கோடை  சூட்டை சமாளிக்க இத சாப்பிட்டு பாருங்க!

everybody must take cooling foods to regulate your body temperature, here is the list.

Cooling Foods For Summer 

slide

கோடை  சூட்டை சமாளிக்க இத சாப்பிட்டு பாருங்க

வாழைப்பழம் வெப்பத்தை குறைக்கும்

குளிர்ச்சியாக இருக்க வெள்ளரிக்காய் சாப்பிடுங்கள்

தர்பூசணி நீர்ச்சத்து 
அதிகம்  கொண்டது

புதினாவை உணவில் சேர்த்தால் சுவை 
நன்றாக இருக்கும்

தயிர் சாப்பிட்டலாம்

கோடையில் சிக்கன் மற்றும் ஆட்டிறைச்சிக்கு பதில்
மீன் சாப்பிடுங்கள்

கீரைகளை அதிகம் சாப்பிடுவது சூட்டை குறைக்கும்

வெங்காயத்தை சாலட் வடிவில் எடுத்துக் கொள்ளுங்கள்

சிட்ரஸ் பழங்கள் மற்றும் தேங்காய் தண்ணீர் கோடைக்கு மிகவும் நல்லது

கோடை வெயில் அதிகரித்து வரும் நிலையில் இதை செஞ்சுபாருங்க

Madurai Kamaraj University: மாணவிகளிடம் தரக்குறைவாக பேசிய பேராசிரியர் கைது!

paragraph

மதுரை காமராஜர் பல்கலைக்கழகத்தில் மாணவிகளிடம் தரக்குறைவாக பேசிய வரலாற்றுத் துறை பேராசிரியர் சண்முக ராஜா வன்கொடுமை சட்டத்தில் கீழ் கைது செய்யப்பட்டுள்ளார்.

தென்காசி மாவட்டம் ஆலங்குளம் பகுதியைச் சேர்ந்தவர் சண்முக ராஜா. இவர் மதுரை நாகமலை புதுக்கோட்டை பகுதிகளில் இயங்கி வரும் காமராஜர் பல்கலைக்கழகத்தில் வரலாற்று துறை பேராசிரியராக பணியாற்றி வருகிறார். இந்நிலையில் தனது துறையில் பயிலும் மாணவ மாணவிகளிடம் அடிக்கடி ஒருமையில் பேசுவதும்., ஜாதியை கூறி இழிவு படுத்தி பேசுவதும் தொடர்கதையாக இருந்தது. இதைத்தொடர்ந்து கடந்த பிப்ரவரி மாதம் 17-ஆம் தேதி பல்கலைக்கழக வளாகத்தில் பாதிக்கப்பட்ட மாணவ மாணவிகளின் பெற்றோர்கள் பேராசிரியர் உடன் வாக்குவாதத்தில் ஈடுபட்டு தாக்கியதாக புகார்கள் எழுந்தது.

இச்சம்பவம் குறித்து நாகமலை புதுக்கோட்டை போலீசார் வழக்கு பதிவு செய்தனர். அதில் பல்கலைகழகத்தில் வரலாற்றுத் துறையில் எம்.ஏ முதலாமாண்டு பயிலும் மாணவிகளிடம் ஜாதி ரீதியாக ஒருமையில் பேசி உள்ளார். மேலும், தரக்குறைவாக பேசிவருவதாகவும் தேனி மாவட்டம் முத்துதேவன்பட்டி பகுதியை சேர்ந்த மாணவி ஒருவர் பிப்ரவரி 23ஆம் தேதி நாகமலைபுதுக்கோட்டை காவல் நிலையத்தில் புகார் அளித்தார்.

அந்த புகாரின் அடிப்படையில் வழக்குபதிவு செய்து காவல்துறையினர் விசாரணை நடத்தினர். இதில் பேராசிரியர் சண்முகராஜா மீது கொடுத்த புகார் உறுதி செய்யப்பட்டது. இதைத்தொடர்ந்து மாணவ மாணவிகளிடம் தவறாக பேசியது சாதிக் கலவரத்தை தூண்டும் வகையில் பேசியது உள்ளிட்ட குற்றச்சாட்டுகள் நிரூபிக்கப்பட்டதால் அவரை நாகமலை புதுக்கோட்டை போலீசார் வன்கொடுமை சட்டத்தின் கீழ் வழக்குபதிவு செய்து பேராசிரியரைக் கைது செய்து இன்று சிறையில் அடைத்தனர்.

இதற்கிடையில் மதுரை காமராஜர் பல்கலை கழக விடுதியில் தங்கி இருந்த மாணவி நேற்று மாடியில் இருந்து விழுந்து உயிரிழந்த நிலையில் மாணவி தவறி விழுந்தாரா அல்லது தற்கொலை செய்து கொண்டாரா என்பது குறித்து காவல்துறை விசாரணை நடத்தி வரும் நிலையில் தற்போது பேராசிரியர் ஒருவர் கைது செய்யப்பட்டுள்ளார்.

புகழ் பெற்ற காமராஜர் பல்கலைக்கழகத்தில் அடுத்த பல சர்ச்சைக்குரிய சம்பவங்கள் நடப்பது வருத்தமளிக்கிறது என்று கல்வியாளர்கள் கருத்து தெரிவித்து வருகின்றனர்.

தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.

ஐஸ் வைத்த விஜயபாஸ்கர்! கலாய்த்துவிட்ட துரைமுருகன்! பேரவையில் சிரிப்பலை!

<ul><li>வாடிய பயிரை வாடும்போதெல்லாம் வாடிய வள்ளலார் போல் நீங்கள் நிதியை தந்து திட்டத்தை நிறைவேற்ற வேண்டும் என துரைமுருகனுக்கு ஐஸ் வைத்து பேசினார் சி.விஜயபாஸ்கர்</li></ul>

குமரியில் சோகம்..தண்ணீர் என நினைத்து பூச்சி மருந்தை குடித்த தொழிலாளி உயிரிழப்பு!

<ul><li>அழகியபாண்டியபுரம் அருகே தண்ணீர் என நினைத்து பூச்சி மருந்தை குடித்த தொழிலாளி உயிரிழந்த சம்பவம் சோகத்தை ஏற்படுத்தியுள்ளது.</li></ul>

இந்திரா காந்தி திறந்தவெளி பல்கலை., இந்திய ரயில்வே – வேலை விவரங்கள் உள்ளே…

இந்தியரயில்வேயில் காலியாகவுள்ள பணியிடங்களை நிரப்புவதற்கான அறிவிப்பு வெளியாகி உள்ளது. இதற்கு ஆர்வமும், தகுதியும் உள்ளவர்களிடம் இருந்து விண்ணப்பங்கள் வரவேற்கப்படுகின்றன.&nbsp;

வலுக்கட்டாயமாக திணிப்பு..ஆவின் தயிர் பாக்கெட்டுகளை குப்பை தொட்டியில் வீசிய அவலம்

<ul><li>ஆவின் தயிர் பாக்கெட்டுகள் கொள்முதல் செய்தே ஆக வேண்டும் என &nbsp;வலுக்கட்டாயமாக திணிக்கப்படுவதால் விரக்தியடைந்த பால் முகவர் தயிர் பாக்கெட்டுகளை குப்பைத் தொட்டியில் வீசி எறிந்துள்ள அவலம் சென்னையில் அரங்கேறியுள்ளது</li></ul>

மாணவ மாணவிகளிடம் தவறாக பேசியது சாதிக் கலவரத்தை தூண்டும் வகையில் பேசியது உள்ளிட்ட குற்றச்சாட்டுகள் நிரூபிக்கப்பட்டதால் அவரை நாகமலை புதுக்கோட்டை போலீசார் வன்கொடுமை சட்டத்தின் கீழ் பேராசிரியரை கைது செய்துள்ளனர்.

No petrol No diesel: கடலூர்-நோ ஹெல்மெட் நோ பெட்ரோல்!

கடலூரில் ஹெல்மெட் அணியாமல் வந்தால் பெட்ரோல் கிடையாது என்று கடலூர் வட்டாட்சியர் உத்தரவு பிறப்பித்துள்ளார்.

இருசக்கர வாகன ஓட்டிகள் ஹெல்மெட் அணிவதன் அவசியம் குறித்தும், வாகனங்களில் செல்பவர்கள் சீட் பெல்ட் அணிவதன் முக்கியத்துவம் குறித்தும் போலீசார் மட்டுமின்றி, பல்வேறு துறை அதிகாரிகள் விழிப்புணர்வு ஏற்படுத்தி வருகின்றனர். சமூக ஆர்வலர்களும் தொடர்ச்சியாக ஹெல்மெட் அணிவதன் கட்டாயம் குறித்து வலியுறுத்தி வருகின்றனர். இந்த நிலையில் சாலை பாதுகாப்பை வலியுறுத்தும் வகையில் கடலூர் தாலுகாவுக்குட்பட்ட பகுதியில் உள்ள பெட்ரோல் பங்குகளுக்கு ஹெல்மெட் அணிந்து வந்தால் மட்டுமே பெட்ரோல் வழங்க வேண்டும் என தாசில்தார் தெரிவித்துள்ளார்.

இதுதொடர்பாக கடலூர் தாசில்தார் விஜய்ஆனந்த் செய்திக்குறிப்பு ஒன்றை வெளியிட்டுள்ளார்.

அதில் அவர் கூறியிருப்பதாவது: கடலூர் தாலுகாவுக்குட்பட்ட பகுதியில் இயங்கி வரும் பெட்ரோல் பங்குகளுக்கு, பெட்ரோல் நிரப்ப வரும் வாகன ஓட்டிகள் ஹெல்மெட் அணிந்து வந்தால் மட்டுமே பெட்ரோல் நிரப்ப வேண்டும். மேலும் பெட்ரோல் பங்க் வளாகத்தில் ஹெல்மெட் அணிந்து வருபவர்களுக்கு மட்டுமே பெட்ரோல் நிரப்பப்படும் என்பதை குறிக்கும் வகையில் 'நோ ஹெல்மெட், நோ பெட்ரோல்' என்ற வாசகம் எழுதிய விழிப்புணர்வு பதாகைகளையும் பெட்ரோல் பங்குகளில் வைக்க வேண்டும். இவ்வாறு அந்த செய்திக்குறிப்பில் கூறப்பட்டுள்ளது.

