March Sports Rewind: தங்கம் வென்ற நிகாத் ஜரீன், முதல் WPL.. மேலும் பல நிகழ்வுகள்

paragraph

மார்ச் 1: இந்திய ஆல்-ரவுண்டர் ரவீந்திர ஜடேஜா, சர்வதேச கிரிக்கெட்டில் 500 விக்கெட்டுகளை எடுத்து சாதனை படைத்தார். அத்தகைய சாதனையை படைத்த 2 வது இந்திய வீரர் ஆனார் ஜடேஜா. முதல் வீரர் கபில் தேவ்.

இரானி கோப்பை கிரிக்கெட்டில் யஷஸ்வி ஜெய்ஸ்வால் இரட்டை சதம் விளாசினார்

மார்ச் 2: இந்திய இளம் கிராண்ட்மாஸ்டரும், சென்னையைச் சேர்ந்தவருமான டி.குகேஷ், ஆசிய செஸ் கூட்டமைப்பின் 2022 சிறந்த வீரர் விருதை வென்றார்.

மார்ச் 3: இந்தூர் டெஸ்டில் ஆஸி., அணி 9 விக்கெட் வித்தியாசத்தில் அபார வெற்றி பெற்றது.

மார்ச் 4: இந்தியாவில் முதல் முறையாக மகளிர் ஐபிஎல் கிரிக்கெட் போட்டி தொடங்கியது. முதல் ஆட்டத்தில் குஜராத் ஜெயன்ட்ஸ் அணியை மும்பை இந்தியன்ஸ் அணி 143 ரன்கள் வித்தியாசத்தில் வீழ்த்தி வெற்றியுடன் தொடங்கியது.

துபாயில் டூட்டி ப்ரி டென்னிஸ் சாம்பியன்ஷிப் போட்டியில் ஆடவர் ஒற்றையர் பிரிவில் ரஷ்ய வீரர் டேனில் மெத்வதேவ் சாம்பியன் ஆனார்.

தாய்லாந்தில் நடந்த உலகக் கோப்பை மகளிர் ஸ்னூக்கர் போட்டியில் தமிழக வீராங்கனை அனுபமா 2வது தங்கப் பதக்கத்தை வென்றார்.

மார்ச் 5: இந்திய டென்னிஸ் முகமாக 20 ஆண்டுகள் திகழ்ந்துவரும் சானியா மிர்ஸா, டென்னிஸ் வாழ்க்கையை நிறைவு செய்தார்.

சந்தோஷ் கோப்பை கால்பந்து போட்டியில் கர்நாடக அணி சாம்பியன் பட்டம் வென்றது. 54 ஆண்டுகளுக்கு பிறகு கர்நாடக அணி வெற்றி பெற்றது மட்டுமல்லாமல், முதல் முறையாக சந்தோஷ் கோப்பை கால்பந்து போட்டி வெளிநாட்டில் (சவுதி அரேபியா) நடந்தது.

மார்ச் 6: ஸ்பெயினில் நடந்த சர்வதேச பாரா பாட்மிண்டன் போட்டியில் இந்தியா 4 தங்கம், 2 வெள்ளி, 4 வெண்கலம் என 10 பதக்கங்களை வென்று அசத்தியது.

மார்ச் 12: ஆஸி., க்கு எதிரான கடைசி மற்றும் 4வது டெஸ்ட் கிரிக்கெட்டில் கோலி சதம் விளாசினார். இது 3 ஆண்டுகளுக்குப் பிறகு அவர் விளாசிய சதம் ஆகும். அவர் மொத்தம் 186 ரன்கள் எடுத்தார்.

மார்ச் 13: பார்டர்-கவாஸ்கர் டெஸ்ட் தொடரை இந்தியா வென்றது. அத்துடன், உலக டெஸ்ட் சாம்பியன்ஷிப் போட்டிக்கும் தகுதி பெற்றது.

ind vs aus 1st test 

மார்ச் 16: தலைநகர் டெல்லியில் மகளிருக்கான 13வது உலக குத்துச்சண்டை சாம்பியன்ஷிப் போட்டி தொடங்கியது. இந்தியாவில் இப்போட்டி நடப்பது மூன்றாவது முறை.

மார்ச் 17: ஆஸி., க்கு எதிரான முதல் ஒரு நாள் ஆட்டத்தில் இந்தியா 5 விக்கெட் வித்தியாசத்தில் வென்றது.

மார்ச் 18: ஐஎஸ்எல் கால்பந்து போட்டியில் மோகன் பகான் அணி பெங்களூர் எஃப்சியை வீழ்த்தி சாம்பியன் ஆனது.

இங்கிலாந்துக்கு எதிரான டெஸ்டில் நியூசி., வீரர்கள் கேன் வில்லியம்சன், ஹென்றி நிகோலஸ் ஆகியோர் இரட்டை சதம் விளாசி அசத்தினர்.

