ஐபிஎல் 2025: மழையால் தப்பித்த டெல்லி கேபிடல்ஸ்.. நாக் அவுட்டான சன் ரைசர்ஸ்! ப்ளேஆஃப் ரேஸில் இருந்து வெளியேற்றம்
Published May 06, 2025 12:38 AM IST
டெல்லி கேபிடல்ஸ் பேட்டிங் முடிந்ததில் இருந்தே சாரல் மழை பெய்ய தொடங்கியது. அவுட் பீல்டிங் மோசமாக இருந்த நிலையில் போட்டி கைவிடப்படுவதாக அறிவிக்கப்பட்டது. மழையால் டெல்லி கேபிடல்ஸ் தப்பித்த நிலையில், சன் ரைசர்ஸ் நாக் அவுட்டாகியுள்ளது.
மழையால் தப்பித்த டெல்லி கேபிடல்ஸ்.. நாக் அவுட்டான சன் ரைசர்ஸ்! ப்ளேஆஃப் ரேஸில் இருந்து வெளியேற்றம் (Surjeet Yadav)
ஐபிஎல் 2025 தொடரின் 55வது போட்டி சன் ரைசர்ஸ் ஹைதராபாத் - டெல்லி கேபிடல்ஸ் அணிகளுக்கு இடையே ஹைதராபாத் ராஜீவ் காந்தி மைதானத்தில் நடைபெற்றது. இந்த போட்டி தொடங்கும் முன் சன் ரைசர்ஸ் ஹைதராபாத் 10 போட்டிகளில் 3 வெற்றி, 7 தோல்வியுடன் புள்ளிப்பட்டியலில் 9வது இடத்திலும், டெல்லி கேபிடல்ஸ் 10 போட்டிகளில் 6 வெற்றி, 4 தோல்வியுடன் புள்ளிப்பட்டியலில் 6வது இடத்திலும் இருந்தது.
இந்த போட்டியுடன் இனி விளையாட இருக்கும் அனைத்து போட்டிகளிலும் நல்ல ரன்ரேட்டுடன் வெற்றியை பெற்றால் ப்ளேஆஃப் வாய்ப்பை பெறலாம் என்ற நிலையில் சன் ரைசர்ஸ் அணியும், இந்த போட்டியில் வெற்றி பெற்றால் ப்ளேஆஃப் வாய்ப்பை உறுதிபடுத்தி கொள்ளலாம் என்ற நிலையில் டெல்லி கேபிடல்ஸ் அணியும் களமிறங்கின.