ஐபிஎல் 2025: மூன்று விருதுகளை வென்ற சாய் சுதர்சன்.. ஆரஞ்சு, பர்ப்பிள் தொப்பி வெற்றியாளர் யார்? முழு லிஸ்ட் இதோ

ஐபிஎல் 2025இல் கடைசி நாள் இரவில் வழங்கப்பட்ட அனைத்து விருதுகளின் விரிவான பட்டியல்:

• சிறந்த பேட்ஸ்மேனுக்கான ஆரஞ்சு தொப்பி விருது - சாய் சுதர்சன் (குஜராத் டைட்டன்ஸ்) - 15 போட்டிகளில் 759 ரன்கள்
• சிறந்த பவுலர்களுக்கான பர்ப்பிள் தொப்பி விருது - பிரசித் கிருஷ்ணா (குஜராத் டைட்டன்ஸ்) - 15 போட்டிகளில் 25 விக்கெட்டுகள்
• ஐபிஎல் 2025 மிகவும் மதிப்புமிக்க வீரர்: சூர்யகுமார் யாதவ் (மும்பை இந்தியன்ஸ்)

எம்விபி விருது என்று அழைக்கப்படும் இந்த விருதை பெற்றிருக்கும் இந்திய டி20 அணியின் கேப்டனும், மும்பை இந்தியன்ஸ் நட்சத்திர பேட்ஸ்மேனுமான சூர்யகுமார் யாதவ் இந்த சீசனில் 16 போட்டிகளில், 65 சராசரியுடன், 168 ஸ்ட்ரைக் ரேட்டில், 717 ரன்கள் குவித்து, நிலைத்தன்மையுடன் ஆட்டத்தை வெளிப்படுத்தினார்.

சாய் சுதர்சன் ஒரு அற்புதமான சீசனுக்காக ஆரஞ்சு தொப்பியை வென்றார். அவர் இந்த சீசனில் ஆறு அரை சதங்கள் மற்றும் ஒரு சதம் அடித்து, 759 ரன்கள் எடுத்தார்.

மேலும் படிக்க: ஐபிஎல் 2025: சச்சினின் 15 ஆண்டு கால சாதனையை முறியடித்த சூர்யகுமார் யாதவ்

ஐபிஎல் 2025 ஆண்டின் வளர்ந்து வரும் வீரர் விருது சாய் சுதர்சனுக்கு அளிக்கப்பட்டது. 23 வயதான சுதர்சன் தனது அற்புதமான ஆட்டத்திறனுக்காக வளர்ந்து வரும் வீரர் விருதையும் வென்றார், இது அவருக்கு இந்திய டெஸ்ட் அணியில் இடம் பெறுவதற்கான வாய்ப்பைப் பெற்றுத் தந்தது.

ஐபிஎல் 2025 சீசனின் சூப்பர் ஸ்ட்ரைக்கர்: வைபவ் சூரியவன்ஷி (ராஜஸ்தான் ராயல்ஸ்) - 14 வயது நிரம்பிய சூர்யவன்ஷி தனது அதிரடி பேட்டிங்கால் கவனம் ஈர்த்ததுடன் 206.6 ஸ்டிரைக் ரேட் வைத்துள்ளார்.

ஐபிஎல் 2025 அதிக சிக்ஸர்கள்: நிக்கோலஸ் பூரன் (லக்னோ சூப்பர் ஜெயண்ட்ஸ்) - 40 சிக்ஸர்கள்

ஐபிஎல் 2025 அதிக பவுண்டரிகள்: சாய் சுதர்சன் (குஜராத் டைட்டன்ஸ்) - 88 பவுண்டரிகள்

ஐபிஎல் 2025 அதிக டாட் பால்கள்: முகமது சிராஜ் (குஜராத் டைட்டன்ஸ்) - 151 டாட் பந்துகள்

ஐபிஎல் 2025 சீசனின் கேட்ச்: கமிந்து மெண்டிஸ் (சன் ரைசர்ஸ் ஹைதராபாத்). சிஎஸ்கே வீரர் டெவால்ட் பிரெவிஸ் அடித்து பறந்து வந்த அசுர வேக பந்தை பறவை போல் பறந்து பிடித்த அற்புத கேட்சுக்காக இந்த விருது அளிக்கப்பட்டுள்ளது.

ஐபிஎல் 2025 ஃபேர்பிளே விருது: சென்னை சூப்பர் கிங்ஸ். ஐந்து முறை சாம்பியனான சிஎஸ்கேவுக்கு இது மிகவும் மோசமான சீசனாக அமைந்தாலும், நேர்மறையான ஆட்டத்தை வெளிப்படுத்தியதற்காக இந்த விருது அளிக்கப்பட்டுள்ளது.

மேலும் படிக்க: டெல்லி பவுலர்களுக்கு எதிராக ஆதிக்கம்.. சாதனை புரிந்த சாய் சுதர்சன் - கில் ஜோடி

ஐபிஎல் 2025 சீசனின் பேண்டஸி கிங்: சாய் சுதர்சன் (குஜராத் டைட்டன்ஸ்) - 1495 புள்ளிகள். ஆரஞ்சு தொப்பி, வளர்ந்து வரும் வீரர், பேண்டஸி கிங் என மூன்று விருதுகளை வென்றுள்ளார் சாய் சுதர்சன்