மார்ச் 19: இந்தியாவை 2வது ஒரு நாள் கிரிக்கெட்டில் 10 விக்கெட்டில் வீழ்த்தியது ஆஸி.,

மார்ச் 20: சர்வதேச துப்பாக்கிச் சுடுதல் சம்மேளனம் சார்பில் மத்தியப் பிரதேச மாநிலம், போபாலில் உலகக் கோப்பை ரைபிள், பிஸ்டல் சாம்பியன்ஷிப் போட்டி தொடங்கியது.

அமெரிக்காவில் நடந்த இண்டியன் வெல்ஸ் மாஸ்டர்ஸ் டென்னிஸ் போட்டியில் ஸ்பெயின் வீரர் கார்லோஸ் அல்கராஸ், கஜகஸ்தான் வீராங்கனை எலனா ரைபாகினா ஆகியோர் சாம்பியன் பட்டம் வென்றனர்.

மார்ச் 22: சென்னையில் நடந்த 3வது ஒரு நாள் ஆட்டத்திலும் ஆஸி., வென்று தொடரை 2-1 என்ற கணக்கில் கைப்பற்றியது.

மார்ச் 25: டெல்லியில் நடந்த மகளிர் உலக குத்துச்சண்டை சாம்பியன்ஷிப்பில் இந்தியாவின் நீது கங்காஸ், சவீதி போரா முறையே தங்கள் எடைப்பிரிவில் உலக சாம்பியன் பட்டம் வென்றனர்.

மார்ச் 26: டெல்லியில் நடந்த மகளிர் உலக குத்துச்சண்டை சாம்பியன்ஷிப்பில் இந்தியாவின் நிகாத் ஜரீன், லவ்லினா ஆகியோர் முறையே தங்கள் எடைப்பிரிவில் சாம்பியன் பட்டம் வென்றனர்.

முதல் மகளிர் ஐபிஎல் கிரிக்கெட்டில் மும்பை இந்தியன்ஸ் அணி சாம்பியன் பட்டம் வென்றது.

ஸ்விஸ் ஓபன் பாட்மிண்டன் சாம்பியன் போட்டியில் ஆடவர் இரட்டையர் பிரிவில் இந்தியாவின் சாத்விக்-சிராக் ஜோடி சாம்பியன் ஆகியது.

மார்ச் 27: கேரளத்தில் இந்தியன் கிராண்ட் ப்ரீ 2 தடகள போட்டியில் மகளிருக்கான 100 மீட்டர் மற்றும் 200 மீட்டர் ஓட்டப் பந்தயங்களில் தமிழக வீராங்கனை அர்ச்சனா சுசீந்திரன் தங்கம் வென்றார்.

84வது சீனியர் தேசிய டேபிள் டென்னிஸ் போட்டியில் ஆடவர் பிரிவில் தமிழகத்தைச் சேர்ந்த ஜி.சத்தியன், மகளிர் பிரிவில் ஸ்ரீஜா அகுலா ஆகியோர் சாம்பியன் ஆகினர்.

மார்ச் 31: 16 ஐபிஎல் கிரிக்கெட் போட்டி இன்று தொடங்குகிறது. முதல் ஆட்டத்தில் முன்னாள் சாம்பியன் சிஎஸ்கேவும், நடப்பு சாம்பியன் குஜராத் டைட்டன்ஸ் அணியும் மோதுகின்றன.

IPL : பேட்டிங்கில் ரன்களை குவித்திருக்கலாம் – தோல்விக்கான காரணம் பகிர்ந்த தோனி

IPL 2023 : 16வது ஐபிஎல் போட்டிகளில் நேற்று குஜராத் அணியிடம் சென்னை சூப்பர் கிங்ஸ் அணி தோற்றது. பேட்டிங்கில் அதிக ரன் குவித்திருக்கலாம் என்று சென்னை அணியின் கேப்டன் தோனி கருத்து தெரிவித்துள்ளார். &nbsp;&nbsp;

IPL 2023: இன்று டபுள் ட்ரீட்! யாருக்கு வெற்றி வாய்ப்பு அதிகம்?

<ul><li>ஐபிஎல் 2023 தொடரின் இரண்டாவது நாளான இன்று மாலை, இரவு என இரண்டு போட்டிகள் நடைபெறவுள்ளன. முதல் போட்டியில் உள்ளூர் மைதானத்தில் விளையாடிய குஜராத் வெற்றி பெற்ற நிலையில், இன்றைய போட்டியில் பஞ்சாப், லக்னெள அணிகள் உள்ளூர் மைதானத்தில் விளையாடவுள்ளனர்.</li></ul>

IPL Impact Player: வரலாற்றில் முதல் ‘இம்பேக்ட் ப்ளையர்’ ஆனார் துஷார் தேஷ்பாண்டே!