Cuddalore 'நோ ஹெல்மெட், நோ பெட்ரோல்' என்ற வாசகம் எழுதிய விழிப்புணர்வு பதாகைகளையும் பெட்ரோல் பங்குகளில் வைக்க வேண்டும்.

Haryana: திருமண நிகழ்ச்சிக்கு சென்ற 6 இளைஞர்கள் சாலை விபத்தில் பரிதாப பலி!

அரியானா மாநிலத்தில் திருமண நிகழ்ச்சிக்கு சென்ற 6 இளைஞர்கள் மரத்தில் கார் மோதிய விபத்தில் பரிதாபமாக உயிரிழந்தனர். இச்சம்பவம் அப்பகுதியில் பெரும் சோகத்தை ஏற்படுத்தி உள்ளது.

அரியானா மாநிலம் ஹிசர் மாவட்டத்தில் அதிகாலை 7 இளைஞர்கள் ஒரு காரில் திருமண நிகழ்ச்சிக்கு சென்றுவிட்டு வீடு திரும்பி கொண்டிருந்தனர். அப்போது அரோகா - அடம்பூர் சாலையில் கிஷன்கர் பகுதியில் வந்தபோது எதிர்பாராத விதமாக கார் கட்டுப்பாட்டை இழந்தது. இதில் கார் சாலையோர மரத்தில் மோதி விபத்துக்குள்ளானது. இந்த கோர விபத்தில் காரில் இருந்த சாஹர் (வயது 23), சோபித் (22), அரவிந்த் (24), அபினவ் (22), தீபக் (23) ஆகிய 6 இளைஞர்கள் சம்பவ இடத்திலேயே உயிரிழந்தனர். மேலும் புனேஷ் என்ற இளைஞர் படுகாயமடைந்தார்.

தகவலறிந்து சம்பவ இடத்திற்கு விரைந்து சென்ற போலீசார் உயிரிழந்த இளைஞர்களின் உடலை மீட்டு பிரேதப்பரிசோதனைக்கு அனுப்பி வைத்தனர். அதேசமயம் காரை அதிவேகமாக இயக்கியதே இந்த விபத்துக்கு காரணம் என முதற்கட்ட தகவல் வெளியான நிலையில். இச்சம்பவம் குறித்து காவல்துறையினர் வழக்கு பதிவு செய்து விசாரணை மேற்கொண்டு வருகின்றனர்.

’சித்தராமையாவை எதிர்த்து என்  மகன் போட்டியிடமாட்டார்’ எடியூரப்பா திட்டவட்டம்!

Karnataka Election 2023:- அவர் மைசூருவில் வருணா தொகுதியில் போட்டியிடும் கேள்விக்கே இடமில்லை - எடியூரப்பா

100 தொகுதிகள்! 10 முதல்வர்கள்! கர்நாடகாவை ஆளும் லிங்காயத்து சமூகம்!

<ul><li>Karnataka Election 2023: 1952 முதல் தற்போது வரை கர்நாடகாவில் பொறுப்பேற்ற 23 முதல்வர்களில், 10 பேர் லிங்காயத்து சமூகத்தை சேர்ந்தவர்கள்</li></ul>

'மாத்தி யோசி!'-உலகை புரட்டிபோட்ட ஆப்பிள் கம்பெனி நிறுவன நாள் இன்று

<ul><li>தகவல் தொடர்பு துறையில் முன்னணி நிறுவனமான ஆப்பிள் கம்பெனியின் வரலாற்றைப் பற்றி இங்கு அறிந்து கொள்வோம். இன்று அந்த கம்பெனி தொடங்கப்பட்ட தினம்.</li></ul>

RBI:அமெரிக்கா ஆட்டம் கண்டபோது இந்தியாவை காத்த ரிசர்வ் வங்கி தொடங்கிய நாள் இன்று

Reserve Bank of India:1935 ஏப்ரல் 1ம் தேதி கொல்கத்தாவில் வெற்றிகரமாக ரிசர்வ் வங்கி தொடங்கப்பட்டது

திருமணத்திற்கு சென்ற 6 இளைஞர்கள் சாலை விபத்தில் உயிரிழந்த சம்பவம் அப்பகுதியில் பெரும் சோகத்தை ஏற்படுத்தி உள்ளது.

Lady Bus Driver: நாங்களும் பஸ் ஓட்டுவோம்ல! கோவையில் கலக்கும் பெண் டிரைவர்!

கோவை காந்திபுரம் சோமனூர் வழிதடத்தில் இளம் பெண் ஷர்மிளா தனியார் நகரப் பேருந்தை இயக்கி அசத்தி வருகிறார். இது பெண் பயணிகள் மத்தியில் பெருமிதத்தை ஏற்படுத்தியுள்ளது. சாலை போக்குவரத்து துறையில் பெண்களும் சாதிக்க முடியும் என்பதற்கான தூண்டுகோளாக பெண் ஓட்டுனர் ஷர்மிளா தற்போது முன் உதாரணமாக இருக்கின்றார்.

