Champions Trophy 2025: சாம்பியன்ஸ் டிராபியில் விளையாடுவாரா இங்கிலாந்து வீரர் பென் டக்கெட்?

கடந்த புதன்கிழமை அகமதாபாத்தில் இந்தியாவுக்கு எதிரான மூன்றாவது ஒருநாள் போட்டியின் போது பீல்டிங் செய்யும் போது இடுப்பில் காயம் ஏற்பட்ட டக்கெட், ஸ்கேன் செய்து காயம் தீவிரமாக இல்லை என்பதை உறுதிப்படுத்தினார்.

இங்கிலாந்து கிரிக்கெட் வாரியம்

இதுகுறித்து இங்கிலாந்து கிரிக்கெட் வாரியம் வெளியிட்டுள்ள அறிக்கையில், “இடது இடுப்பு பகுதியில் ஏற்பட்ட காயம் ஸ்கேன் மூலம் இங்கிலாந்து பேட்ஸ்மேன் பென் டக்கெட் ஐசிசி சாம்பியன்ஸ் டிராபிக்கு முழு உடற்தகுதியுடன் இருப்பது உறுதி செய்யப்பட்டுள்ளது” என்று குறிப்பிட்டுள்ளது.

ஐந்து போட்டிகள் கொண்ட டி20 தொடரில் 1-4 என்ற கணக்கில் தோல்வியடைந்ததைத் தொடர்ந்து ஒருநாள் தொடரில் இந்தியாவுக்கு எதிராக 0-3 என்ற கணக்கில் ஒயிட்வாஷ் ஆனது இங்கிலாந்து. பிப்ரவரி 22 ஆம் தேதி சாம்பியன்ஸ் டிராபி போட்டியில் விளையாடவுள்ளது.

லாகூரில் சனிக்கிழமை (பிப்ரவரி 22) ஆஸ்திரேலியாவுக்கு எதிரான போட்டியின் தொடக்க ஆட்டத்திற்கு முன்னதாக இங்கிலாந்து அணி பிப்ரவரி 18 ஆம் தேதி பாகிஸ்தானுக்கு வரும்" என்று இங்கிலாந்து கிரிக்கெட் வாரியம் தெரிவித்துள்ளது.

8 நாடுகள் பங்கேற்கும் சாம்பியன் டிராபியில், இங்கிலாந்து, ஆஸ்திரேலியா, தென்னாப்பிரிக்கா, ஆப்கானிஸ்தான் அணிகளுடன் 'பி' பிரிவில் இடம் பெற்றுள்ளது.

மேலும் படிக்க : RCB Women vs GG Women: ரிச்சா கோஷ், எலிசா பெர்ரி வானவேடிக்கை.. குஜராத்தை புரட்டி எடுத்த ஆர்சிபி

ஐசிசி சாம்பியன்ஸ் டிராபி

ஐசிசி சாம்பியன்ஸ் டிராபி என்பது ஒரு நாள் சர்வதேச (ODI) கிரிக்கெட்டின் முன்னணி அணிகளுக்கு இடையே நடைபெறும் ஒரு கிரிக்கெட் போட்டியாகும். இது சர்வதேச கிரிக்கெட் கவுன்சிலால் (ICC) நடத்தப்படுகிறது மற்றும் முதன்முதலில் 1998 இல் நடத்தப்பட்டது. உலகெங்கிலும் உள்ள அணிகளைக் கொண்ட ஒரு பெரிய போட்டியான ஐசிசி உலகக் கோப்பையைப் போலல்லாமல், சாம்பியன்ஸ் டிராபி பொதுவாக சிறந்த கிரிக்கெட் நாடுகள் மட்டுமே பங்கேற்கும் மற்றும் குறுகிய வடிவ சர்வதேச போட்டியாகக் கருதப்பட்டது.

மேலும் படிக்க : WPL 2025 : இன்று தொடங்கும் மகளிர் பிரிமியர் லீக்.. இந்த முறை அசத்தப் போவது யார்?

முதல் எட்டு பதிப்புகளில், ஐ.சி.சி ஆண்கள் ஒருநாள் அணி தரவரிசையில் முதலிடத்தில் இருந்த அணிகள் போட்டியில் தகுதி பெற்றன. முதல் 2 பதிப்புகளில், காலிறுதிக்கு யார் செல்வார்கள் என்பதை தீர்மானிக்க சில ஜோடி அணிகள் ப்ரீ-குவாட்டர்-இறுதிப் போட்டிகளில் விளையாடின. 1998 இல் அணிகளின் எண்ணிக்கை 9 ஆக இருந்தது, இது 2000 ஆம் ஆண்டில் 11 ஆகவும் 2002 இல் 12 ஆகவும் அதிகரிக்கப்பட்டது. 2006 இல், அது 10 ஆகக் குறைக்கப்பட்டது, நான்கு அணிகள் தகுதிச் சுற்றுப் போட்டியில் விளையாடியது, அதில் இருந்து 2 அணிகள் பிரதான போட்டிக்கு முன்னேறின. 2009 போட்டியிலிருந்து, எண்ணிக்கை 8 ஆகக் குறைக்கப்பட்டது.

2017-க்கும் இந்த ஆண்டு பாகிஸ்தான் மற்றும் துபாயில் இப்போட்டி நடைபெறவுள்ளது. பிப்ரவரி 19ம் தேதி தொடங்கி மார்ச் 9 ம் தேதி வரை நடைபெறவுள்ளது.