ஐபிஎல் 2025: இந்த சீசன் முதல் சூப்பர் ஓவர்.. ரன் அவுட்டால் வீழ்ந்த ராஜஸ்தான்! இமாலய சிக்ஸருடன் டெல்லி த்ரில் வெற்றி

முதலில் பேட் செய்த டெல்லி கேபிடல்ஸ் 188 ரன்கள் எடுத்த நிலையில், இதை சேஸ் செய்த ராஜஸ்தான் ராயல்ஸ் 188 ரன்கள் எடுக்க போட்டி டை ஆனது. இதனால் சூப்பர் ஓவர் நடந்த நிலையில், அதில் சிறப்பாக செயல்பட்டு டெல்லி கேபிடல்ஸ் வெற்றி பெற்றது.

மேலும் படிக்க: ஐபிஎல் 2025: கருண் நாயர் ஏமாற்றம்.. அதிரடி காட்டிய டெல்லி பேட்ஸ்மேன்கள் 188 ரன்கள் குவிப்பு

ராஜஸ்தான் ராயல்ஸ் சேஸிங்

இந்த போட்டியில் டாஸ் வென்ற ராஜஸ்தான் ராயல்ஸ் கேப்டன் சஞ்சு சாம்சன் பவுலிங்கை தேர்வு செய்த நிலையில், முதலில் பேட் செய்த டெல்லி கேபிடல்ஸ் 20 ஓவரில் 5 விக்கெட் இழப்புக்கு 188 ரன்கள் எடுத்தது. இந்த ஸ்கோரை விரட்டிய ராஜஸ்தான் ராயல்ஸ் 20 ஓவரில் 4 விக்கெட் இழப்புக்கு 188 ரன்கள் எடுத்து

அதிகபட்சமாக நிதீஷ் ராணா 51, யஷஸ்வி ஜெயஸ்வால் 51, சஞ்சு சாம்சன் 31 ரன்கள் எடுத்தனர். டெல்லி கேபிடல்ஸ் பவுலர்களில் மிட்செல் ஸ்டார்க், அக்சர் படேல், குல்தீப் யாதவ் ஆகியோர் தலா ஒரு விக்கெட் எடுத்தனர்.

காயத்தால் வெளியேறிய சாம்சன்

ராஜஸ்தான் ராயல்ஸ் அணிக்கு ஓபனர்கள் யஷஸ்வி ஜெயஸ்வால் - சஞ்சு சாம்சன் நல்ல தொடக்கத்தை தந்தனர். இருவரும் இணைந்து அடுத்தடுத்து பவுண்டரி, சிக்ஸர்களை அடித்து ரன்களை குவித்தனர். ஆட்டத்தின் 5.3 ஓவரின் போது கை வலியால் தவித்த சாம்சன் ரிட்டயர்ட் ஹர்ட் ஆகி பாதியிலேயே வெளியேறினார். சாம்சன் 2 பவுண்டரி, 3 சிக்ஸர்கள் பறக்கவிட்டு 19 பந்துகளில் 31 ரன்கள் எடுத்திருந்தார்.

பவர்ப்ளே முடிவில் ராஜஸ்தான் ராயல்ஸ் விக்கெட் இழப்பின்றி 63 ரன்கள் குவித்தது. அதிரடியாக பேட் செய்து ரன்களை எடுத்து வந்த ஜெய்ஸ்வால் 34 பந்துகளில் அரைசதத்தை பூர்த்தி செய்தார். 37 பந்துகளில் 51 ரன்கள் அடித்த ஜெயஸ்வால் குல்தீப் யாதவ் பந்தில் வீழ்ந்தார். ஜெயஸ்வால் தனது இன்னிங்ஸில் 3 பவுண்டரி, 4 சிக்ஸர்கள் அடித்தார். மூன்றாவது பேட்ஸ்மேனாக களமிறங்கிய ரியான் பராக் நல்ல பார்மில் இருந்தபோதிலும் 8 ரன்னில் அவுட்டாகி ஏமாற்றம் அளித்தார்.

