Rohit Sharma: டி20 இறுதிப்போட்டி..மனதில் ஏற்பட்ட வெறுமை, பீதியை கடந்து திருப்புமுனை ஏற்படுத்திய சம்பவம் - ரோஹித் பதில்

இந்த வெற்றியை நாடு முழுவதும் பெரும் கொண்டாட்டமாக ரசிகர்கள் கொண்டாடி தீர்த்துவிட்ட நிலையில், டி20 உலகக் கோப்பை தொடரில் விளையாடிய வீரர்கள் தங்களது விடுமுறையை கொண்டாட குடும்பத்துடன் வெளிநாடு சென்றுள்ளார்கள்.

இந்திய அணியின் கேப்டனான ரோஹித் ஷர்மாவும், தனது மனைவி மற்றும் மகளுடன் விடுமுறையை கொண்டாட வெளிநாடு சென்றுள்ளார். இதையடுத்து டி20 உலகக் கோப்பை இறுதிப்போட்டியில் தென் ஆப்பரிக்காவுக்கு 30 பந்துகளில் 30 ரன்கள் தேவை என்று ஆட்டம் கிட்டத்தட்ட கைமீறி போயிருந்த நிலையில், சிறப்பான ஆட்டத்தால் கம்பேக் கொடுத்து கோப்பை தூக்கிய திக் திக் தருணத்தின் போது அணியினர் மனநிலை எப்படி இருந்தது என்பதை ரோஹித் ஷர்மா தெரிவித்துள்ளார்.

வெறுமையாக இருந்தது

இதுதொடர்பாக அவர் கூறியதாவது, " அந்த சமயத்தில் மனதில் எதுவும் ஓடாமல் வெறுமையாக இருந்தது. அப்போது நான் மிகவும் ஆழமாக சிந்திக்கவில்லை. இந்த நேரத்தில் தங்கி, கையில் இருக்கும் விஷயத்தில் கவனம் செலுத்துவது மிகவும் முக்கியம் என கருதினேன்.

அந்த நேரத்தில் அனைவரும் அமைதியுடன் எங்களது திட்டங்களை செயல்படுத்த முயற்சிப்பது மிகவும் முக்கியமானதாக இருந்தது.

தென் ஆப்பிரிக்காவுக்கு 30 பந்துகளில் 30 ரன்கள் தேவைப்பட்டபோது நாங்கள் மிகுந்த அழுத்தம் ஏற்பட்டது.

பீதி அடையவில்லை

அந்த நேரத்தில் வீசப்பட்ட ஐந்து ஓவர்களில் வீரர்கள் அனைவரும் அமைதியான மனநிலையுடன் செயல்பட்டோம் இருந்தோம் என்பதை. எங்கள் வேலையில் மட்டுமே கவனம் செலுத்தினோம், வேறு எதையும் பற்றி அதிகம் சிந்திக்கவில்லை. நாங்கள் எந்தவொரு தருணத்திலும் பீதி அடையவில்லை. அது சிறப்பாக அமைந்ததுடன் வெற்றியை பெற்று தந்தது"

இவ்வாறு ரோஹித் ஷர்மா கூறியுள்ளார்.

ஒரு நாள், டெஸ்ட் போட்டிகளில் தொடரும் ரோஹித்

டி20 உலகக் கோப்பை வென்ற கையோடு டி20 போட்டிகளில் இருந்து ஓய்வை அறிவித்தார் ரோஹித் ஷர்மா. அவருக்கு முன்னதாக இதற்கு ஆரம்ப புள்ளியாக விராட் கோலி இருந்தார். இவர்தான் முதலில் தனது ஓய்வை அறிவித்தார். கோலியை தொடர்ந்து ரோஹித் ஷர்மா, ரவீந்திர ஜடேஜா ஆகியோரும் அறிவித்தினார்.

டி20 போட்டிகளில் இருந்து ஓய்வு பெற்றாலும் இன்னும் சில காலம் டெஸ்ட், ஒரு நாள் போட்டிகளில் என்னை காணலாம் என 37 வயதாகும் ரோஹித் ஷர்மா கூறியுள்ளார்.

இதற்கிடையே எதிர்வரும் உலக டெஸ்ட் சாம்பியன்ஷிப் சுழற்சி மற்றும் சாம்பியன்ஸ் டிராபி கோப்பை வரை இந்திய அணியின் கேப்டனாக ரோஹித் ஷர்மா நீடிப்பார் என பிசிசிஐ செயலாளர் ஜெய்ஷா தெரிவித்துள்ளார். சாம்பியன்ஸ் டிராபி கோப்பை அடுத்த ஆண்டு பிப்ரவரி - மார்ச் மாதத்தில் நடைபெற இருக்கிறது.

ரோஹித் ஷர்மா இந்தியாவுக்காக 159 டி20 போட்டிகளில் விளையாடி 4231 ரன்கள் அடித்துள்ளார். இதில் 5 சதங்கள், 32 அரைசதங்கள் ஆகும்

சமூக வலைத்தளங்களில் எங்களை பின் தொடலாம். லிங்க்குகள் கீழே கொடுக்கப்பட்டு உள்ளன:

Twitter: https://twitter.com/httamilnews 

Facebook" https://www.facebook.com/HTTamilNews 

You Tube: https://www.youtube.com/@httamil 

Google News: https://tamil.hindustantimes.com/