<ul><li>Tushar Deshpande: குஜராத்திற்கு எதிராக களமிறங்கிய சென்னை அணியின் அம்பாதி ராயுடு பேட்டிங் செய்த நிலையில், சென்னை அணி பீல்டிங் செய்யும் போது, அவருக்கு பதிலாக ‘இம்பேக்ட் ப்ளையர்’ முறையில் துஷார் தேஷ்பாண்டே மாற்றப்பட்டார்.</li></ul>

HBD MuraliVijay:பத்து ஆண்டுகள் இந்திய டெஸ்ட் கிரிக்கெட்டில் கெத்து காட்டிய விஜய்

<ul><li>இந்திய டெஸ்ட் அணியில் மாற்று வீரராக கிடைத்த வாய்ப்பு நன்கு பயன்படுத்தி அஸ்திவாரம் அமைத்துக்கொண்ட முரளி விஜய் பின்னாளில் அணியின் பிரதான வீரராக மாறியதுடன் முக்கிய ஆட்டங்களில் சிறப்பான பங்களிப்பும் அளித்தார்.</li></ul>

Important Sports News From March 2023: மார்ச் 5ம் தேதி இந்திய டென்னிஸ் முகமாக 20 ஆண்டுகள் திகழ்ந்துவரும் சானியா மிர்ஸா, டென்னிஸ் வாழ்க்கையை நிறைவு செய்தார்.

IPL 2023: ஐபிஎல் திருவிழா இன்று ஆரம்பம்.. முதல் ஆட்டத்தில் CSK vs GT மோதல்

இந்தியன் ப்ரீமியர் லீக் (IPL)எனப்படும் ஆடவர் ஐபிஎல் டி20 கிரிக்கெட் போட்டி மார்ச் 31ம் தேதி தொடங்கி மே 28ம் தேதி வரை நடைபெறவுள்ளது.

இந்தியாவின் பல்வேறு நகரங்களில் நடைபெறவுள்ள 16வது சீசன் ஐபிஎல் போட்டியில் 10 அணிகள் பங்கேற்று விளையாடவுள்ளன.

சிஎஸ்கே, ராஜஸ்தான் ராயல்ஸ், சன்ரைசர்ஸ் ஐதராபாத், குஜராத் டைட்டன்ஸ், கொல்கத்தா நைட் ரைடர்ஸ், பஞ்சாப் கிங்ஸ், டெல்லி கேபிட்டல்ஸ், ராயல் சேலஞ்சர்ஸ் பெங்களூர், மும்பை இந்தியன்ஸ், லக்னோ சூப்பர் ஜெயன்ட்ஸ் ஆகிய அணிகள் விளையாடுகின்றன.

2023 சீசன் ஐபிஎல் தொடரின் முதல் ஆட்டத்தில் 4 முறை சாம்பியனான எம்.எஸ்.தோனி தலைமையிலான சிஎஸ்கேவும், நடப்பு சாம்பியனான ஹர்திக் பாண்டியா தலைமையிலான குஜராத் டைட்டன்ஸ் அணியும் இன்று (மார்ச் 31ம் தேதி) குஜராத் மாநிலம், அகமதாபாத் நகரில் உள்ள உலகின் மிகப் பெரிய ஸ்டேடியமான நரேந்திர மோடி ஸ்டேடியத்தில் மோதுகின்றன.

2021ம் ஆண்டு சாம்பியன் சிஎஸ்கேவும், நடப்புச் சாம்பியன் குஜராத் டைட்டன்ஸ் அணியும் இன்று கோதாவில் குதிக்கின்றன.

இந்தப் போட்டியில் பங்கேற்பதற்காக சிஎஸ்கே அணியினர் அகமதாபாத் நகருக்கு சென்றடைந்தனர்.

இந்த முறையும் சிஎஸ்கே அணி தோனி தலைமையில் களமிறங்குகிறது. டெவன் கான்வே, ருதுராஜ் கெய்க்வாட், அம்பதி ராயுடு, மொயீன் அலி, பென் ஸ்டோக்ஸ், ஷிவம் துபே, ஜடேஜா, பிரெடோரியஸ், தீபக் சஹர் என வலுவான வீரர்கள் சிஎஸ்கேவில் இடம்பிடித்துள்ளார்.

ஹர்திக் பாண்டியா தலைமையிலான குஜராத் அணி அறிமுகமான முதல் சீசனிலேயே கோப்பையைக் கைப்பற்றி அனைவரையும் திரும்பிப் பார்க்க வைத்தது.

அந்த அணியில் பாண்டியா, மேத்யூ வேட் (விக்கெட் கீப்பர்), சுப்மன் கில், கேன் வில்லியம்சன், ராகுல் தெவாடியா, ரஷித் கான், ஷிவம் மாவி, முகமது ஷமி, ஸ்ரீகர் பரத், ரித்திமான் சஹா, சாய் சுதர்ஷன், விஜய் சங்கர் உள்ளிட்ட வீரர்கள் உள்ளனர்.

கடந்த ஆண்டு சிஎஸ்கே அணி புள்ளிப் பட்டியலில் 9வது இடத்தில் இருந்தது.

இந்த ஆண்டு பென் ஸ்டோக்ஸ், ஜடேஜா, மொயீன் அலி என ஆல்-ரவுண்டர்களுடன் களம் காண்பதால் சீறிப் பாயும் என எதிர்பார்க்கலாம்.

