ஐபிஎல் 2025: ஒன் மேன் ஷோ! சதமடித்த கேஎல் ராகுல்.. குஜராத் பவுலர்களுக்கு எதிராக அதிரடி.. டெல்லி கேபிடல்ஸ் ரன் குவிப்பு

டெல்லி கேபிடல்ஸ் அணியில் மிட்செல் ஸ்டாக்குக்கு பதிலாக முஸ்தபிசுர் ரஹ்மான் சேர்க்கப்பட்டுள்ளார். அதேபோல் குஜராத் அணியில் ககிசோ ராபாடா அணிக்கு திரும்பியுள்ளார்.

மேலும் படிக்க: ஐபிஎல் 2025: பினிஷிங்கில் சொதப்பிய ராஜஸ்தான்.. பழிதீர்த்த பஞ்சாப்.. புள்ளிப்பட்டியலில் ஏற்பட்ட மாற்றம்

குஜராத் டைட்ன்ஸ் பவுலிங்

இந்த போட்டியில் டாஸ் வென்ற குஜராத் டைட்டன்ஸ் கேப்டன் சுப்மன் கில் பவுலிங்கை தேர்வு செய்தார். இதையடுத்து முதலில் பேட் செய்த டெல்லி கேபிடல்ஸ் 20 ஓவரில் 3 விக்கெட் இழப்புக்கு 199 ரன்கள் எடுத்துள்ளது. அதிகபட்சமாக கேஎல் ராகுல் 112, அபிஷேக் போரல் 30, அக்சர் படேல் 25 ரன்கள் எடுத்துள்ளனர். குஜராத் டைட்டன்ஸ் பவுலர்களில் அர்ஷத் கான், பிரசித் கிருஷ்ணா, சாய் கிஷோர் ஆகியோர் தலா ஒரு விக்கெட் எடுத்துள்ளனர்.

ஐபிஎல் போட்டிகளில் 5வது சதத்தை அடித்திருக்கும் கேஎல் ராகுல் ஓபனராக களமிறங்கி கடைசி வரை நாட் அவுட் பேட்ஸ்மேனாக இருந்துள்ளார். கடைசி நேரத்தில் சிறிய கேமியோ இன்னிங்ஸை வெளிப்படுத்திய ஸ்டப்ஸ் 21 ரன்கள் எடுத்தார்.

மேலும் படிக்க: ஐபிஎல் 2025: வாதிரா அதிரடி.. ஷஷாங்க பினிஷ்! செம அடிவாங்கிய ராஜஸ்தான் அணிக்கு சவாலான இலக்கு

கேஎல் ராகுல் சதம்

ஒபனராக களமிறங்கிய கேஎல் ராகுல் நிதானமும், அதிரடியும் கலந்த இன்னிங்ஸை வெளிப்படுத்தினார். மற்றொரு ஒபனரான டூ பிளெசிஸ் 5 ரன்னில் வெளியேற, பின்னர் பேட் செய்ய வந்த போரல், கேஎல் ராகுலுடன் இணைந்து சிறப்பாக பார்டனர்ஷிப் அமைத்தார். இந்த ஜோடி இரண்டாவது விக்கெட்டுக்கு 90 ரன்கள் சேர்த்தது.

போரல், 3 சிக்ஸர்களை பறக்கவிட்டு 19 பந்துகளில் 30 ரன்கள் அடித்து அவுட்டானார். இவரை தொடர்ந்து பேட் செய்த அக்சர் படேல் விரைவாக 25 ரன்கள் குவித்து அவுட்டானார்.

இதற்கிடையே 35 பந்துகளில் அரைசதமடித்தார் கேஎல் ராகுல். அதன் பின்னரும் தொடர்ந்து ரன் குவிப்பில் ஈடுபட்ட கேஎல் ராகுல் ஆட்டத்தின் கடைசி ஓவர் வரை நிலைத்து நின்றார்.

60 பந்துகளில் சதமடித்த, ஐபிஎல் போட்டிகளில் தனது 5வது சதத்தை பூர்த்தி செய்தார். 14 பவுண்டரி, 4 சிக்ஸர்கள் அடித்த கேஎல் ராகுல் 65 பந்துகளில் 112 ரன்கள் எடுத்து கடைசி வரை அவுட்டாகமல் இருந்துள்ளார்.

மேலும் படிக்க: கோலிக்கு எல்லாமே காசு கொடுத்து சேர்ந்த கூட்டம்.. ஹர்பஜன் கருத்தால் வெடித்த சர்ச்சை

அடிவாங்கிய குஜராத் பவுலர்கள்

குஜராத் அணியில் அனைத்து பவுலர்களும் டெல்லி பேட்ஸ்களுக்கு எதிராக பவுண்டரி, சிக்ஸர்கள் என அடிவாங்கி ரன்களை வாரி வழங்கினர். அர்ஷத் கான் சிறப்பாக பவுலிங் செய்து 2 ஓவரில் 7 ரன்கள் மட்டும் விட்டுக்கொடுத்து ஒரு விக்கெட் வீழ்த்தினார். முகமது சிராஜ் அதிகபட்சமாக 11 டாட் பந்துகளை வீசியபோதிலும் 4 ஓவரில் 37 ரன்களை வாரி வழங்கி விக்கெட்டுகள் எதுவும் வீழ்த்தவில்லை.