வகையினம்

தமிழ் செய்திகள் / கிரிக்கெட் / Ht Sports Special: ஸ்விங் கிங் ஃபேனி டி வில்லியர்ஸ் தெரியுமா? ஆஸி., வீரர்கள் கள்ளத்தனத்தை வெளிச்சம் போட்டு காட்டியவர்

HT Sports Special: ஸ்விங் கிங் ஃபேனி டி வில்லியர்ஸ் தெரியுமா? ஆஸி., வீரர்கள் கள்ளத்தனத்தை வெளிச்சம் போட்டு காட்டியவர்

Muthu Vinayagam Kosalairaman HT Tamil Published Oct 13, 2023 05:40 AM IST

எங்களை பின் தொடரலாம்

Muthu Vinayagam Kosalairaman HT Tamil

Published Oct 13, 2023 05:40 AM IST

தென்ஆப்பரிக்கா அணியின் வேகப்பந்து வீச்சாளர், ஸ்விங் கிங் என்று அழைக்கப்பட்டவர் ஃபேனி டி வில்லியர்ஸ். டெஸ்ட் போட்டிகளில் பந்து ரிவர்ஸ் ஸ்விங் ஆவதற்காக ஆஸ்திரேலியா வீரர்கள் மேற்கொண்ட கள்ளத்தனத்தை வெளிச்சம் போட்டிய காட்டிய புகழ் இவரையை சேரும்

ஆஸ்திரேலியாவின் கள்ளத்தனத்தை வெளிப்படுத்திய தென்ஆப்பரிக்காவின் முன்னாள் வேகப்பந்து வீச்சாளர் ஃபேனி டி வில்லியர்ஸ்

எங்களை பின் தொடரலாம்

தென்ஆப்பரிக்கா அணிக்காக 1992 முதல் 1998 வரை டெஸ்ட், ஒரு நாள் போட்டிகளில் விளையாடிவர் ஃபேனி டி வில்லியர்ஸ். வேகப்பந்து வீச்சாளரான இவர், பந்தை நன்கு ஸ்விங் செய்வதிலும் வல்லவராக இருந்துள்ளார்.

முதன் முதலில் தென்ஆப்பரிக்காவுக்காக ஒரு நாள் போட்டியில் களமிறங்கிய இவர், பின்னர் ஆஸ்திரேலியாவுக்கு எதிரான அந்நிய மண் டெஸ்ட் தொடரில் அறிமுகமானார். முதல் தொடரிலேயே சிறந்த தாக்கத்தை ஏற்படுத்தும் விதமாக விளையாடி ஒரு போட்டியில் அணியின் வெற்றிக்கு முழுமையான பங்களிப்பை அளித்தார்.

சிட்னி மைதானத்தில் நடைபெற்ற டெஸ்ட் போட்டியில் ஆஸ்திரேலியாவுக்கு வெறும் 117 ரன்களே இலக்கை நிர்ணயிக்கப்பட்டிருந்த நிலையில், தனது அற்புதமான பவுலிங்கால் 6 விக்கெட்டுகளை வீழ்த்திய தென்ஆப்பரிக்கா அணியை 5 ரன்களில் வெற்றி பெற வைத்தார்.

இதேதொடரில் அடிலெய்டில் நடைபெற்ற டெஸ்ட் போட்டியில் பவுலிங் செய்ய முடியாத நிலையில், நைட் வாட்ச்மேனாக பேட் செய்த ஃபேனி டி வில்லியர்ஸ் 198 நிமிடங்கள் வரை களத்தில் நின்று 30 ரன்கள் எடுத்தார். துர்தஷ்டவசமாக இந்தப் போட்டியில் தென்ஆப்பரிக்கா தோல்வியை தழுவியது.

1994இல் பாகிஸ்தானுக்கு எதிரான உள்ளூர் டெஸ்ட் தொடர், இவர் உச்சம் தொட்ட தொடராக அமைந்தது. 5 டெஸ்ட் போட்டிகளில் 17.47 சராசரியில் 36 விக்கெட்டுகளை வீழ்த்தி மிரட்டினார். அத்துடன் ஒரு போட்டியில் அரைசதம் விளாசி 10 விக்கெட்டுகளையும் வீழ்த்தினார். இதை செய்த முதல் தென் ஆப்பரிக்கா வீரர் என்ற பெருமையும் பெற்றார்.

18 டெஸ்ட், 83 ஒருநாள் என மொத்தம் 99 சர்வதேச போட்டிகளில் விளையாடியிருக்கும் ஃபேனி டி வில்லியர்ஸ், டெஸ்டில் 85, ஒரு நாளில் 95 என 180 விக்கெட்டுகளை வீழ்த்தியுள்ளார். எகானமியை பொறுத்தவரை முறையே டெஸ்டில் 2.57, ஒரு நாள் போட்டிகளில் 3.57 என மிகவும் சிக்கனமான பவுலராக இருந்துள்ளார். ஓரளவு பேட்டிங்கும் செய்யக்கூடிய இவர் கடைசி கட்டத்தில் களமிறங்கி அணிக்கு தேவையான பங்களிப்பை பேட்டிங்கிலும் தந்துள்ளார்

கிரிக்கெட்டில் இருந்து ஓய்வு பெற்ற பின்னர் வர்ணனையாளராக இருந்து வந்துள்ளார் ஃபேனி டி வில்லியர்ஸ். அப்போது 2018இல் ஆஸ்திரேலியாவுக்கு எதிரான தொடரின்போது பந்தை ரிவர்ஸ் ஸ்விங் செய்வதற்கு ஆஸ்திரேலியர்கள் செய்யும் கள்ளத்தனத்தை வெளிச்சம் போட்டு காட்டினார்.

நான்காவது நாள் அதிகாலை முதலே ரிவர்ஸ் ஸ்விங் ஆவதற்காக ஆஸ்திரேலியா வீரர்கள் பந்தை சேதப்படுத்துவதை கண்டறிந்த இவர், டிவி கேமரா ஆபரேட்டர்களிடம் அதை நன்கு பதிவு செய்ய வைத்து காட்சிப்படுத்தினார். ஆஸ்திரேலியா வீரர்களின் இந்த செயல் விதிமுறைக்கு புறம்பானது எனவும் சுட்டிக்காட்டினார்.

டி வில்லியர்ஸ் என்றாலே மிஸ்டர். 360 டிகிரி என்ற அழைக்கப்படும் அதிரடி பேட்ஸ்மேனான ஏபி டிவில்லியர்ஸ் தான் அனைவருக்கும் நினைவில் தோன்றும். ஆனால் அவருக்கு முன்னரே இதே பெயரில் பவுலிங்கில் தாக்கத்தை ஏற்படுத்தக்கூடிய வீரராக அணியில் ஜொலித்த ஃபேனி டி வில்லியர்ஸின் பிறந்தநாள் இன்று.

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

https://twitter.com/httamilnews

https://www.facebook.com/HTTamilNews

https://www.youtube.com/@httamil

Google News: https://bit.ly/3onGqm9