<blockquote class="twitter-tweet">Warming Up to the <a href="https://twitter.com/hashtag/WhistleRains?src=hash&amp;ref_src=twsrc%5Etfw">#WhistleRains</a> tomorrow 🦁💛 <a href="https://t.co/UWRjdEKFZU">pic.twitter.com/UWRjdEKFZU</a>&mdash; Chennai Super Kings (@ChennaiIPL) <a href="https://twitter.com/ChennaiIPL/status/1641455232784936963?ref_src=twsrc%5Etfw">March 30, 2023</a></blockquote> <script async src="https://platform.twitter.com/widgets.js" charset="utf-8"></script>

இந்த சீசன் ஐபிஎல் தான் தோனிக்கு கடைசி ஐபிஎல்-ஆக இருக்கும் என்று கூறப்படுவதால் தொடக்க ஆட்டத்தில் இருந்து வீரர்கள் சிறப்பாக விளையாடுவார்கள் என எதிர்பார்க்கலாம். இரு அணி வீரர்களும் தீவிர பயிற்சியில் ஈடுபட்டு தயார் நிலையில் உள்ளனர்.

யெல்லோ ஆர்மியும் அகமதாபாத்தில் குவியத் தொடங்கிவிட்டனர். தொடக்க நிகழ்ச்சியில் நடிகை தமன்ன நடனம் ஆடப்போவதாக தகவல்கள் வெளியாகியுள்ளன.

வழக்கம்போல் கோலாகலமாக 16வது ஐபிஎல் போட்டிகள் தொடங்குகிறது. இன்றிரவு 7.30 மணிக்கு முதல் ஆட்டம் தொடங்குகிறது. ஜியோ சினிமா செயலியில் ஐபிஎல் போட்டிகளை காணலாம்.

Indian Premier Leauge: இந்த ஆண்டு பென் ஸ்டோக்ஸ், ஜடேஜா, மொயீன் அலி என ஆல்-ரவுண்டர்களுடன் களம் காண்பதால் சீறிப் பாயும் என எதிர்பார்க்கலாம்.

HBD Hasim Amla: தென் ஆப்பிரிக்காவுக்காக டெஸ்டில் அதிக ஸ்கோரை பதிவு செய்த வீரர்!

ஹசிம் அம்லா, தென் ஆப்பிரிக்க அணியின் முன்னாள் வீரர் ஆவார். தென் ஆப்பிரிக்க அணிக்காக ஒரு நாள், டி20, டெஸ்ட் ஆகிய 3 வடிவிலான கிரிக்கெட்டிலும் விளையாடி தனக்கென தனி முத்திரையை பதித்தவர்.

அவருக்கு இன்று (மார்ச் 31) பிறந்த நாள். தென் ஆப்பிரிக்காவின் டர்பன் நகரில் 1983ம் ஆண்டு பிறந்தார் ஹசிம் அம்லா. இந்திய வம்சாவளியைச் சேர்ந்த முஸ்லிம் குடும்பத்தைச் சேர்ந்தவர். சூரத் நகரில் இருந்து இவரது தாத்தா தென் ஆப்பிரிக்காவிற்கு 1927-ம் ஆண்டு குடிபெயர்ந்தார்.

டர்பன் உயர்நிலைப் பள்ளியில் படித்த அம்லாவின் சகோதரர் அகமது அம்லாவும் கிரிக்கெட் வீரர் தான். ஹசிம் அம்லா, தென் ஆப்பிரிக்கா டெஸ்ட் அணிக்காக 2004ம் ஆண்டு இந்தியாவிற்கு எதிரான ஆட்டத்தில் அறிமுகமானார். அவர் தென் ஆப்பிரிக்க அணியில் 295-வது டெஸ்ட் வீரர் ஆவார்.

வலது கை ஆட்டக்காரரான இவர், தென் ஆப்பிரிக்கா டெஸ்ட் அணியை 2014 ஜூன் மாதம் முதல் 2016 ஜனவரி வரை வழி நடத்தியிருக்கிறார்.

தென் ஆப்பிரிக்காவுக்காக டெஸ்ட் கிரிக்கெட்டில் 311 ரன்கள் எடுத்து சாதனை படைத்துள்ளார். 2012ம் ஆண்டு இங்கிலாந்துக்கு எதிரான ஆட்டத்தில் அவர் இந்தச் சாதனையை நிகழ்த்தினார். அவர் கடைசி வரை அந்த ஆட்டத்தில் ஆட்டமிழக்கவில்லை என்பது குறிப்பிடத்தக்கது.

இதுவே இதுவரை டெஸ்ட் கிரிக்கெட்டில் தென் ஆப்பிரிக்க வீரர் ஒருவர் எடுத்த அதிகபட்ச ரன்னாக உள்ளது.

அவருக்கு அடுத்த இடத்தில்தான் ஏபி டி வில்லியர்ஸ் உள்ளார். அவர் 278 ரன்கள் நாட் அவுட் சாதனையை வைத்திருக்கிறார்.

