ஐபிஎல் 2025: ப்ளேஆஃப்புக்கான ரேஸில் முந்தப்போவது யார்? பஞ்சாப்பை பழிதீர்க்குமா லக்னோ?ஷ்ரயோஸ் vs பந்த் இடையே இன்று மோதல்

மேலும் படிக்க: ஐபிஎல் 2025: அதிரடியில் மிரட்டிய மாத்ரே, ஜடேஜா.. கைநழுவி போன ஆட்டம்! கடைசி ஓவரில் ஆர்சிபி த்ரில் வெற்றி

பஞ்சாப் கிங்ஸ் முந்தைய போட்டியில் சிஎஸ்கே அணியை உள்ளூர் மைதானமான சேப்பாக்கத்தில் வைத்து வீழ்த்தியது. லக்னோ சூப்பர் ஜெயண்ட்ஸ் முந்தைய போட்டியில் மும்பை இந்தியன்ஸ் அணிக்கு எதிராக தோல்வியை தழுவியது.

பஞ்சாப், லக்னோ ஆகிய இரு அணிகளுக்கும் ப்ளேஆஃப் வாய்ப்பை பெறுவதற்கான முக்கியமான போட்டியாக இன்று நடைபெற இருக்கும் ஆட்டம் அமைந்துள்ளது.

ஸ்டார் வீரர்கள்

பஞ்சாப் கிங்ஸ் அணியில் பார்மில் இருக்கும் பேட்ஸ்மேன்களாக பிரப்சிம்ரன் சிங், ஷ்ரேயாஸ் ஐயர், பிரியான்ஷ் ஆர்யா ஆகியோர் உள்ளார்கள். மிடில் ஆர்டரில் நிலைத்து நின்று ஆடக்கூடிய பேட்ஸ்மேனாக ஷஷாங்க் சிங் உள்ளார். பவுலர்களில் மார்கோ யான்சன், அர்ஷ்தீப் சிங், ஸ்பின்னர் சஹால் ஆகியோர் பேட்ஸ்மேன்களுக்கு நெருக்கடி தருபவர்களாகவும், திருப்புமுனை ஏற்படுத்துபவர்களாகவும் உள்ளார்கள்.

லக்னோ அணியில் மார்க்ரம், மார்ஷ், பூரான் ஆகியோர் அதிரடியில் மிரட்டி வருகிறார்கள். மிடில் ஓவர்களில் இளம் வீரர் ஆயுஷ் பதோனி ரன்குவிப்பில் ஈடுபடும் பேட்ஸ்மேனாக உள்ளார். அப்துல் சமாத் பினிஷிங்கில் அதிரடி காட்டும் பேட்ஸ்மேனாக உள்ளார். பவுலிங்கில் திக்வேஷ் ரதி, மயங்க் யாதவ் ஆகியோர் எதிரணிக்கு தலைவலி தரும் பவுலர்களாக உள்ளார்கள்.

மேலும் படிக்க: ஐபிஎல் 2025: அதிரடியில் தெறிக்கவிட்ட ஷெப்பர்டு.. பெங்களுருவில் சிக்ஸர் மழை.. கடைசி ஓவரில் ரன்கள் ஆர்சிபி குவிப்பு 

பஞ்சாப் கிங்ஸ் - லக்னோ சூப்பர் ஜெயண்ட்ஸ் இதுவரை

இந்த இரு அணிகளும் இதுவரை 5 முறை நேருக்கு நேர் மோதியுள்ளன. இதில் லக்னோ 3, பஞ்சாப் கிங்ஸ் 2 முறை வெற்றி பெற்றுள்ளன. இந்த சீசனில் இரு அணிகளும் மோதிக்கொண்ட முந்தைய போட்டியில் பஞ்சாப் கிங்ஸ் வெற்றி பெற்றது.

பிட்ச் ரிப்போர்ட்

மற்றொரு ரன் குவிப்பு மைதானமாக ஹிமாச்சல பிரதேசத்தில் உள்ள தரம்சாலா இருந்து வருகிறது. பேட்ஸ்மேன்களுக்கு சாதகமாக ஆடுகளம் கடந்த காலங்களிலும் இருந்தபோதிலும், இங்கு நிலவும் சூழல் வேகப்பந்து வீச்சாளர்களுக்கும் கைகொடுத்துள்ளது. டாஸ் வெல்லும் அணி இங்கு சேஸிங்கையை தேர்வு செய்துள்ளது. அதேபோல் இரண்டாவது பேட்டிங் செய்த அணி அதிக வெற்றிகளை குவித்துள்ளன. எனவே இந்த போட்டியில் டாஸ் முக்கிய பங்கு வகிக்கும்

மேலும்படிக்க: ஆர்சிபி அன்புக்கு நெருக்கமான கோப்பை எதுவும் கிடையது.. கோலி பேச்சு

பஞ்சாப் கிங்ஸ் உத்தேச அணி: பிரியான்ஷ் ஆர்யா, பிரப்சிம்ரன் சிங், ஷ்ரேயாஸ் ஐயர் (கேப்டன்), நேஹல் வதேரா, ஷஷாங்க் சிங், 6 ஜோஷ் இங்கிலிஸ் (விக்கெட் கீப்பர்), மார்கோ யான்சன், சூர்யான்ஷ் ஷெட்ஜ், அஸ்மத்துல்லா ஓமர்சாய், ஹர்பிரீத் பிரார், அர்ஷ்தீப் சிங்

இம்பேக்ட் வீரர் - யஸ்வேந்திர சஹால்

லக்னோ சூப்பர் ஜெயண்ட்ஸ் உத்தேச அணி: ஐடன் மார்க்ரம், மிட்செல் மார்ஷ், நிக்கோலஸ் பூரன், ரிஷப் பந்த் (கேப்டன் மற்றும் விக்கெட் கீப்பர்), ஆயுஷ் பதோனி, அப்துல் சமத், மயங்க் யாதவ், ரவி பிஷ்னோய், திக்வேஷ் ரதி, அவேஷ் கான், பிரின்ஸ் யாதவ்

இம்பேக்ட் வீரர் - டேவிட் மில்லர்

இன்றைய நாளின் இரண்டாவது போட்டியாக நடைபெற இருக்கும் பஞ்சாப் கிங்ஸ் - லக்னோ சூப்பர் ஜெயண்ட்ஸ் இடையிலான ஆட்டம் இரவு 7.30 மணிக்கு தொடங்குகிறது. இந்த போட்டியை ஸ்டார் ஸ்போர்ட்ஸ் மற்றும் ஜியோஸ்டாரில் கண்டு ரசிக்கலாம்.