ஐசிசி சாம்பியன்ஸ் டிராபி 2025: நியூசிலாந்துக்கு அரையிறுதிக்கான நுழைவாயில்.. வங்கதேசத்துக்கு தப்பிபப்தற்கான ஒரே வழி

இன்று நடைபெறும் போட்டியில் வங்கதேச அணியை வீழ்த்தினால் தொடரில் அரையிறுதி வாய்ப்பு உறுதி செய்து விடலாம் என்கிற ரீதியில் போட்டியில் களமிறங்குகிறது.

மேலும் படிக்க: இந்தியாவை சொந்த மண்ணில் ஒயிட் வாஷ்.. வரலாறு படைத்த நியூசிலாந்து

பேட்டிங்கில் முன்னேற்றம் தேவை

வங்கதேசம் அணியை பொறுத்தவரை சமீப காலமாக ஒரு நாள் போட்டியில் பெரிதான தாக்கத்தை ஏற்படுத்தும் விதமான ஆட்டத்தை வெளிப்படுத்தவில்லை. இந்தியாவுக்கு எதிரான போட்டியில் 35 ரன்களுக்கு 5 விக்கெட்டுகளை இழந்து தடுமாறியது. இருப்பினும் ஜாக்கர் அலி 68, டவுஹித் ஹிரிதோய் சதத்தால் அணி சரிவில் இருந்து மீண்டது. எனவே தரமான பவுலிங்கை கொண்டிருக்கும் நியூசிலாந்துக்கு எதிராக வங்கதேசம் பேட்டிங்கில் முன்னேற்றம் கண்டால் மட்டுமே இந்த ஆட்டம் இரு அணிகளுக்கும் இடையே கடுமையான போட்டியாக நிலவும்.

அதேபோல் வங்கதேச அணியின் மற்றொரு பலமாக அணியின் ஸ்பின்னர்கள் உள்ளார்கள். நியூசிலாந்து அணியிலும் மூன்று ஸ்பின்னர்கள் இருந்தாலும், முதல் போட்டியில் கேப்டன் சாண்ட்னர் மட்டுமே விக்கெட்டுகளை வீழ்த்தினார். அத்துடன் அதிக ரன்களையும் வாரி வழங்கினார்.

மேலும் படிக்க: ஆசிய கோப்பையில் இந்திய யு19 அணியை வீழ்த்தி வங்கதேசம் யு19 சாம்பியன்

பிட்ச் நிலவரம்

ராவல்பிண்டி மைதானம் பேட்ஸ்மேன்களின் சொர்க்கபுரியாகவே இருந்துள்ளது. இருப்பினும் ஸ்பின்னர்களை காட்டிலும் வேகப்பந்து வீச்சாளர்கள் சாதித்துள்ளார்கள். அந்த வகையில் புதிய பந்து பேட்ஸ்மேன்களுக்கு சவால் அளிக்ககூடியதாக இருக்கும் என கூறப்பட்டுள்ளது. இரவுக்கு பின்னர் வெப்பநிலை வெகுவாக குறையும் என கூறப்பட்டிருக்கும் பனிப்பொலிவுக்கு வாய்ப்பு இருக்கிறது. எனவே டாஸ் முக்கிய பங்கு வகிக்கும் என தெரிகிறது.

வங்கதேசம் - நியூசிலாந்து இதுவரை

இந்த இரு அணிகளும் 45 முறை இதுவரை நேருக்கு நேர் மோதியுள்ளன. இதில் நியூசிலாந்து 33, வங்கதேசம் 11 முறை வெற்றி பெற்றுள்ளன. ஒரு போட்டி முடிவு இல்லை. கடைசியாக இந்த இரு அணிகள் மோதிக்கொண்ட போட்டியில் வங்கதேசம் வெற்றி பெற்றுள்ளது.

இந்தியாவுக்கு எதிராக முதல் போட்டியில் துபாயில் விளையாடிய வங்கதேசம், தற்போது இரண்டாவது போட்டியை பாகிஸ்தானில் உள்ள ராவல்பிண்டியில் விளையாட இருக்கிறது.