இந்திய ராணுவம், விமானப்படை, ரயில்வே உள்ளிட்ட அனைத்து துறைகளிலும் பெண்களின் பங்களிப்பு இருந்து வருகிறது. ஆனாலும் ஒரு சில துறைகளில் மிக குறைவான அளவில் மட்டுமே பெண்களின் பங்களிப்பு இருந்து வருகிறது. இதில் பேருந்து, லாரி உட்பட கனரக வாகனங்களை இயக்குவதில் பெண்கள் மிகக் குறைந்த அளவே உள்ளனர். இந்நிலையில் கோவை வடவள்ளியை சேர்ந்த ஷர்மிளா. இவர் மருந்தியல் துறையில் பட்டயப்படிப்பை முடித்துள்ளார். ஆனாலும் தந்தையின் ஆட்டோவை இயக்குவதில் ஆர்வம் கொண்ட ஷர்மிளா தானே கன ரக வாகனங்களை இயக்க விரும்பினார். இதனால் தனது ஆர்வம் காரணமாக கனரக வாகன ஓட்டுநர் உரிமம் பெற்றுள்ளார். இவர் கோவை நகரின் சாலைகளில் திறம்பட தனியார் பேருந்தை இயக்குகின்றார்.

கனரக வாகன லைசென்ஸ் பெற்று இருந்த போதும் பேருந்து இயக்க வாய்ப்பு கிடைக்காமல் இந்துள்ளது. ஏற்கனவே மகளிர் தினத்தன்று டியூட்டில் கிடைத்தது. ஆனால், வழித்தடம் கிடைக்காதால் அன்று முடியவில்லை. தற்போது வாய்ப்பு கிடைத்து இருப்பது மகிழ்ச்சி அளிப்பதாகவும் ஷர்மிளா தெரிவித்தார். அதே சமயம் சாலைகளில் வாகனங்களை இயக்கும் போது நுட்பமாக பார்த்து இயக்க வேண்டி உள்ளது. இந்த சீட்டில் அமர்ந்து ஒட்டும் போதுதான் டிரைவர்களின் வலி என்ன என்பது தெரிகிறது என்றும் பேருந்து ஓட்டுனர் ஷர்மிளா தெரிவித்தார்.

பெண்கள் ஆட்டோ, கார் போன்ற வாகனங்களை இயக்கி பார்த்திருக்கிறோம். ஆனால் பேருந்து இயக்குவதை இப்போது பார்ப்பது மகிழ்ச்சி அளிக்கிறது என பயணிகள் தெரிவிக்கின்றனர். எல்லாத்துறையிலும் பெண்கள் இருக்கும் நிலையில், பேருந்து ஓட்டுவதிலும் பெண்கள் இருப்பதை பார்க்கும் பொழுது மகிழ்ச்சியாக இருப்பதாகவும் பயணிகள் தெரிவித்தனர்.

Women's Day 2023: மகளிர் தினத்தன்னை பேருந்தை இயக்க விரும்பியும் அன்று வாய்ப்பு அமையாமல் போனது. ஆனால் தற்போது பேருந்தை இயக்குவது மகிழ்ச்சியாக உள்ளது என்று தெரிவித்துள்ளார்.&nbsp;

Thirumangalam: பட்டப்பகலில் பயங்கரம்-பேரையூரில் வீடு புகுந்து வாலிபர் படுகொலை!

திருமங்கலம் அருகே பேரையூரில் பட்டப் பகலில் வீடு புகுந்து வாலிபர் வெட்டி படுகொலை செய்யப்பட்ட சம்பவம் அப்பகுதியில் பெரும் அதிர்ச்சியை ஏற்படுத்தி உள்ளது. இந்நிலையில் தப்பி ஓடிய அடையாளம் தெரியாத நபர்களுக்கு போலீஸ் வலை வீசி வருகின்றனர்.

மதுரை மாவட்டம் திருமங்கலம் அடுத்த பேரையூர் கீழத்தெரு பிச்சைக்காளி மாரியம்மாள் தம்பதியினர் வசித்து வருகின்றனர். இவர்களுக்கு சங்கர் அழகர் என இரு மகன்கள் உள்ளனர் . வீட்டில் உள்ள அனைவருமே கட்டிடத் தொழிலாளியாக பணிபுரிந்து வருகின்றனர். இந்த நிலையில் பிச்சை காளியின் இளைய மகன் அழகர்(21). கட்டிட வேலை பார்க்கும் அழகர் இன்று வேலைக்கு செல்லாமல் வீட்டில் இருந்து உள்ளார். இதனால் தந்தை பிச்சை காளி அழகரை வேலைக்கு அழைத்துள்ளார். அதற்கு அழகர் நாளை வருவதாக தெரிவித்து விட்டு வீட்டிலேயே இருந்துள்ளார் மூத்த மகன் சங்கரும் வீட்டில் இருந்துள்ளார். பெற்றோர் இருவர் மட்டும் வேலைக்கு சென்றுள்ளனர். சகோதரர்கள் இருவரும் வீட்டில் இருந்த நிலையில் நேற்று பிற்பகல் 3 மணியளவில் அடையாளம் தெரியாத நபர்கள் நான்கு பேர் வீட்டு கதவை தட்டியுள்ளனர். சத்தம் கேட்டு கதவைத் திறந்த சங்கர் மர்ம நபர்கள் கையில் கத்தியுடன் இருப்பதைக் கண்டு அலறி எடுத்து வெளியே ஓட்டம் பிடித்தார். இதையடுத்து வெளியே வந்த சங்கர் அருகில் வேலை பார்த்துக் கொண்டிருந்த தனது தாய் மாரியம்மாளை அழைத்து வர சென்று விட்டார்.