ஒருநாள் சர்வதேச கிரிக்கெட்டில் அதிவேகமாக 15, 16, 17, 18 மற்றும் 20வது சதங்களை பதிவு செய்த வீரர் என்ற பெருமையையும் பெற்றிருக்கிறார் ஹசிம் அம்லா.

மொத்தம் 124 டெஸ்ட் ஆட்டங்களில் விளையாடியுள்ள இவர், 9,282 ரன்களை குவித்துள்ளார். அதில் 28 சதங்களும், 41 அரை சதங்களும் அடங்கும்.

ஒரு நாள் கிரிக்கெட்டில் 2008ம் ஆண்டு வங்கதேசத்திற்கு எதிரான ஆட்டத்தில் அறிமுகமானார் அம்லா. மொத்தம் 181 ஒரு நாள் கிரிக்கெட் ஆட்டங்களில் விளையாடியுள்ள அவர், மொத்தம் 8,113 ரன்களைக் குவித்துள்ளார்.

அதில் 27 சதங்களும், 39 அரை சதங்களும் அடங்கும். ஒரு நாள் கிரிக்கெட்டில் இவரது அதிகபட்ச ஸ்கோர் 159.

டி20 கிரிக்கெட்டில் அம்லா, 2009ம் ஆண்டு ஆஸ்திரேலியாவுக்கு எதிரான ஆட்டத்தில் அறிமுகமானார்.

மொத்தம் 44 டி20 ஆட்டங்களில் விளையாடியுள்ள அவர், 1,277 ரன்களை பதிவு செய்துள்ளார். அதில் 8 அரை சதங்கள் அடங்கும்.

அனைத்து வகையிலான கிரிக்கெட்டிலும் இருந்தும் கடந்த ஜனவரி 18ம் தேதி அவர் ஓய்வு பெறுவதாக அறிவித்தார் அம்லா.

&nbsp;South Africa Team: ஒருநாள் சர்வதேச கிரிக்கெட்டில் அதிவேகமாக 15, 16, 17, 18 மற்றும் 20வது சதங்களை பதிவு செய்த வீரர் என்ற பெருமையையும் பெற்றிருக்கிறார் ஹசிம் அம்லா.

Rain, thunderstorm lashes Delhi: தலைநகரில் இடி மின்னலுடன் மழை! Photos இதோ

Rain, thunderstorm lashes Delhi: நாட்டின் தலைநகர் டெல்லியில் இடி மின்னலுடன் திடீரென இன்று மழை பெய்தது. அப்போது பல்வேறு பகுதிகளில் எடுக்கப்பட்ட வித்தியாசமான புகைப்படங்களை இங்கே காணலாம்.

CSK: சீறிப் பாய காத்திருக்கும் 'சிங்கங்கள்'

slide

ஐபிஎல் கோப்பையுடன் தோனி உள்பட 10 அணிகளின் கேப்டன்கள்

செல்பி எடுத்த பவுலிங் கோச் பிராவோ

தீபக் சஹர் உடன் தோனி எடுத்த செல்பி

பென் ஸ்டோக்ஸ், மொயீன் அலி

ஓபனிங் கிங் ருதுராஜ் கெய்க்வாட்

சென்னை சூப்பர் கிங்ஸ் அணி வீரர்களின் புகைப்படங்கள் இதோ.

IPS Promotion: 14 ஐபிஎஸ் அதிகாரிகளுக்கு பதவி உயர்வு வழங்கி தமிழக அரசு உத்தரவு

14 ஐ.பி.எஸ். அதிகாரிகளுக்கு பதவி உயர்வு வழங்கி தமிழக அரசு உத்தரவிட்டுள்ளது. மேலும் சில ஐ.பி.எஸ். அதிகாரிகளை பணியிடமாறுதலும் செய்துள்ளது.

இதுதொடர்பாக வெளியிடப்பட்ட தமிழக அரசின் உத்தரவில் கூறப்பட்டுள்ளதாவது:

வேலூரில் காவல் ஆட்சேர்ப்பு பள்ளியில் ஏ.எஸ்.பி.யாக இருந்த டி.அசோக்குமாருக்கு பதவி உயர்வு அளிக்கப்பட்டுள்ளது. அவர் வேலூர் மாவட்ட சேவூர் XV பட்டாலியன் தமிழ்நாடு சிறப்பு போலீஸ், எஸ்.பி.யாக பதவி உயர்வு பெறுகிறார்.

செங்கல்பட்டு மாவட்ட சைபர் கிரைம் பிரிவு ஏ.எஸ்.பி வி.பொன்ராமு, சென்னை ரயில்வே எஸ்.பி.யாக பதவி உயர்த்தப்பட்டுள்ளார்.

அரியலூர் மாவட்ட சைபர் கிரைம் பிரிவு ஏ.எஸ்.பியான பி.ரவிசேகரன், சென்னை ஐ.ஜி. தலைமையகத்தில் எஸ்.பி.யாக பதவி உயர்த்தப்பட்டு பணியமர்த்தப்படுகிறார்.

