ஐபிஎல் 2025: ப்ளேஆஃப் ரேஸ்.. ரன் குவிக்க திணறிய பேட்ஸ்மேன்கள்! 133 ரன்களில் டெல்லி கேபிடல்ஸை கட்டுப்படுத்திய சன் ரைசர்ஸ்

சன் ரைடசர்ஸ் அணி அதே அணியுடன் களமிறங்கியுள்ளது. டெல்லி கேபிடல்ஸ் அணியில் தமிழ்நாட்டை சேர்ந்த வேகப்பந்து வீச்சாளர் நடராஜன் சேர்க்கப்பட்டுள்ளார்.

மேலும் படிக்க: ஐபிஎல் 2025: அதிகமுறை 400 ரன்கள் அடித்த கேப்டன்கள்.. கோலியை நெருங்கிய ஷ்ரேயாஸ்

சன் ரைசர்ஸ் பவுலிங்

டாஸ் வென்ற சன் ரைசர்ஸ் கேப்டன் பாட் கம்மின்ஸ் பவுலிங்கை தேர்வு செய்தார். இதையடுத்து முதலில் பேட் செய்த டெல்லி கேபிடல்ஸ் 20 ஓவரில் 7 விக்கெட் இழப்புக்கு 133 ரன்கள் எடுத்துள்ளது. அதிகபட்சமாக ட்ரிஸ்டன் ஸ்டப்ஸ் 41, அசுடோஷ் ஷர்மா 41 ரன்கள் எடுத்துள்ளனர்.

சன் ரைசர்ஸ் பவுலர்களில் பாட் கம்மின்ஸ 3 விக்கெட்டுகளை வீழ்த்தியுள்ளார். உனத்கட், ஹர்ஷல் படேல், இஷான் மலிங்கா ஆகியோர் தலா ஒரு விக்கெட் எடுத்துள்ளனர்.

டாப் ஆர்டர் சரிவு

சன் ரைசர்ஸ் கேப்டன் பாட் கம்மின்ஸ் வீசிய ஆட்டத்தின் முதல் பந்திலேயே கருண் நாயர் விக்கெட் கீப்பர் இஷான் கிஷன் வசம் சிக்கி டக் அவுட்டானார். இதைத்தொடர்ந்து டூ பிளெசிஸ் 3, அபிஷேக் போரல் 8, கேஎல் ராகுல் 10, அக்சர் படேல் 6 என அடுத்தடுத்து அவுட்டாகி பெவிலியன் திரும்பினர்.

பவர்ப்ளே ஓவர்களில் டெல்லி கேபிடல்ஸ் 4 முக்கிய விக்கெட்டுகளை இழந்து 26 ரன்கள் மட்டுமே குவித்தது.

மேலும் படிக்க: ஐபிஎல் 2025: கடைசி ஓவர் வரை போராடிய ராஜஸ்தான்.. ஒரு ரன்னில் கொல்கத்தா வெற்றி

ஸ்டப்ஸ் நிதானம்

30 ரன்கள் அடிப்பதற்குள் 5 விக்கெட்டுகளை இழந்திருந்த டெல்லி கேபிடல்ஸ் அணியை தனது நிதான ஆட்டத்தின் மூலம் மீட்டெடுத்தார் ட்ரிஸ்டன் ஸ்டப்ஸ். இவருடன் இணைந்து சிறிய பார்ட்னர்ஷிப் அமைத்த விப்ராஜ் நிகம் 18 ரன்கள் அடித்துவிட்டு அவுட்டானார்.

இதற்கிடையே பொறுப்புடன் பேட் செய்த ட்ரிஸ்டன் ஸ்டப்ஸ் 36 பந்துகளில் 41 ரன்கள் அடித்துவிட்டு அவுட்டானார்.

தாக்கம் ஏற்படுத்திய அசுடோஷ் ஷர்மா

கடைசி கட்டத்தில் இம்பேக்ட் வீரராக களமிறக்கப்பட்ட அசுடோஸ் ஷர்மா, கொஞ்சம் அதிரடி காட்டி கேமியோ இன்னிங்ஸை வெளிப்படுத்தினார். 2 பவுண்டரி, 3 சிக்ஸர்கள் அடித்த அசுடோஷ் ஷர்மா 26 பந்துகளில் 46 ரன்கள் அடித்து டெல்லி கேபிடல்ஸ் கெளரவமான ஸ்கோர் குவிக்க உதவினார்.

துல்லிய பவுலிங்

ஆரம்பத்தில் இருந்தே டெல்லி கேபிடல்ஸ் பேட்ஸ்மன்களுக்கு நெருக்கடி தந்தனர் சன் ரைசர்ஸ் பவுலர்கள். முதல் மூன்று விக்கெட்டுகளை வீழ்த்தி டெல்லி கேபிடல்ஸ் அணிக்கு அழுத்தம் கொடுத்தார்.

மேலும் படிக்க: ஐபிஎல் 2025: நாங்கள் விரும்பும் அனைத்தும் அவரிடம் உள்ளது.. மாத்ரே குறித்து சிஎஸ்கே பயிற்சியாளர் பிளெமிங்

இன்னொரு வேகப்பந்து வீச்சாளரான உனத்கட் டெல்லி பேட்ஸ்மேன்களை ரன் அடிக்க விடாமல் கட்டுப்படுத்தினார். கம்மின்ஸ் 4 ஓவர்களில் 19 ரன்கள் விட்டுக்கொடுத்து 3 விக்கெட்டுகளை வீழ்த்தியதுடன், அதிகபட்சமாக 14 டாட் பந்துகளை வீசினார்.

உனத்கட் 4 ஓவரில் 13 ரன்கள் மட்டும் விட்டுக்கொடுத்து 11 டாட் பந்துகளை வீசினார். இவரது ஓவரில் ஒரு பவுண்டரி, சிக்ஸர் கூட அடிக்கப்படவில்லை.

சன் ரைசர்ஸ் பவுலர்களில் அதிகபட்சமாக ஹர்ஷல் படேல் 4 ஓவரில் 36 ரன்கள் விட்டுக்கொடுத்தார்.