அதற்குள் வீட்டுக்குள் புகுந்த அடையாளம் தெரியாத நபர்கள் பட்டாகத்தியால் வீட்டில் படுத்து இருந்த அழகரை சரமாரியாக தலையில் வெட்டியதில் அழகர் ரத்த வெள்ளத்தில் சம்பவ இடத்திலேயே உயிர் இழந்தார். இதைத்தொடர்ந்து கொலையாளிகள் நால்வரும் அங்கிருந்து தப்பி ஓடி விட்டனர். இச்சம்பவம் குறித்து தகவல் அறிந்து வந்த தாய் மாரியம்மாள் மகன் கொலை செய்யப்பட்டு கிடப்பதை கண்டு கதறி அழுதார். இது குறித்து பேரையூர் காவல் நிலைய போலீசாருக்கு தகவல் அளிக்கப்பட்டது தகவல் அறிந்து வந்த போலீசார் தடயவியல் நிபுணர்கள் மற்றும் கைரேகை நிபுணர்கள் வரவழைக்கப்பட்டு ஆய்வு மேற்கொண்டனர். தொடர்ந்து சம்பவ இடத்திற்கு வந்த மோப்பநாய் பொன்னி வீட்டுக்குள் இருந்து சிறிது தூரம் ஓடிவிட்டு அங்கேயே நின்று விட்டது. இந்நிலையில் போலீசார் இறந்த அழகரின் உடலை கைப்பற்றி உசிலம்பட்டி அரசு மருத்துவமனைக்கு பிரேத பரிசோதனைக்காக அனுப்பி வைத்தனர். மேலும் கொலை சம்பவம் தொடர்பாக முன்விரோதம் காரணமாக கொலை நடந்ததா அல்லது வேறு காரணமா என்பது குறித்து காவல்துறையினர் விசாரணை மேற்கொண்டு வருகின்றனர் சம்பவ இடத்திற்கு வந்த மாவட்ட எஸ்பி சிவபிரசாந்த் சம்பவம் குறித்து விசாரணை மேற்கொண்டார். இச்சம்பவம் அப்குதியில் வசிக்கும் மக்களிடம் பெரும் அதிர்ச்சியை ஏற்படுத்தி உள்ளது.

அடையாளம் தெரியாத நபர்கள் பட்டாகத்தியால் வீட்டில் படுத்து இருந்த அழகரை சரமாரியாக தலையில் வெட்டியதில் அழகர் ரத்த வெள்ளத்தில் சம்பவ இடத்திலேயே உயிர் இழந்தார்.

Kodaikanal: கொடைக்கானல்: அதிகாரிகளுக்காக காத்திருந்த ஆர்.டி.ஓ

கொடைக்கானலில் விவசாயிகள் குறைதீர் கூட்டத்திற்கு அதிகாரிகள் வர தாமதத்தால் விவசாயிகள் கடும் சிரமத்திற்கு ஆளாகினர். அதேசமயம் வருவாய் கோட்டாட்சியர் அதிகாரிகளுக்கா காத்திருந்த அவலமும் ஏற்பட்டது

திண்டுக்கல் மாவட்டம் கொடைக்கானலில் வருவாய் கோட்டாட்சியர் அலுவலகத்தில் வருவாய் கோட்டாட்சியர் ராஜா தலைமையில் கூட்டம் நடைபெற்றது. தொடர்ந்து நடைபெற்ற கூட்டத்தில் மேல்மலை கிராமங்களான கூக்கால்,கவுஞ்சி, மன்னவனூர், பூம்பாறை , தாண்டிக்குடி , பேத்துப்பாறை உள்ளிட்ட பல்வேறு பகுதிகளில் இருந்து ஏராளமான விவசாயிகள் கலந்து கொண்டனர் . அதனைத் தொடர்ந்து வருவாய்த்துறை , வனத்துறை, மின்சார வாரியம் , காவல்துறை , கூட்டுறவுத்துறை , தோட்டக்கலைத்துறை , சுகாதாரத்துறை , ஊரக வளர்ச்சித்துறை என பல்வேறு துறைகளில் இருந்து அரசு அதிகாரிகள் கலந்து கொள்ள வேண்டும் . ஆனால் வருவாய் கோட்டாட்சியர் குறித்த நேரத்தில் கூட்டத்தில் கலந்து கொண்டார் . ஆனால் சம்பந்தப்பட்ட துறை சேர்ந்த சில அதிகாரிகள் காலதாமதம் ஆகியும் கலந்து கொள்ளாமல் இருந்தனர் . சில அதிகாரிகள் மிக தாமதமாகவும் விவசாயிகள் குறைதீர் கூட்டத்திற்கு வந்தனர்.