திருச்சி ஏ.எஸ்.பி.யான வி.எம்.பி. ஆசைத்தம்பி, திருப்பூர் நகர எஸ்.பி.யாக பதவி உயர்த்தப்பட்டுள்ளார்.

ராணிப்பேட்டை சைபர் கிரைம் பிரிவு ஏ.எஸ்.பி.யான பி. முத்துக்கருப்பன், பழனி XIV பட்டாலியன் தமிழ்நாடு சிறப்பு போலீஸ் படைக்கு எஸ்.பி.யாக பதவி உயர்வு அளிக்கப்பட்டுள்ளது.

ஈரோடு மாவட்ட சைபர் கிரைம் பிரிவு ஏ.எஸ்.பி.யான பி.ஜானகிராம், நாமக்கல் மாவட்ட சைபர் கிரைம் பிரிவு ஏ.எஸ்.பியான எஸ். சந்திரமெளலி, பழனி தமிழ்நாடு போலீஸ் XIV பட்டாலியன் ஏ.எஸ்.பியான டி.மங்கலேஸ்வரன், வேலூர் மாவட்ட சைபர் கிரைம் பிரிவு ஏ.எஸ்.பி.யான டி.குணசேகரன், தர்மபுரி மாவட்ட ஏ.எஸ்.பி.யான பி.அண்ணாமலை, திருநெல்வேலி மாவட்ட பெண்கள் மற்றும் குழந்தைகள் குற்றத் தடுப்புப் பிரிவு கூடுதல் எஸ்.பி.யான எஸ்.மாரிராஜன், நீலகரி மாவட்ட சைபர் கிரைம் பிரிவு கூடுதல் எஸ்.பி.யான ஏ.மோகன் நவாஸ், திருவண்ணாமலை மாவட்ட சைபர் கிரைம் பிரிவு கூடுதல் எஸ்.பி.யான வி. சுப்பராஜ், ஆவடி சைபர் கிரைம் பிரிவு கூடுதல் துணை ஆணையர் எச்.கங்கைராஜ் ஆகியோர் எஸ்.பி.யாக பதவி உயர்வு பெற்றுள்ளனர்.

மதுரை காவல் துணை ஆணையர் கெளதம் கோயல், சேலம் காவல் துறை துணை ஆணையராகவும், வேலூர் தமிழ்நாடு சிறப்பு போலீஸ்-XV பட்டாலியன் எஸ்.பி.யான எம்.சந்திரசேகரன், , சென்னை கடலோர அமலாக்கப் பிரிவு எஸ்.பி.யாகவும் பணியிடமாற்றம் செய்யப்பட்டுள்ளனர்.

மத்திய கிரைம் பிராஞ்ச்-II துணை ஆணையர் கே.மீனா, கிரேட்டர் சென்னை காவல் துறை சென்ட்ரல் கிரைம் பிராஞ்ச்-II துணை ஆணையராகவே தக்கவைக்கப்பட்டுள்ளார்.

சென்னை நுண்ணறிவு பிரிவு-II காவல் துறை துணை ஆணையர் எஸ்.சக்திவேல், கொளத்தூர் காவல் துணை ஆணையராக நியமனம் செய்யப்பட்டுள்ளார்.

நிர்வாகத் துறை துணை காவல் ஆணையரான எம்.ராமமூர்த்தி, சென்னை நுண்ணறிவு பிரிவு-II காவல் துறை துணை ஆணையராக பணியிடமாற்றம் செய்யப்பட்டுள்ளார்.

பழனி தமிழ்நாடு சிறப்பு போலீஸ் XIV பட்டாலியன் காவல் கண்காணிப்பாளர் எஸ்.அய்யாசாமி, பூந்தமல்லி தமிழ்நாடு சிறப்பு போலீஸ், XIII பட்டாலியன் படைத்தலைவராக (Commandant) பணியிடமாற்றம் செய்யப்பட்டுள்ளார்.

பதவி உயர்வு, பணியிடமாற்றம் உடனடியாக அமலுக்கு வருகிறது என்று அந்த உத்தரவில் தெரிவிக்கப்பட்டுள்ளது.

கொளத்தூர் முதல்வர் மு.க.ஸ்டாலின் தொகுதி என்பது குறிப்பிடத்தக்கது. அங்கு எஸ்.சக்திவேல் காவல் துணை ஆணையராக நியமனம் செய்யப்பட்டுள்ளார்.&nbsp;

document

Mask Mandatory : மக்களே கவனியுங்கள்.. இன்று முதல் முகக்கவசம் கட்டாயம்!

Corona Virus : கொரோனா பரவல் அதிகரித்து வருவதால் இன்று முதல் அரசு மருத்துவமனைகளில் முகக்கவசம் கட்டாயமாக்கப்பட்டுள்ளது.

ஐஸ் வைத்த விஜயபாஸ்கர்! கலாய்த்துவிட்ட துரைமுருகன்! பேரவையில் சிரிப்பலை!

