ஐபிஎல் 2025: ஓபனிங், மிடில் ஓவர், பினிஷ்ங்கில் விடாது அதிரடி காட்டிய மும்பை பேட்ஸ்மேன்கள்.. லக்னோவுக்கு சவாலான இலக்கு

மேலும் படிக்க: ஐபிஎல் 2025: கேப்டனா நடந்துக்கோ.. அக்சர் படேல் - தினேஷ் கார்த்திக் இடையே நடந்த உரையாடல்

லக்னோ பவுலிங்

இந்த போட்டியில் டாஸ் வென்ற லக்னோ சூப்பர் ஜெயண்ட்ஸ் கேப்டன் ரிஷப் பந்த் பவுலிங்கை தேர்வு செய்தார். இதையடுத்து முதலில் பேட் செய்த மும்பை இந்தியன்ஸ் 20 ஓவரில் 7 விக்கெட் இழப்புக்கு 215 ரன்கள் எடுத்துள்ளது.

அதிகபட்சமாக ரிக்கெல்டன் 58, சூர்யகுமார் யாதவ் 54 ரன்கள் எடுத்துள்ளனர். லக்னோ பவுலர்களில் மயங்க் யாதவ், ஆவேஷ் கான் ஆகியோர் தலா 2 விக்கெட்டுகளை வீழ்த்தியுள்ளனர். பிரின்ஸ் யாதவ், திக்வேஷ் ரதி, ரவி பிஷ்னோய் ஆகியோர் தலா ஒரு விக்கெட் எடுத்துள்ளனர்.

ரிக்கெல்டன் அரைசதம்

மும்பை இந்தியன்ஸ் அணிக்கு கடந்த சில போட்டிகளில் அதிரடியான தொடக்கத்தை தந்து வந்த ரியான் ரிக்கெல்டன், இந்த போட்டியிலும் அதை தொடர்ந்ததுடன் அரைசதமும் அடித்தார்.

மேலும் படிக்க: ஐபிஎல் 2025: தொடர் மழை.. ஒரு ஓவருடன் தடைப்பட்ட ஆட்டம்.. கொல்கத்தா, பஞ்சாப் அணிகளுக்கு தலா ஒரு புள்ளி

மற்றொரு ஓபனரான ரோஹித் ஷர்மா 2 சிக்ஸர்களை பறக்க விட்டு 12 ரன்னில் அவுட்டானார். பவர்ப்ளே ஓவர்களில் மும்பை இந்தியன்ஸ் ஒரு விக்கெட் இழப்புக்கு 66 ரன்கள் எடுத்தது.

சிறப்பாக பேட் செய்த ரிக்கெல்டன் 25 பந்துகளில் அரைசதமடித்து, இந்த சீசனில் மும்பை இந்தியன்ஸ் அணிக்காக அதிவேகமாக அரைசதமடித்தார். 6 பவுண்டரி, 4 சிக்ஸர்களுடன் 32 பந்துகளில் 58 ரன்கள் அடித்து அவுட்டானார்.

சூர்யகுமார் அதிரடி

மூன்றாவது பேட்ஸ்மேனாக களமிறங்கிய வில் ஜாக்ஸ் 29 ரன்கள் என பங்களிப்பு அளித்துவிட்டு அவுட்டானார். இவரை தொடர்ந்து பேட் செய்த சூர்யகுமார் யாதவ் தனது பேட்டிங் பார்மை தொடர்ந்தார். வழக்கம்போல் மைதானத்தின் அனைத்து திசைகளிலும் பவுண்டரி, சிகஸர்களை அடித்தார். 27 பந்துகளில் அரைசதமடித்த சூர்யகுமார் 4 பவுண்டரி, 4 சிக்ஸருடன் 54 ரன்கள் அடித்து தனது விக்கெட்டை பறிகொடுத்தார்.

இதற்கிடையே பார்மில் இருக்கும் பேட்ஸ்மேன்களான திலக் வர்மா 6, ஹர்திக் பாண்டியா 5 ரன்னில் அவுட்டாகி வெளியேறினர்.

நமன் திர், போஷ் கேமியோ

கடைசி கட்டத்தில் கேமியோ இன்னிங்ஸை வெளிப்படுத்திய நமன் திர், கார்பின் போஷ் ஆகியோர் மாறி மாறி பவுண்டரி, சிக்ஸர்கள் அடித்து நல்ல பினிஷிங்கை கொடுத்தனர். நமன் திர் 11 பந்துகளில் 25, கோர்பின் போஷ் 10 பந்துகளில் 20 ரன்கள் அடித்து அவுட்டாகமல் உள்ளனர்.

மேலும் படிக்க: ஐபிஎல் 2025: கோடிகள் புரளும் ஐபிஎல்.. போட்டிகள் முடிவை மாற்றக்கூடிய அம்பயர்கள் பெறும் சம்பழம் எவ்வளவு தெரியுமா?

லக்னோ பவுலர்களில் அனைவரும் 40 ரன்களுக்கு மேல் ரன்களை விட்டுக்கொடுத்தனர். வேகப்பந்து வீச்சாளர் மயங்க் யாதவ் மட்டும் அதிகப்படியாக 12 டாட் பந்துகளை வீசியுள்ளார்.