ஐசிசி சாம்பியன்ஸ் டிராபி 2025: குல்தீப், வருண் சக்கரவர்த்தி சுழலில் சிக்கிய நியூசி., இந்தியாவுக்கு 252 ரன்கள் இலக்கு

டாஸ் ஜெயித்த நியூசிலாந்து அணி முதலில் பேட்டிங்கை தேர்வு செய்தது. இதையடுத்து இந்தியா பந்து வீசியது. தொடக்க வீரராக களம் புகுந்த வில் யங், 15 ரன்களிலும், ரச்சின் ரவீந்திரா 37 ரன்களிலும் ஆட்டமிழந்தனர். நியூசிலாந்து வீரர் பிரேஸ்வெல் அரை சதம் விளாசினார். 53 ரன்கள் எடுத்து ஆட்டமிழக்காமல் இருந்தார்.

கேன் வில்லியம்சன் 11 ரன்னில் நடையைக் கட்டினார். அடுத்து வந்த டாரில் மிட்செல் மட்டும் நிதானமாக விளையாடிய அரை சதம் பதிவு செய்தார். அவர் 63 ரன்கள் எடுத்திருந்தபோது ஷமி பந்துவீச்சில் ரோஹித் சர்மாவிடம் கேட்ச் ஆனார். விக்கெட் கீப்பர் டாம் லாதம் 14 ரன்னிலும், கிலென் பிலிப்ஸ் 34 ரன்னிலும் நடையைக் கட்டினர். 10 ஓவர்கள் வீசிய வருண் சக்கரவர்த்தி 45 ரன்களை விட்டுக் கொடுத்து 2 விக்கெட்டுகளை அள்ளினார்.

மேலும் படிக்க | ஐசிசி சாம்பியன்ஸ் டிராபி 2025 பைனல் நேரலை : ‘கோப்பை யாருக்கு?’ இந்தியா - நியூசிலாந்து பைனல் ஸ்கோர் நேரலை!

ஜடேஜா 10 ஓவர்கள் வீசி 30 ரன்களை விட்டுக் கொடுத்து 1 விக்கெட்டை எடுத்தார். குல்தீப் 10 ஓவர்கள் வீசி 40 ரன்கள் விட்டுக் கொடுத்து 2 விக்கெட்டுகளை சுருட்டினார். வருண் சக்கரவர்த்தி 10 ஓவர்கள் வீசிவிட்டு காயம் காரணமாக ஓய்வெடுக்க சென்று விட்டார். அவருக்கு பதில், வாஷிங்டன் சுந்தர் ஃபீல்டிங் செய்தார்.

மெல்போர்னில் நடந்த 2015 ஐசிசி கிரிக்கெட் உலகக் கோப்பை இறுதிப் போட்டியில் ஆஸ்திரேலியாவுக்கு எதிராக 12 ரன்கள், லண்டனில் நடந்த 2019 ஐசிசி கிரிக்கெட் உலகக் கோப்பை இறுதிப் போட்டியில் இங்கிலாந்துக்கு எதிராக 30 ரன்கள், துபாயில் இந்தியாவுக்கு எதிராக வெறும் 11 ரன்கள் எடுத்தது என மூன்று ஐசிசி ஒருநாள் இறுதிப் போட்டிகளில், வில்லியம்சன் மிகவும் மோசமான பதிவைக் கொண்டுள்ளார்.

மேலும் படிக்க | ஐசிசி சாம்பியன்ஸ் டிராபி 2025: டாஸ் வென்றது நியூசிலாந்து.. முதலில் இந்தியா பந்துவீச்சு

டாஸில் ராசியில்லாத கேப்டன்!

ஒருநாள் வரலாற்றில் அதிக எண்ணிக்கையிலான டாஸ்களை இழந்ததற்கான மோசமான சாதனையை ரோஹித் சர்மா பெற்றுள்ளார். தொடர்ச்சியாக 12வது முறையாக டாஸில் ரோஹித்துக்கு லக் இல்லாமல் போனது.

"சேஸிங் செய்வதில் எனக்கு எந்த ஆட்சேபனையும் இல்லை, அது ஒரு நல்ல பிட்ச் - இதில் பெரிய மாற்றம் எதுவும் இல்லை - நாம் முதலில் பந்து வீச வேண்டும் & அவர்களை எப்படி கட்டுப்படுத்துவது என்பதில் மட்டுமே கவனம் செலுத்த வேண்டும்" என்று ரோஹித் சர்மா டாஸ் வென்ற பிறகு கூறியிருந்தார்.

மேலும் படிக்க | ஐசிசி சாம்பியன்ஸ் டிராபி 2025: ரோஹித் சர்மா தொடர்ந்து 12-வது முறையாக டாஸில் தோல்வி

பிளேயிங் லெவன்

நியூசிலாந்து: வில் யங், ரச்சின் ரவீந்திரா, கேன் வில்லியம்சன், டேரில் மிட்செல், டாம் லாதம், க்ளென் பிலிப்ஸ், மைக்கேல் பிரேஸ்வெல், மிட்செல் சாண்ட்னர் (கேப்டன்), கைல் ஜேமிசன், வில்லியம் ஓர்ர்க், நாதன் ஸ்மித்.

இந்தியா: ரோஹித் சர்மா (கேப்டன்), சுப்மன் கில், விராட் கோலி, ஸ்ரேயாஸ் ஐயர், அக்சர் படேல், கே.எல்.ராகுல் (விக்கெட் கீப்பர்), ஹர்திக் பாண்டியா, ரவீந்திர ஜடேஜா, முகமது ஷமி, குல்தீப் யாதவ், வருண் சக்கரவர்த்தி.