<ul><li>வாடிய பயிரை வாடும்போதெல்லாம் வாடிய வள்ளலார் போல் நீங்கள் நிதியை தந்து திட்டத்தை நிறைவேற்ற வேண்டும் என துரைமுருகனுக்கு ஐஸ் வைத்து பேசினார் சி.விஜயபாஸ்கர்</li></ul>

Madurai Kamaraj University: மாணவிகளிடம் தரக்குறைவாக பேசிய பேராசிரியர் கைது!

மாணவ மாணவிகளிடம் தவறாக பேசியது சாதிக் கலவரத்தை தூண்டும் வகையில் பேசியது உள்ளிட்ட குற்றச்சாட்டுகள் நிரூபிக்கப்பட்டதால் அவரை நாகமலை புதுக்கோட்டை போலீசார் வன்கொடுமை சட்டத்தின் கீழ் பேராசிரியரை கைது செய்துள்ளனர்.

குமரியில் சோகம்..தண்ணீர் என நினைத்து பூச்சி மருந்தை குடித்த தொழிலாளி உயிரிழப்பு!

<ul><li>அழகியபாண்டியபுரம் அருகே தண்ணீர் என நினைத்து பூச்சி மருந்தை குடித்த தொழிலாளி உயிரிழந்த சம்பவம் சோகத்தை ஏற்படுத்தியுள்ளது.</li></ul>

Tamilnadu Government: கொளத்தூர் முதல்வர் மு.க.ஸ்டாலின் தொகுதி என்பது குறிப்பிடத்தக்கது. அங்கு எஸ்.சக்திவேல் காவல் துணை ஆணையராக நியமனம் செய்யப்பட்டுள்ளார்.&nbsp;

TNSTC-இல் பணிபுரிந்து ஓய்வு பெற்றவர்களுக்காக ரூ.1031 கோடி ஒதுக்கிய முதல்வர்!

தமிழ்நாடு அரசுப் போக்குவரத்துக் கழகங்களில் பணிபுரிந்து, ஏப்ரல்-2022 முதல் நவம்பர்-2022 வரை ஓய்வு பெற்ற, விருப்ப ஓய்வு பெற்ற மற்றும் உயிரிழந்த பணியாளர்கள் என மொத்தம் 3,414 நபர்களுக்கு வருங்கால வைப்புநிதி, பணிக்கொடை, விடுப்பு ஒப்படைப்புத் தொகை மற்றும் ஓய்வூதிய ஒப்படைப்புத் தொகையாக ரூ.1031.32 கோடி வழங்கிட தமிழ்நாடு முதலமைச்சர் மு.க. ஸ்டாலின் உத்தரவு பிறப்பித்துள்ளார்.

இதுதொடர்பாக வெளியிடப்பட்டுள்ள செய்திக்குறிப்பில் கூறப்பட்டுள்ளதாவது:

அரசு போக்குவரத்துக் கழகங்கள் வாயிலாக மக்களுக்கான அத்தியாவசிய பேருந்து சேவைகளை குறைந்த கட்டணத்தில் வழங்கி வருவதோடு, அனைத்து கிராமப் பகுதிகளுக்கும் பேருந்து பயண வசதியை ஏற்படுத்தி மாநிலம் முழுவதும் தடையற்ற போக்குவரத்து சேவையை தமிழ்நாடு அரசு அளித்து வருகிறது.

அத்துடன் அரசு மற்றும் அரசு உதவிபெறும் பள்ளிகளில் பயிலும் மாணவ, மாணவியர், அரசு கல்லூரிகள் மற்றும் அரசு தொழிற்பயிற்சி நிலையங்களில் பயிலும் மாணவ, மாணவியர், மாற்றுத்திறனாளிகள் மற்றும் திருநங்கைகளுக்கு இலவச பேருந்து பயணச் சலுகை போன்ற பல்வேறு திட்டங்களையும் அரசு செயல்படுத்தி வருகிறது.

இத்திட்டத்திற்கெல்லாம் முத்தாய்ப்பாக தமிழ்நாடு அரசின் சாதாரண நகர கட்டண பேருந்துகளில் மகளிர் கட்டணமில்லாமல் பயணம் மேற்கொள்வதற்காக&nbsp;“மகளிர் கட்டணமில்லா பயணம்” என்ற முத்தான திட்டம், தமிழ்நாடு முதலமைச்சர் மு.க. ஸ்டாலின் அவர்களால் 7.5.2021 அன்று முதலமைச்சராக பொறுப்பேற்றவுடன் முதல் கையெழுத்திடப்பட்டு, சிறப்பாக இத்திட்டம் செயல்படுத்தப்பட்டு வருகிறது. இத்திட்டத்திற்காக 2023-24 ஆம் நிதியாண்டில் ரூ.2,800 கோடி ஒதுக்கீடு செய்யப்பட்டுள்ளது.&nbsp;

தமிழ்நாடு அரசு போக்குவரத்துக் கழகங்களில் பணிபுரியும் தொழிலாளர்களின் வாழ்வு வளம்பெற இவ்வரசு பல்வேறு நடவடிக்கைகளை மேற்கொண்டு வருகிறது.

