GG women vs MI Women: ஐந்து பேர் மட்டும் இரட்டை இலக்க ரன்கள் - குஜராத் பேட்டர்கள் நன்கு கட்டுப்படுத்திய மும்பை பவுலர்கள்

மும்பை இந்தியன்ஸ் மகளிர் அணி ஒரே போட்டியில் மட்டும் விளையாடி இருக்கும் நிலையில், அதில் தோல்வியை தழுவியுள்ளது. எனவே இந்த சீசனில் தனது வெற்றி கணக்கை தொடங்கும் முனைப்புடன் மும்பை இந்தியன்ஸ் மகளிர் போட்டியில் இந்த போட்டியில் களமிறங்குகிறது.

மும்பை பவுலிங்

இந்த போட்டியில் டாஸ் வென்ற மும்பை இந்தியன்ஸ் மகளிர் கேப்டன் ஹர்மன்ப்ரீத் கெளர் பவுலிங்கை தேர்வு செய்தார். இதையடுத்து முதலில் பேட் செய்த குஜராத் ஜெயன்ட்ஸ் அணி 20 ஓவரில் அனைத்து விக்கெட்டுகளையும் இழந்து 120 ரன்கள் மட்டுமே எடுத்தது. அதிகபட்சமாக ஹர்லீன் தியோல் 32, காஷ்வி கௌதம் 20 ரன்கள் எடுத்தனர்.

மும்பை பவுலர்கள் முக்கிய பவுலர்கள் சிறப்பாக பந்து வீசிய நிலையில் ஹேலி மேத்யூஸ் 3 விக்கெட்டுகளை கைப்பற்றினார். நாட் ஸ்கைவர்-பிரண்ட், அமெலியா கெர் ஆகியோர் தலா 2 விக்கெட்டுகளை வீழ்த்தினர்.

மேலும் படிக்க: மகளிர் ப்ரீமியர் லீக் இந்த அணிகளுக்கு எதிராக தோல்வியே சந்திக்காத மும்பை இந்தியன்ஸ்

குஜராத் பேட்டிங் சொதப்பல்

மூன்றாவது போட்டியில் விளையாடும் குஜராத் அணி ஒரு வெற்றி, ஒரு தோல்வி பெற்று இந்த போட்டி தொடங்கும்போது புள்ளிப்பட்டியலில் இரண்டாவது இடத்தில் இருக்கிறது. இதையடுத்து அந்த அணியின் டாப் ஆர்டர் அடுத்தடுத்து அவுட்டாகி பெவிலியன் திரும்பி ஏமாற்றம் அளித்தனர்.

பவர்ப்ளே முடிவதற்குள் 28 ரன்களுக்கு 4 விக்கெட்டுகளை இழந்து குஜராத் அணி தடுமாறி நிலையில், சிறிய பார்ட்னர்ஷிப் அமைத்து ஹர்லீன் தியோல் - காஷ்வி கௌதம் ஆகியோர் மீட்டனர்.

இந்த ஜோடி நீண்ட நேரம் நிலைத்து விளையாடவில்லை. இருப்பினும் காஷ்வி கெளதம் 20 ரன்கள் அளித்து பங்களிப்பு செய்தார். பொறுமையாக பேட் செய்து மெதுவாக ரன்களை எடுத்து வந்த ஹர்லீன் தியோல் 31 பந்துகளஇல் 32 ரன்கள் அடித்து தனது விக்கெட்டை பறிகொடுத்தார். குஜராத் அணியில் மொத்தம் ஐந்து பேட்ஸ்மேன்கள் மட்டும் இரட்டை இலக்கத்தில் ரன்கள் அடித்தனர்.

குஜராத் ஜெயன்ட்ஸ் பேட்டிங்கில் மொத்தம் 2 சிக்ஸர்கள் மட்டும் பறக்கவிடப்பட்டன. அத்துடன் 14 பவுண்டரிகள் அடிக்கப்பட்டன.\

மேலும் படிக்க: சிறப்பான ஆட்டத்துடன் யுபி வாரியர்ஸ் அணியை வீழ்த்திய குஜராத் ஜெயன்ட்ஸ்

மிரட்டிய மும்பை மகளிர் பவுலர்கள்

ஆட்டத்தின் தொடக்கம் முதலே குஜராத் பேட்ஸ்மேன்களுக்கு சரியான நெருக்கடி கொடுத்தனர் மும்பை இந்தியன்ஸ் மகளிர் பவுலர்கள். 4 ஓவர்களில் 16 ரன்கள் மட்டும் விட்டுக்கொடுத்த ஹேலி மேத்யூஸ் 3 விக்கெட்டுகளை கைப்பற்றினார்.

அதேபோல் நாட் ஸ்கைவர்-பிரண்ட் 4 ஓவரில் 26 ரன்களுக்கு 2 விக்கெட்டும், அமெலியா கெர் 4 ஓவர்களில் 22 ரன்களுக்கு 2 விக்கெட்டும் எடுத்தனர். ஷப்னிம் இஸ்மாயில் 4 ஓவரில் ஒரு மெய்டன், 17 ரன்கள் விட்டுக்கொடுத்து ஒரு விக்கெட்டை எடுத்தார்.