ஐசிசி சாம்பியன்ஸ் டிராபி 2025: கிங் இஸ் பேக்..சதத்துடன் பினிஷ் செய்த கோலி.. நாக்அவுட் ஆகிய பாகிஸ்தான்

ரோஹித் அதிரடி தொடக்கம்

இந்திய அணிக்கு வழக்கம் போல் அதிரடியான தொடக்கத்தை ரோஹித் ஷர்மா கொடுத்தார். அடுத்தடுத்து மூன்று பவுண்டரி, ஒரு சிக்ஸர் அடித்த 15 பந்துகளில் 20 ரன்கள் எடுத்துவிட்டு அப்ரிடி பந்தில் கிளீன் போல்டு ஆகி வெளியேறினார். ரோஹித் ஷர்மா அவுட்டாகும்போது அணியின் ஸ்கோர் 4.6 ஓவரில் 31 ரன்கள் என்று இருந்தது.

கோலி சதம்

இந்த போட்டியில் தொடக்கத்தில் இருந்து நிதானத்தை கடைப்பிடித்து விளையாடி வந்தார் கோலி. ரோஹித் அவுட்டான பிறகு அணியின் மற்றொரு ஓபனர் கில்லுடன் இணைந்த விராட் கோலி பொறுமையாக ரன் குவிப்பில் ஈடுபட்டார். இருவரும் சேர்ந்து அவ்வப்போது பவுண்டரிகளை விளாசவும் தவறவில்லை. இந்த கூட்டணி 69 ரன்கள் பார்ட்னர்ஷிப் அமைத்தது. சிறப்பாக பேட் செய்த கில் 46 ரன்கள் அடித்துவிட்டு அப்ரார் அகமது பந்தில் போல்டாகி வெளியேறினார்.

மேலும் படிக்க: டெஸ்ட் கிரிக்கெட்டில் 9 ஆயிரம் ரன்களை கடந்த விராட் கோலி

இதன் பிறகு பேட் செய்ய வந்த ஷ்ரேயாஸ் ஐயர் நல்ல பார்மில் இருந்து வரும் நிலையில், தனது பாணியிலான ஆட்டத்தை வெளிப்படுத்தி விரைவாக ரன் குவிப்பில் ஈடுபட்டார். அத்துடன் தனது 21வது அரைசதத்தை பூர்த்தி செய்த ஷ்ரேயாஸ் ஐயர், 56 ரன்கள் எடுத்து தனது விக்கெட்டை பறிகொடுத்தார்.

இதற்கிடையே விராட் கோலி அரைசதத்தை கடந்து மெல்ல மெல்ல ரன்களை சேர்த்தார். இறுதியில் பவுண்டரியுடன் சதமடித்த கோலி, ஆட்டத்தையும் பினிஷ் செய்தார். நீண்ட இடைவெளிக்கு பிறகு ஒரு நாள் போட்டியில் கோலி அடித்திருக்கும் இந்த சதம் ஸ்பெஷலாக அமைந்துள்ளது. சதமடித்த விராட் கோலிக்கு ஆட்டநாயகன் விருது வழங்கப்பட்டது. கோலி தனது இன்னிங்ஸில் 111 பந்துகளில் 100 ரன்கள் அடித்ததோடு, 7 பவுண்டரிகளை விளாசினார்.

மேலும் சாதனை: சர்வதேச கிரிக்கெட்டில் 30ஆயிரம் ரன்களை கடந்து சச்சின் டென்டுல்கர் சாதனை

சச்சின் சாதனை சமன்

இந்த போட்டியில் கோலி அடித்திருக்கும் சதம், ஒரு நாள் போட்டிகளில் அவர் அடித்திருக்கும் 51வது சதமாகும். இதன் மூலம் அதிக சதம் அடித்த வீரர்களில் ஜாம்பவான் வீரர் சச்சின் டென்டுல்கர் சாதனையை சமன் செய்துள்ளார். அத்துடன் இந்த போட்டியில் 14 ஆயிரம் ரன்களை கடந்த கோலி, ஒரு நாள் போட்டிகளில் அதிக ரன்களை அடித்திருக்கும் மூன்றாவது வீரர் என்ற இடத்துக்கு முன்னேறினார்.