மேலும் படிக்க: ஐபிஎல் 2025: ஐபிஎல் வரலாற்றில் முதல் முறையாக குறைந்த ஸ்கோர் அடித்து வெற்றி.. சம்பவம் செய்த பஞ்சாப்

நிதீஷ் ராணா, ஜூரல் அதிரடி

இந்த சீசனில் சென்னை சூப்பர் கிங்ஸ் அணிக்கு எதிரான போட்டியில் அதிரடியில் மிரட்டிய நிதீஷ் ராணா, அதன் பிறகு தற்போது டெல்லி கேபிடல்ஸ் அணிக்கு எதிரான போட்டியில் தொடர்ந்துள்ளார். டெல்லி பவுலர்களுக்கு எதிராக 6 பவுண்டரி, 2 சிக்ஸர் அடித்த ராணா 28 பந்துகளில் 51 ரன்கள் அடித்து தனது விக்கெட்டை பறிகொடுத்தார்.

இவருடன் இணைந்து அதிரடியில் மிரட்டிய துருவ் ஜூரல், கடைசி ஓவர் வரை களத்தில் இருந்த நிலையில் 17 பந்துகளில் 26 ரன்கள் அடித்தார். சிறிய கேமியோ இன்னிங்ஸை வெளிப்படுத்திய ஹெட்மேயர் 15 ரன்கள் எடுத்து அவுட்டாகாமல் இருந்தார்.

ஸ்டார்க் அபாரம்

ஆட்டத்தின் கடைசி ஓவரில் 9 ரன்கள் தேவைப்பட்டது. இடது கை வேகப்பந்து வீச்சாளர் மிட்செல் ஸ்டார்க் பவுலிங் செய்த நிலையில் ஒரு பவுண்டரி கூட விடாமல் 8 ரன்கள் மட்டுமே விட்டுக்கொடுத்தார். அவர் வீசிய ஓவரில் 1,1,2,2,1,1 ரன் மற்றும் ரன் அவுட் என ஸ்டாக் வீசிய ஓவர் அமைந்தது. கடைசி பந்தில் 2 ரன்கள் தேவைப்பட்ட நிலையில் ஸ்டிரைக்கில் இருந்த ஜூரல் மிட் விக்கெட் திசையில் அடித்து இரண்டாவது ரன் முயற்சியில் அவுட்டானார். டெல்லி அணியில் 7 பவுலர்கள் பந்து வீசிய நிலையில், அனைவரும் ரன்களை வாரி வழங்கினர்.

மேலும் படிக்க: ஐபிஎல் 2025: Vintage தோனி பினிஷ்.. சிஎஸ்கேவுக்கு இரண்டாவது வெற்றி

சூப்பர் ஓவர்

போட்டி டை ஆனதால் சூப்பர் ஓவர் விளையாடப்பட்டது. இதில் முதலில் பேட் செய்த ராஜஸ்தான் ராயல்ஸ் அணியில் ஹெட்மேயர் - ரியான் பராக் ஆகியோர் களமிறங்க, டெல்லி கேபிடல்ஸ் அணியில் ஸ்டார்க் பவுலிங் செய்தார்.

ராஜஸ்தான் ராயல்ஸ் சூப்பர் ஓவரில் 0, 4, 1, 4NB (நோபால்), ரன் அவுட், 1 ரன் அவுட் ஆன நிலையில் 0.5 ஓவரில் 11 ரன்கள் எடுத்தது.

இந்த ஸ்கோர் சேஸ் செய்த டெல்லி கேபிடல்ஸ் அணியில் ட்ரிஸ்டன் ஸ்டப்ஸ், கேஎல் ராகுல் ஆகியோர் களமிறங்கினர். ராஜஸ்தான் ராயல்ஸ் அணியிஸ் சந்தீப் ஷர்மா பவுலிங் செய்தார். டெல்லி அணி சூப்பர் ஓவரில் 2, 4, 1, 6 அடித்து 13 ரன்கள் அடித்து வெற்றியை பெற்றது. இந்த வெற்றியால் புள்ளிப்பட்டியலிலும் முதல் இடத்துக்கு முன்னேறியது.

இந்த போட்டியுடன் சேர்த்து ஐந்து முறை சூப்பர் ஓவர் விளையாடியிருக்கும் டெல்லி கேபிடல்ஸ் நான்கு போட்டிகளில் வெற்றி பெற்றுள்ளது. அதேபோல் ராஜஸ்தான் ராயல்கள் இந்த போட்டியுடன் நான்கு முறை சூப்பர் ஓவரில் விளையாடி 2 வெற்றி, 2 தோல்வியை சந்தித்துள்ளது.