இதனால் கோபமடைந்த வருவாய் கோட்டாட்சியர் சம்பந்தப்பட்ட துறை அதிகாரிகளுக்கு தனது தொலைபேசி மூலமும் தொடர்பு கொண்டு காத்திருந்த அவலமும் ஏற்பட்டது . மேலும் நடைபெற்ற கூட்டத்தில் விவசாயிகள் அளிக்கும் மனுக்களுக்கு முறையாக அதிகாரிகள் பதில் அளிப்பதில்லை என்ற குற்றச்சாட்டையும் விவசாயிகள் புகார் தெரிவித்து வருகின்றனர் . வனவிலங்குகள் பிரச்சனை , தோட்டக்கலைத்துறை மூலம் வழங்கும் நலத்திட்டங்கள் குறித்த பிரச்சனை உள்ளிட்டவைகளுக்கு உடனடியாக நடவடிக்கை எடுக்க வேண்டும் எனவும் மனுக்களாக மீண்டும் அளித்தனர் . நடைபெற்ற கூட்டத்தில் விவசாயிகள் அளித்த மனுக்களுக்கு சம்பந்தப்பட்ட துறை அதிகாரிகள் உடனடியாக பதில் வழங்க வேண்டும் என வருவாய் கோட்டாட்சியர் ராஜா எச்சரிக்கை விடுத்துள்ளார் .

கோபமடைந்த வருவாய் கோட்டாட்சியர் சம்பந்தப்பட்ட துறை அதிகாரிகளுக்கு தனது தொலைபேசி மூலமும் தொடர்பு கொண்டு காத்திருந்த அவலமும் ஏற்பட்டது

MKU: விடுதி மாடியில் இருந்து விழுந்த மாணவி பலி; போலீசார் விசாரணை!

மதுரை காமராஜர் பல்கலை கழக விடுதியில் தங்கி இருந்த மாணவி நேற்று மாடியில் இருந்து விழுந்து உயிரிழந்த நிலையில் மாணவி தவறி விழுந்ததாரா அல்லது தற்கொலை செய்து கொண்டாரா என்பது குறித்து காவல்துறை விசாரணை நடத்தி வருகிறது.

தேனி மாவட்டம் குப்பிநாயக்கன்பட்டியை சேர்ந்தவர் முருகன். இவருடைய மகள் மகேஸ்வரி (வயது 25). இவர் நாகமலைபுதுக்கோட்டை அருகே உள்ள மதுரை காமராஜர் பல்கலைக்கழகத்தில் எம்.எட். 2-ம் ஆண்டு படித்து வந்தார். மகேஸ்வரி அங்குள்ள விடுதியில் சக மாணவிகளுடன் தங்கி படித்து வந்தார்.

இந்நிலையில் இரவு நேரத்தில் விடுதியின் மேல்தளத்தில் மகேஸ்வரி செல்போனில் பேசிக் கொண்டிருந்ததாக கூறப்படுகிறது. அப்போது திடீரென இரவு 11.30 மணியளவில் மரக்கிளைகள் ஒடிந்து விழுவது போன்ற சத்தம் கேட்டது. இதையடுத்து மாணவி அலறி துடிப்பது போன்ற சத்தமும் கேட்டதாக கூறப்படுகிறது. இதையடுத்து அங்கிருந்த மற்ற மாணவிகள் ஓடிவந்து பார்த்தனர். இதில் தரையில் ரத்த வெள்ளத்தில் மகேஸ்வரி உயிருக்கு போராடி கொண்டிருந்தார். இதைக்கண்ட சக மாணவிகள் அதிர்ச்சி அடைந்தனர். பின்னர் சக மாணவிகள் உடனடியாக மாணவி விழுந்த சம்பவம் குறித்து பல்கலைக்கழக நிர்வாகத்திற்கு தகவல் தெரிவித்தனர்.

மேலும் ஆம்புலன்ஸ் மூலம் மகேஸ்வரியை மீட்டு மதுரை அரசு மருத்துவமனையில் சிகிச்சைக்காக சேர்த்தனர். இதையடுத்து மருத்துவர்கள் தீவிர சிகிச்சை அளித்தனர். ஆனால் மகேஸ்வரி சிகிச்சை பலனின்றி மகேஸ்வரி நேற்று காலை பரிதாபமாக உயிரிழந்தார். இதுகுறித்து நாகமலைபுதுக்கோட்டை போலீசாருக்கு தகவல் தெரிவிக்கப்பட்டது. போலீசார் விரைந்து சென்று மாணவியின் உடலை பரிசோதனைக்காக அனுப்பி வைத்தனர். தீவிர விசாரணை இதற்கிடையே சமயநல்லூர் துணை போலீஸ் சூப்பிரண்டு பாலசுந்தரம், மற்றும் காவலர்கள் சம்பவ இடத்திற்கு சென்று தீவிர விசாரணை நடத்தினர். மேலும், தடயவியல் நிபுணர்கள் மாணவி உயிரிழந்த இடத்தில் பதிவாகி இருந்த தடயங்களை சேகரித்தனர். மாணவி விடுதியின் மேல் தளத்தில் இருந்து தவறி விழுந்ததால் இறந்தாரா? அல்லது தற்கொலை செய்து கொள்ள முயற்சித்தாரா? என பல்வேறு கோணங்களில் காவல் துறையினர் தீவிர விசாரணை நடத்தி வருகின்றனர். இந்த சம்பவம் பல்கலைக்கழகத்தில் விடுதியில் தங்கி படித்து வரும் சக மாணவிகளிடம் பெரும் பதற்றத்தை ஏற்படுத்தியது.

மாணவி விடுதியின் மேல் தளத்தில் இருந்து தவறி விழுந்ததால் இறந்தாரா? அல்லது தற்கொலை செய்து கொள்ள முயற்சித்தாரா? என பல்வேறு கோணங்களில் காவல் துறையினர் தீவிர விசாரணை நடத்தி வருகின்றனர்.

