ஐபிஎல் 2025: கட்டாய வெற்றி நெருக்கடியில் கொல்கத்தா.. பழிதீர்க்க தயாராக இருக்கும் சிஎஸ்கே! ஜெயிக்கப்போவது யார்?

ஸ்டார் வீரர்கள்

கொல்க்கதா அணியை பொறுத்தவரை பேட்டிங்கில் ரகுவன்ஷி நல்ல பார்மில் இருந்து வருகிறார். ஆண்ட்ரே ரசல் பார்முக்கு திரும்பி இருப்பது நல்ல விஷயமாக அமைந்துள்ளது. சுனில் நரைன், ரஹானே, ரிங்கு சிங் பேட்டிங்கில் நல்ல பங்களிப்பு அளித்து வருகின்றனர். பவுலிங்கில் ஸ்பின்னர்களான வருண் சக்கரவர்த்தி, நரைன் எதிரணிக்கு தொல்லை தரும் பவுலர்களாக உள்ளார்கள். அதேபோல் மொயின் அலி சிறந்த ஆல்ரவுண்டராக ஜொலித்து வருகிறார்.

மேலும் படிக்க: நட்பு.. காதல்.. துரோகம்.. முன்னாள் மும்பை இந்தியன்ஸ் வீரர் பாலியல் வன்கொடுமை வழக்கில் கைது

தொடர் தோல்விகளை பெற்று வரும் சிஎஸ்க அணி, தற்போது நல்ல சமநிலை கொண்ட அணியாக உள்ளது. பேட்டிங்கில் ஆயுஷ் மாத்ரே, டிவால்ட் பிரெவிஸ் ஆகியோர் நல்ல பார்மில் இருந்து வருகிறார்கள். ஜடேஜா, ஷிவம் துபே ஆகியோர் நல்ல பங்களிப்பை வெளிப்படுத்தி வருகிறார்கள். பவுலிங்கில் நூர் அகமது, ஜடேஜா, கலீல் அகமது சிறப்பாக செயல்படும் வீரர்களாக உள்ளார்கள்.

சிஎஸ்கே - கொல்கத்தா இதுவரை

இந்த இருஅணிகளும் இதுவரை 31 போட்டிகள் நேருக்கு நேர் மோதியுள்ளன. இதில் சிஎஸ்கே 19, கொல்கத்தா 11 முறை வெற்றி பெற்றுள்ளன. ஒரு போட்டி முடிவு இல்லை. இரு அணிகளுக்கு இடையிலான முந்தைய மோதலில் கொல்கத்தா நைட் ரைடர்ஸ் வெற்றி பெற்றுள்ளது.

பிட்ச் ரிப்போர்ட்

ஈடன் கார்டன் மைதானம் எப்போதும் ஸ்பின்னர்களுக்கு கைகொடுக்கும் ஆடுகளமாக இருந்துள்ளது. இந்த முறை பேட்ஸ்மேன்களும் ரன் குவிக்க உதவியுள்ளது. இந்த சீசனில் இங்கு நடந்த போட்டிகளில் முதலில் பேட் செய்த அணியே அதிக வெற்றிகளை பெற்று இருப்பதால், டாஸ் முக்கிய பங்கு வகிக்கும் என எதிர்பார்க்கலாம்

மேலும் படிக்க: ஐபிஎல் 2025: தோனியிடம் வந்த வார்த்தைகள் முக்கியமானவை.. ஆயுஷ் மாத்ரே தந்தை புேட்டி

கொல்கத்தா நைட் ரைடர்ஸ் உத்தேச அணி: ரஹ்மானுல்லா குர்பாஸ் (விக்கெட் கீப்பர்), சுனில் நரைன், அஜிங்க்யா ரஹானே (கேப்டன்), ஆங்கிரிஷ் ரகுவன்ஷி, வெங்கடேஷ் ஐயர், ரிங்கு சிங், ஆண்ட்ரே ரசல், ராமன்தீப் சிங், மொயீன் அலி, ஹர்ஷித் ரானா, வருண் சக்கரவர்த்தி

இம்பேக் வீரர்: வைபவ் அரோரா

சிஎஸ்கே உத்தேச அணி: ஆயுஷ் மத்ரே, ஷேக் ரஷீத், சாம் கரன், டெவால்ட் ப்ரீவிஸ், ரவீந்திர ஜடேஜா, ஷிவம் துபே, எம்எஸ் தோனி (கேப்டன் மற்றும் விக்கெட் கீப்பர்), தீபக் ஹூடா, கலீல் அகமது, நூர் அகமது, அன்ஷுல் கம்போஜ்,

இம்பேக்ட் வீரர்: மதிஷா பதிரனா