ளிப்பட்டியலிலும் முதல் இடத்துக்கு முன்னேறியது.

ராஜஸ்தான் அணியில் அதிகபட்சமாக ஷமிரான் ஹெட்மேயர் 52, சஞ்சு சாம்சன் 41, ரியான் பராக் 26 ரன்கள் எடுத்தனர். இவர்கள் மூவரை தவிர மற்றவர்கள் அனைவரும் ஒற்றை இலக்கத்திலேயே ரன்கள் அடித்தனர்.

குஜராத் பவுலர்களில் பிரசித் கிருஷ்ணா 3, ரஷித்கான் மற்றும் சாய் கிஷோர் ஆகியோர் தலா 2 விக்கெட்டுகளை வீழ்த்தினர். முகமது சிராஜ், அர்ஷத் கான், இம்பேக்ட் வீரராக களமிறங்கிய குல்வந்த் கெஜ்டோலியா ஆகியோர் தலா ஒரு விக்கெட் எடுத்தனர்.

பேட்டிங் சொதப்பல்

218 ரன்கள் என்ற பெரிய இலக்கை விரட்டியபோது ராஜஸ்தான் ராயல்ஸ் அணியின் அதிரடி ஓபனர் யஷஸ்வி ஜெயஸ்வால் 6 ரன்னில் அவுட்டாகி வெளியேறினார். இவரை தொடர்ந்து நிதிஷ் ராணா ஒரு ரன்னில் நடையை கட்டினார்.

அடுத்தடுத்து 2 விக்கெட்டுகளை விழுந்த நிலையில் சஞ்சு சாம்சன் - ரியான் பராக் ஜோடி சிறிய பார்ட்னர்ஷிப் அமைத்தனர். பவர்ப்ளே முடிவில் ராஜஸ்தான் ராயல்ஸ் 2 விக்கெட் இழப்புக்கு 57 ரன்கள் எடுத்திருந்தது.

மேலும் படிக்க: வரலாறு படைத்த ஆர்சிபி கேப்டன் பட்டிதார்.. பிசிசிஐ அளித்த தண்டனை! அப்படி என்ன செய்தார்?

இதையடுத்து சிறப்பாக பேட் செய்து வந்த சாம்சன் பவர்ப்ளே முடிந்த அடுத்த ஓவரிலேயே ரியான் பராக் 14 பந்துகளில் 26 ரன்கள் விரைவாக அடித்து அவுட்டானார். பின்னர் வந்த துருவ் ஜூரல் 5 ரன்னில் நடையை கட்டினார்.

முக்கிய பேட்ஸ்மேன்கள் அவுட்டான நிலையில் ராஜஸ்தான் ராயல் தடுமாறியது. அப்போது ஹெட்மேயருடன் இணைந்து பார்டனர்ஷிப் அமைத்தார் சாம்சன். பொறுப்புடன் பேட் செய்து வந்த அவர் 28 பந்துகளில் 41 ரன்கள் அடித்த நிலையில் அவுட்டானார்.

ஹெட்மேயர் போராட்டம்

ராஜஸ்தான் அணி முன்னணி பேட்ஸ்மேன்கள் சொதப்பிய நிலையில் இம்பேக்ட் வீரராக களமிறங்கிய ஷிபம் துபேவும் 1 ரன்னில் தனது விக்கெட்டை பறிகொடுத்தார். களத்தில் இருந்த ஷிமரான் ஹெட்மேயர் மட்டும் ஒற்றை ஆளாக போராடி வந்தார். ஆனால் அவருக்கு கம்பெனி கொடுக்க யாரும் இல்லாத நிலையில் 29 பந்துகளில் அரைசதமடித்த அவர், 52 ரன்கள் அடித்து அவுட்டானார்.

மேலும் படிக்க: இப்போ என்ன செய்வீங்க.. திருந்தாத திக்வேஷ் ரதி! புல்தரையில் எழுதி கொண்டாட்டம்.. பிசிசிஐ தடையில் இருந்து எஸ்கேப்

குஜராத் பவுலர்கள் அனைவரும் விக்கெட்டுகள்

ராஜஸ்தான் பேட்ஸ்மேன்களுக்கு நெருக்கடி தரும் விதமாக குஜராத் பவுலர்கள் அனைவரும் சிறப்பாகவே பந்து வீசினர். குஜராத் அணியில் பவுலிங் செய்த அனைத்து பவுலர்களும் விக்கெட்டுகளை வீழ்த்தினர். இந்த சீசனில் ரன்களை வாரி வழங்கி வந்த முக்கிய பவுலரான ரிஷத் கான், பவுலிங்கில் பார்மை மீட்டெடுத்து 4 ஓவரில் 37 ரன்கள் விட்டுக்கொடுத்து 2 விக்கெட்டுகளை வீழ்த்தினார். வேகப்பந்து வீச்சாளர் பிரசித் கிருஷ்ணா அற்புதமாக பவுலிங் செய்து 4 ஓவரில் 24 ரன்கள் மட்டும் விட்டுக்கொடுத்து 3 விக்கெட்டுகளை கைப்பற்றினார். இந்த தோல்விக்கு பிறகு ராஜஸ்தான் ராயல்ஸ் தொடர்ந்து 7வது இடத்தில் உள்ளது.