ஐபிஎல் 2025: முதல் ரவுண்ட் போட்டிகள் நிறைவு! பட்லர் அதிரடி..டெல்லிக்கு எதிராக வெற்றி.. டாப் இடத்துக்கு முன்னேறிய குஜராத்

மேலும் படிக்க: ஐபிஎல் 2025: மாறி மாறி சிக்ஸர்கள்.. அதிரடி காட்டிய டெல்லி பேட்ஸ்மேன்கள்

இதைத்தொடர்ந்து இந்த இலக்கை சேஸ் செய்த குஜராத் டைட்டன்ஸ் 19.2 ஓவரில் 3 விக்கெட் இழப்புக்கு 2024 ரன்கள் எடுத்து, 4 பந்துகள் எஞ்சியிருக்க, 7 விக்கெட் வித்தியாசத்தில் வெற்றி பெற்றது. அதிகபட்சமாக ஜோஸ் பட்லர் 97, ஷெர்பேன் ருதர்போர்டு 43 ரன்கள் எடுத்தனர். டெல்லி பவுலர்களில் முகேஷ் குமார், குல்தீப் யாதவ் ஆகியோர் தலா ஒரு விக்கெட் எடுத்தனர்.

சாய் சுதர்சன் நிதானம்

குஜராத் டைட்டன்ஸ் ஓபனர்களில் கேப்டன் சுப்மன் கில் 7 ரன் எடுத்த நிலையில், ஆட்டத்தின் 1.4 ஓவரில் அவுட்டாகி நடையை கட்டினார். மற்றொரு ஓபனரான சாய் சுதர்சன் தனது வழக்கமான பாணியில் நிதானத்தை கடைப்பிடித்து பேட் செய்தார்.

மூன்றாவது பேட்ஸ்மேனாக களமிறங்கிய ஜோஸ் பட்லர், தொடக்கம் முதல் அதிரடியை வெளிப்படுத்தினார். இதனால் அணியின் ஸ்கோர் உயர தொடங்கின. பவர்ப்ளே முடிவில் குஜராத் டைட்டன்ஸ் ஒரு விக்கெட் இழப்புக்கு 67 ரன்கள் எடுத்தது.

சிறப்பாக பேட் செய்து 21 பந்துகளில் 36 ரன்கள் குவித்த சாய் சுதர்சன் தனது விக்கெட்டை பறிகொடுத்து பெவிலியன் திரும்பினார்.

மேலும் படிக்க: ஐபிஎல் 2025: பஞ்சாப் கிங்ஸுக்கு 5வது வெற்றி.. சொந்த மண்ணில் ராசியி்ல்லாத ஆர்சிபி

பட்லர் - ருதர்போர்டு அதிரடி

மூன்றாவது விக்கெட்டுக்கு ஜோடி சேர்ந்த பட்லர் - ருதர்போர்டு ஆகியோர் மாறி மாறி டெல்லி பவுலர்களுக்கு எதிராக தாக்குதல் ஆட்டத்தை வெளிப்படுத்தினர். ஒரு பக்கம் ஜோஸ் பட்லர் பவுண்டரிகளாக விரட்ட, ருதர்போர்டு சிக்ஸர்களை பறக்கவிட்டார்.

32 பந்துகளில் அரைசதத்தை பூர்த்தி செயதார் பட்லர். ருதர்போர்டும் அரைசதமடிப்பார் என எதிர்பார்க்கப்பட்ட நிலையில் 34 பந்துகளில் 43 ரன்கள் அடித்து அவுட்டானார். இந்த ஜோடி மூன்றாவது விக்கெட்டுக்கு 119 ரன்கள் சேர்த்தது.

கடைசி வரை களத்தில் இருந்து அதிரடி காட்டிய பட்லர் 54 பந்துகளில் 9 ரன்கள் எடுத்து கடைசி வரை அவுட்டாகாமல் இருந்தார். தனது இன்னிங்ஸில் 11 பவுண்டரி, 4 சிக்ஸர்கள் அடித்தார்.

முதல் இடத்தில் குஜராத்

டெல்லி பவுலர்களில் அனைவரும் ரன்களை வாரி வழங்கினர். அணியின் ஸ்டிரைக் பவுலரான ஸ்டார்க் 3.2 ஓவரில் 49 ரன்கள் விட்டுக்கொடுத்தார். ஸ்பின்னர் குல்தீப் யாதவ் சிறப்பாக பவுலிங் செய்து 4 ஓவரில் 30 ரன்கள் மட்டும் விட்டுக்கொடுத்து ஒரு விக்கெட் எடுத்தார்.

மொத்தம் 10 அணிகள் பங்கேற்கும் ஐபிஎல் போட்டிகளில் ஒவ்வொரு அணியும் 14 லீக் போட்டிகளில் விளையாடுகிறது. அதன்படி தற்போது அனைத்து அணிகளும் 7 போட்டிகள் விளையாடியிருக்கும் நிலையில், முதல் ரவுண்டு போட்டிகள் நிறைவடைந்துள்ளன.

மேலும் படிக்க: ஐபிஎல் 2025: மும்பை இந்தியன்ஸுக்கு இரண்டாவது தொடர் வெற்றி.. சன் ரைசர்ஸ்க்கு 5வது தோல்வி

இந்த தருணத்தில் குஜராத் அணி 7 போட்டிகளில் 5 வெற்றி, 2 தோல்வியுடன் முதல் இடத்தில் உள்ளது. முறையே 2 முதல் 9வது இடம் வரை டெல்லி கேபிடல்ஸ், பஞ்சாப் கிங்ஸ், ஆர்சிபி, லக்னோ சூப்பர் ஜெயண்ட்ஸ், கொல்கத்தா நைட் ரைடர்ஸ், மும்பை இந்தியன்ஸ், ராஜஸ்தான் ராயல்ஸ், சன் ரைசர்ஸ் ஹைதராபாத் அணிகள் உள்ளன.

கடைசி இடத்தில் இருந்து வரும் சிஎஸ்கே 7 போட்டிகளில் 2 வெற்றி, 5 தோல்விகளை பெற்றுள்ளது.