India vs South Africa: யு-19 மகளிர் டி20 உலகக் கோப்பை கிரிக்கெட்.. சாம்பியன் பட்டத்தை தக்க வைத்தது இந்தியா!
India vs South Africa: U19 மகளிர் டி 20 உலகக் கோப்பை இறுதிப் போட்டியில் இந்தியா மற்றும் தென்னாப்பிரிக்கா இடையே மோதல் பரபரப்பாக இருந்தது. முதலில் விளையாடிய தென்னாப்பிரிக்கா 82 ரன்களில் சரணடைந்தது.
India vs South Africa: ஐசிசி யு-19 மகளிர் உலகக் கோப்பை டி20 கிரிக்கெட்டில் ஃபைனலில் இந்திய மகளிர் யு-19 அணி, தென்னாப்பிரிக்கா அணியை வீழ்த்தியது. 11.2 ஓவர்களில் இலக்கை எட்டி வெற்றி அடைந்தது. இந்திய அணி 9 விக்கெட் வித்தியாசத்தில் ஜெயித்தது. தொடர்ந்து 2வது முறையாக யு-19 மகளிர் உலகக் கோப்பை டி20 சாம்பியன் பட்டத்தை வென்றுள்ளது இந்திய மகளிர் அணி. வெற்றி பெற்ற அணிக்கு ஐசிசி தலைவர் ஜெய் ஷா கோப்பையை வழங்கி சிறப்பித்தார்.
டாஸ் வென்ற தென்னாப்பிரிக்கா அணி, நிர்ணயிக்கப்பட்ட 20 ஓவர்களில் அனைத்து விக்கெட்டுகளையும் இழந்து 82 ரன்களை மட்டுமே எடுத்தது. 83 ரன்கள் எடுத்தால் வெற்றி என்ற எளிய இலக்குடன் களமிறங்கியது இந்திய யு-19 மகளிர்.
ஓபனிங்கில் இறங்கிய கமாலினி 8 ரன்களில் ஆட்டமிழக்க, த்ரிஷாவும், சனிகாவும் நிதானமாக விளையாடி அணியை வெற்றிப் பாதைக்கு அழைத்துச் சென்றனர். த்ரிஷா 44 ரன்களும், சனிகா 26 ரன்களும் விளாசினர்.