ஐபிஎல் 2025: ஷ்ரேயாஸ், ஸ்டோய்னிஸ் அதிரடி.. டெல்லிக்கு சவால் இலக்கு நிர்ணயித்த பஞ்சாப் கிங்ஸ்
ஷ்ரேயாஸ் ஐயர் அரைசதமடித்த நிலையில், கடைசி கட்ட ஓவர்களில் களமிறங்கிய மார்கஸ் ஸ்டோய்னிஸ் அதிரடி கேமியோ இன்னிங்ஸை வெளிப்படுத்தி 4 சிக்ஸர்களை பறக்கவிட்டார்.
ஐபிஎல் 2025 தொடரின் 66வது போட்டி பஞ்சாப் கிங்ஸ் - டெல்லி கேபிடல்ஸ் அணிகளுக்கு இடையே ஜெய்ப்பூரில் நடைபெற்று வருகிறது. இந்த போட்டி தொடங்கு முன் பஞ்சாப் கிங்ஸ் 12 போட்டிகளில் 8 வெற்றி, 3 தோல்வி ஒரு போட்டி முடிவு இல்லை உள்பட 17 புள்ளிகளை பெற்று புள்ளிப்பட்டியலில் இரண்டாவது இடத்தில் உள்ளது. டெல்லி கேபிடல்ஸ் 13 போட்டிகளில் 6 வெற்றி, 6 தோல்வி ஒரு போட்டி முடிவு இல்லை உள்பட 13 புள்ளிகளை பெற்று 5வது இடத்தில் உள்ளது.
பஞ்சாப் கிங்ஸ் அணி ப்ளேஆஃப் சுற்றுக்கு தகுதி பெற்றுள்ள நிலையில், டெல்லி கேபிடல்ஸ் அணி தனது கடைசி லீக் போட்டியில் களமிறங்கியுள்ளது. இந்த சீசனில் இவ்விரு அணிகளும் மோதும் முதல் போட்டியாக இது அமைந்துள்ளது.
பஞ்சாப் கிங்ஸ் அணியில் ஜோஷ் இங்கிலிஸ், மார்கஸ் ஸ்டோனிஸ் ஆகியோர் சேர்க்கப்பட்டுள்ளனர். டெல்லி கேபிடல்ஸ் அணியில் அபிஷேக் போரலுக்கு பதிலாக செடிகுல்லா அடல் சேர்க்கப்பட்டுள்ளார்.