ஐபிஎல் 2025: சிஎஸ்கேவுக்கு இன்னொரு தோல்வி! வெற்றியுடன் சீசனை பினிஷ் செய்த ராஜஸ்தான் ராயல்ஸ்

மேலும் படிக்க: ஐபிஎல் 2025: மாத்ரே. பிரெவீஸ் அதிரடி.. தடுமாறிய தோனி.. பினிஷிங்கில் சொதப்பிய சிஎஸ்கே

ராஜஸ்தான் ராயல்ஸ் சேஸிங்

முன்னதாக டாஸ் வென்ற ராஜஸ்தான் ராயல்ஸ் கேப்டன் சஞ்சு சாம்சன் பவுலிங்கை தேர்வு செய்த நிலையில், முதலில் பேட் செய்த சென்னை சூப்பர் கிங்ஸ் 20 ஓவரில் 8 விக்கெட் இழப்புக்கு 187 ரன்கள் குவித்தது. அதிகபட்சமாக மாத்ரே 43, பிரெவிஸ் 42 ரன்கள் அடித்தனர். சிஎஸ்கேவின் இலக்கை விரட்டிய ராஜஸ்தான் ராயல்ஸ் 17.1 ஓவரில் 188 ரன்கள் அடித்தது. 17 பந்துகள் எஞ்சியிருக்க 6 விக்கெட்டுகள் வித்தியாசத்தில் ராஜஸ்தான் ராயல்ஸ் வெற்றி பெற்றது.

அதிகபட்சமாக வைபவ் சூர்யவன்ஷி 57, சஞ்சு சாம்சன் 41, யஷஸ்வி ஜெய்ஸ்வால் 36 ரன்கள் எடுத்தனர். சிஎஸ்கே பவுலர்களில் அஸ்வின் 2 விக்கெட்டுகளை வீழ்த்தினார். அன்சுல் கம்போஜ், நூர் அகமது ஆகியோர் தலா ஒரு விக்கெட் எடுத்துள்ளனர். இந்த சீசனில் ராஜஸ்தான் ராயல்ஸ் அணிக்கு எதிரான இரண்டு மோதல்களிலும் சிஎஸ்கே தோல்வியுற்றுள்ளது. அத்துடன் ராஜஸ்தான் ராயல்ஸ் இந்த சீசனில் தனது கடைசி போட்டியில் களமிறங்கிய நிலையில், வெற்றியுடன் முடித்துள்ளது.

ஐபிஎல் 2025 தொடரில் அனைத்து லீக் போட்டிகளில் விளையாடி முடித்துள்ள ராஜஸ்தான் ராயல்ஸ், 14 போட்டிகளில் 4 வெற்றி, 10 தோல்வியுடன் 8 புள்ளிகளை பெற்று தற்போதைய நிலையில் புள்ளிப்பட்டியலில் தொடர்ந்து 9வது இடத்தில் உள்ளது.

ஜெய்ஸ்வால் அதிரடி தொடக்கம்

ராஜஸ்தான் ராயல்ஸ் அணியில் ஓபனர்களாக ஜெயஸ்வால் - சூர்யவன்ஷி களமிறங்கினார். பவர்ப்ளே ஓவர்களில் ஸ்டிரைக்க தன் வசம் அதிகமாக வைத்திருந்த ஜெய்ஸ்வால் அதிரடியில் மிரட்டினார். 5 பவுண்டரி, 2 சிக்ஸர்கள் என 19 பந்துகளில் 36 ரன்கள் விரைவாக அடித்துவிட்டு அவுட்டானார். பவர்ப்ளே முடிவில் ராஜஸ்தான் ராயல்ஸ் ஒரு விக்கெட் இழப்புக்கு 56 ரன்கள் எடுத்தது.

மேலும் படிக்க: ஐபிஎல் 2025: ஒரே ஓவரில் 4 சிக்ஸர்கள்.. லக்னோ ப்ளேஆஃப் கனவை உடைத்த சன் ரைசர்ஸ்

சூர்யவன்ஷி - சாம்சன் பார்ட்னர்ஷிப்

வழக்கம்போல் சிக்ஸர்களாக பறக்கவிடும் சூர்யவன்ஷி இந்த போட்டியில் கொஞ்சம் நிதானத்தை கடைப்பிடிகத்தார். அடிக்க வேண்டிய பந்துகளை பவுண்டரிக்கு விரட்டியதோடு, மெல்ல மெல்ல கியரை மாற்றினார். மிடில் ஓவர்களில் சூர்யவன்ஷி- சஞ்சு சாம்சன் இணைந்து பார்ட்னர்ஷிப் அமைத்து அணியின் ஸ்கோரையும், ரன்ரேட்டையும் குறையவிடாத விதமாக விளையாடினர்.

இந்த ஜோடி இரண்டாவது விக்கெட்டுக்கு 98 ரன்கள் சேர்த்தது. சிறப்பாக பேட் செய்த 26 பந்துகளில் அரைசதமடித்தார். அஸ்வின் வீசிய ஆட்டத்தின் 14வது ஓவரில் சாம்சன் 41, சூர்யவன்ஷி 57 ரன்கள் எடுத்த நிலையில் அவுட்டாகினர். ஒரே ஓவரில் நன்றாக பேட் செய்து வந்த 2 முக்கிய பேட்ஸ்மேன்களை பெவிலியனுக்கு அனுப்பினார் அஸ்வின்.

ஜுரல் பினிஷ்

இருப்பினும், புதிய பேட்ஸ்மேனாக ஸ்டிரைக் வந்த ஜுரல் பெரிய அடுத்தடுத்து சிக்ஸர்களை பறக்க விட்டு அணியின் ஸ்கோரை வெற்றி நோக்கி எடுத்து சென்றார். 3 சிக்ஸர்கள், 2 பவுண்டரிகளை அடித்த ஜுரல் 12 பந்துகளில் 31 ரன்கள் அடித்து நாட் அவுட் பேட்ஸ்மேனாக இருந்தார்.

மேலும் படிக்க: நெக்ரா வழிகாட்டுதல் அணிக்கு பலம்.. இஷாந்த் ஷர்மா

சிஎஸ்கே பவுலர்களில் அன்சுல் கம்போஜ் சிறப்பாக பவுலிங் செய்தார். 3 ஓவரில் 21 ரன்கள் விட்டுக்கொடுத்து ஒரு விக்கெட் வீழ்த்தியதோடு, சிஎஸ்கே அணியில் அதிகபட்சமாக 8 டாட் பந்துகளை வீசிய பவுலராக உள்ளார். மற்ற பவுலர்கள் அனைவரும் 10 ரன்களுக்கும் அதிகமான எகானமியுடன் பந்து வீசியுள்ளனர்.