Tamil Latest News Updates:வணிக பயன்பாட்டு சிலிண்டர் விலை குறைப்பு!

முக்கிய செய்திகளை உடனுக்குடன் தெரிந்து கொள்ள HT Tamil ன் இந்தப் பக்கத்தில் இணைந்திருங்கள்.

நோ ஹெல்மெட் நோ பெட்ரோல்!

•புழல் ஏரியில் நீர் இருப்பு 2432 மில்லியன் கனஅடியாக உள்ளது; 159 கனஅடி நீர் வெளியேற்றம்•சோழவரம் ஏரிக்கு நீர்வரத்து 10 கனஅடியாக உள்ளது; நீர் இருப்பு 820 மில்லியன் கனஅடியாக உள்ளது•கண்ணன்கோட்டை - தேர்வாய்கண்டிகை ஏரியில் நீர் இருப்பு 500 மில்லியன் கனஅடியாக உள்ளது; நீர்வரத்து 10 கனஅடியாக உள்ளது

தமிழக முக்கிய ஏரிகளின் நீர் நிலவரம் இதோ!

கள்ளக்குறிச்சி: உளுந்தூர்பேட்டை அருகே மேட்டத்தூர் பகுதியில் சாலை ஓரம் நின்று கொண்டிருந்த மினி லாரி மீது கார் மோதிய விபத்தில் 2 பேர் உயிரிழந்தனர் மேலும் 2 பேர் காயம் அடைந்துள்ளனர்.

கள்ளக்குறிச்சி சாலை விபத்து-2 பேர் பலி

அந்தமான் நிகோபர் தீவின் வடகிழக்கே போர்ட்பிளேர் பகுதியில் இருந்து 140 கிலோமீட்டர் தொலைவில் இன்று அதிகாலை 4.0 ரிக்டர் அளவில் நிலநடுக்கம் உணரப்பட்டது

அந்தமான் நிகோபர் தீவில் லேசான நிலநடுக்கம்

வேலூர் மாவட்டத்தில் அடுத்த 3 மணி நேரத்தில் மிதமான மழைக்கு வாய்ப்புள்ளதாக சென்னை வானிலை ஆய்வு மையம் தகவல் தெரிவித்துள்ளது.

வேலூரில் மழைக்கு வாய்ப்பு

சென்னையில் 19 கிலோ எடை கொண்ட வணிக பயன்பாட்டிற்கான சிலிண்டரின் விலை இன்று ரூ. 76 குறைந்துள்ளது. கடந்த மார்ச் மாதம் ஒரு வணிக எரிவாயு சிலிண்டரின் விலை ரூ. 2 ஆயிரத்து 258 ஆக இருந்தது குறிப்பிடத்தக்கது

வணிக பயன்பாட்டு சிலிண்டர் விலை குறைப்பு

வீடு வீடாகச் சென்று நடத்தும் கணக்கெடுப்பு சட்டத்திற்கு புறம்பாக தங்கியுள்ள புலம்பெயர்ந்தவர்களை கண்டுபிடிக்க உதவும். தேசிய குடிமகன் பதிவு தேவையெனில் மத்திய அரசிடம் இருந்து அதற்கு அங்கீகாரம் வேண்டும். அதை நாங்கள் தனியாக செய்ய முடியாது. நாங்கள் ஏற்கனவே அமைத்துள்ள கமிஷன் மூலம் புலம்பெயர்ந்து சட்டத்திற்கு புறம்பாக தங்கியுள்ளவர்களை கண்டுபிடிப்போம் என்று மணிப்பூர் முதல்வர் பைரன் சிங் தெரிவித்துள்ளார். &nbsp;&nbsp;&nbsp;

சட்டத்திற்கு புறம்பாக தங்கியுள்ள புலம் பெயர்ந்தவர்கள் குறித்து கணக்கெடுப்பு – மணிப்பூர் முதல்வர்

பாலியல் தொல்லை குற்றச்சாட்டில் சென்னை போலீஸ் முதல் தகவல் அறிக்கை பதிவு செய்ததையடுத்து கலாஷேத்ரா ருக்மிணி தேவி கலைக்கல்லூரி மாணவிகள் தங்கள் போராட்டத்தை கைவிட்டார்கள்.&nbsp;

கலாஷேத்ரா மாணவிகள் போராட்டம் வாபஸ்&nbsp;

போபால் – டெல்லி இடையே வந்தே பாரத் எக்ஸ்பிரஸ் சேவையை பிரதமர் மோடி இன்று கொடியசைத்து துவக்கி வைக்கிறார். 11வது வந்தே பாரத் எக்ஸ்பிரஸ் 708 கிலோ மீட்டர் தூரத்தை 7.45 மணி நேரத்தில் கடக்கிறது. மத்திய பிரதேசத்தின் ராணி கமலப்பட்டி ரயில் நிலையத்தில் இருந்து துவக்கி வைக்கிறார்.

போபால் – டெல்லி வந்தே பாரத் எக்ஸ்பிரஸ் சேவை இன்று துவக்கம்&nbsp;

சென்னையில் இன்று (ஏப்ரல்.1) ஒரு லிட்டர் பெட்ரோல் விலை ரூ.102.63க்கும், டீசல் விலை லிட்டருக்கு 94.24 ரூபாய்க்கும் விற்பனையாகிறது. இதன் மூலம் 315 ஆவது நாளாக பெட்ரோல், டீசல் விலையில் மாற்றம் இல்லாமல் விற்பனை செய்யப்படுகிறது.

இன்றைய பெட்ரோல் டீசல் விலையை தெரிஞ்சுக்கலாம் வாங்க!

<ul><li>இன்று (1-04-2023) தமிழ்நாடு, இந்தியா, உலகம், விளையாட்டு உள்ளிட்ட செய்திகளை உடனுக்குடன் தெரிந்து கொள்ள இந்தப் பக்கத்தில் இணைந்திருங்கள்</li></ul>

Petrol Diesel Price: இன்றைய பெட்ரோல் டீசல் விலையை தெரிஞ்சுக்கலாம் வாங்க!

சென்னையில் 315 ஆவது நாளாக பெட்ரோல், டீசல் விலையில் மாற்றம் இல்லை.

முன்னதாக எரிபொருள் விலை உயர்வால் பால், டீ, காய்கறிகள், இதர உணவுப் பொருட்களின் விலை அதிகரிக்கப்பட்டு இருந்தது.

இந்த நிலையில், விலை மாற்றமின்றி பெட்ரோல், டீசல் விலை இருந்து வருகிறது. பெட்ரோல், டீசல் விலை நிலவரத்தைப் பொருத்தவரை மாநிலங்களுக்கு மாநிலங்கள், மாவட்டங்களுக்கு மாவட்டங்கள் மாற்றம் ஏற்படும்.

பெட்ரோல் - டீசல் விலை உயர்வுக்கு காரணம் என்ன?

``உக்ரைன் - ரஷ்யா போரை அடுத்து உலக அளவில் எண்ணெய் விலை அதிகரித்தது. அதுமட்டுமல்லாமல், எண்ணெய் விநியோகிக்கும் தொடர் சங்கிலிகளில் சீர்குலைவு ஏற்பட்டது. அதன் விளைவாக பெட்ரோல், டீசல் விலை வரலாறு காணாத உயர்வு கண்டது" என கடந்த ஆண்டு மத்திய நிதியமைச்சர் நிர்மலா சீதாராமன் தெரிவித்திருந்தார்.

மேலும், ஐக்கிய முற்போக்குக் கூட்டணி அரசு 10 ஆண்டுகளுக்கும் மேலாக எண்ணெய் நிறுவனங்களுக்கு பாண்டுகளை வழங்கியதுதான் பெட்ரோல், டீசல் விலை உயர்வுக்குக் காரணம் எனவும் அவர் குற்றம் சாட்டியிருந்தார்.

இறக்குமதியை சார்ந்து தான் இந்தியா

இந்தியா, தன்னுடைய கச்சா எண்ணெய் தேவையில் 85 சதவீதம் இறக்குமதியை தான் சார்ந்து நமது நாடு உள்ளது. உக்ரைன் மற்றும் ரஷ்யா போருக்கு முன்னால் ஒரு பேரல் கச்சா எண்ணெய் விலைக்கும் தற்போதைய விலைக்கு இடையே மாறுபாடு உள்ளது.

நமது நாடு தன்னுடைய கச்சா எண்ணெய் தேவையை OPEC (organisation of petroleum exporting countries) என்னும் அமெரிக்க ஆதரவு பெற்ற அரேபிய கூட்டமைப்பு மூலமும், ரஷ்யாவிலிருந்து பெரும்பாலும் நிறைவு செய்து கொள்கிறது.

மாற்று என்ன?

பெட்ரோல்-டீசல் விலை தொடர்ந்து ஏறிக் கொண்டேதான் இருக்கப் போகிறது என்பது தெரிகிறது. இதற்கு மாற்றாக பேட்டரியில் இயங்கும் மின்சார வாகனங்களை பயன்படுத்தலாம் என்கின்றனர் வல்லுநர்கள்.

மின்சார வாகனங்களை வாங்குவோரை ஊக்குவிக்கும் நோக்கில் 100 சதவீத வரி விலக்கை தமிழக அரசு அளிக்க முன்வந்துள்ளது இங்கே குறிப்பிடத்தக்கது.

தமிழ்நாடு மோட்டார் வாகன வரிவிதிப்பு சட்டம், 1974 பிரிவு 20 மூலம் வழங்கப்பட்ட அதிகாரிகளைப் பயன்படுத்தி விலக்கு அளிக்கப்பட்டுள்ளது. மின்சார வாகனங்களுக்கு 2025-ம் ஆண்டு வரை 100 சதவீதம் வரிவிலக்கு அளிக்கப்படும். 2023 ஜனவரி 1ஆம் தேதி முதல் 2025 டிசம்பர் 31-ஆம் தேதி வரை மின்சார வாகனங்களுக்கு 100 சதவீத வரி விலக்கு அளிக்கப்பட்டுள்ளது என்று அந்த அறிக்கையில் தெரிவிக்கப்பட்டுள்ளது.

தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.

<ul><li>315 ஆவது நாளாக பெட்ரோல், டீசல் விலையில் மாற்றம் இல்லாமல் விற்பனை செய்யப்படுகிறது.</li></ul>

Pandeeswari Gurusamy