அந்த வகையில், முதலமைச்சர் உத்தரவின்படி, முதற்கட்டமாக 1.12.2022 அன்று தமிழ்நாடு அரசுப் போக்குவரத்துக் கழகங்களில் கடந்த மே-2020 முதல் மார்ச்-2021 வரை பணிபுரிந்து விருப்ப ஓய்வு பெற்ற மற்றும் உயிரிழந்த பணியாளர்கள், என மொத்தம் 1,241 நபர்களுக்கு வருங்கால வைப்புநிதி, பணிக்கொடை, விடுப்பு ஒப்படைப்புத் தொகை மற்றும் ஓய்வூதிய ஒப்படைப்புத் தொகை உள்ளிட்ட பணப் பலன்கள் ரூ.242.67 கோடியும், இரண்டாம் கட்டமாக,&nbsp; 27.03.2023 அன்று,&nbsp; தமிழ்நாடு அரசுப் போக்குவரத்துக் கழகங்களில் ஏப்ரல்-2021 முதல் மார்ச்-2022 வரை பணிபுரிந்து விருப்ப ஓய்வு பெற்ற மற்றும் உயிரிழந்த பணியாளர்கள், என மொத்தம் 1,626&nbsp;நபர்களுக்கு வருங்கால வைப்புநிதி, பணிக்கொடை, விடுப்பு ஒப்படைப்புத் தொகை மற்றும் ஓய்வூதிய ஒப்படைப்புத் தொகை உள்ளிட்ட பணப் பலன்கள்&nbsp;

ரூ.308.45&nbsp;கோடியும்&nbsp;மாண்புமிகு போக்குவரத்துத் துறை அமைச்சரால்&nbsp;வழங்கப்பட்டது.

இதனைத் தொடர்ந்து, தமிழ்நாடு அரசுப் போக்குவரத்துக் கழகங்களின் கடும் நிதி நெருக்கடியிலும், தொழிலாளர்களின் நலனில் மிகுந்த அக்கறை கொண்ட முதலமைச்சர், கருணை உள்ளத்தோடு, தமிழ்நாடு அரசுப் போக்குவரத்துக் கழகங்களில் கடந்த ஏப்ரல்-2022 முதல் நவம்பர்-2022 வரை பணிபுரிந்து ஓய்வு பெற்ற, விருப்ப ஓய்வு பெற்ற மற்றும் உயிரிழந்த பணியாளர்கள், என மொத்தம் 3,414 நபர்களுக்கு வருங்கால வைப்புநிதி, பணிக்கொடை, விடுப்பு ஒப்படைப்புத் தொகை மற்றும் ஓய்வூதிய ஒப்படைப்புத் தொகை உள்ளிட்ட பணப் பலன்களுக்காக ரூ.1031.32 கோடி நிதி ஒதுக்கி உத்தரவிட்டுள்ளார் என்று அந்தச் செய்திக்குறிப்பில் தெரிவிக்கப்பட்டுள்ளது.

CM Stalin: தமிழ்நாடு அரசு போக்குவரத்துக் கழகங்களில் பணிபுரியும் தொழிலாளர்களின் வாழ்வு வளம்பெற இவ்வரசு பல்வேறு நடவடிக்கைகளை மேற்கொண்டு வருகிறது.

Oscar: பிரதமர் மோடியை சந்தித்து வாழ்த்து பெற்ற ‘ஆஸ்கர் மங்கைகள்’!

முதுமலை யானைகள் முகாமில் எடுக்கப்பட்ட ஆவணப் படமான "தி எலிஃபன்ட் விஸ்பரர்ஸ்" ஆவணப் படத்திற்கான குறும்படப் பிரிவில் ஆஸ்கர் விருதை வென்றது.

இந்த ஆவணப்படத்தை தமிழகத்தைச் சேர்ந்த கார்த்திகி எடுத்திருந்திருந்தார்.

அவரும், இந்த ஆவணப்படத்தை தயாரித்த குனீத் மோங்காவும், இன்று பிரதமர் நரேந்திர மோடியை சந்தித்து ஆஸ்கர் விருதை காண்பித்து வாழ்த்து பெற்றனர்.

‘தி எலிஃபண்ட் விஸ்பரர்ஸ்’ திரைப்படத்தின் புத்திசாலித்தனமும் வெற்றியும் உலகளாவிய கவனத்தையும் பாராட்டுகளையும் ஈர்த்துள்ளது. இன்று, அதனுடன் தொடர்புடைய புத்திசாலித்தனமான குழுவைச் சந்திக்கும் வாய்ப்பு கிடைத்தது. அவர்கள் இந்தியாவை மிகவும் பெருமைப்படுத்தியுள்ளனர் என்று அவர்கள் உடன் எடுக்கப்பட்ட புகைப்படத்தை பகிர்ந்து டுவிட்டரில் இவ்வாறு பிரதமர் மோடி பதிவு வெளியிட்டுள்ளார்.

<blockquote class="twitter-tweet">The cinematic brilliance and success of ‘The Elephant Whisperers’ has drawn global attention as well as acclaim. Today, I had the opportunity to meet the brilliant team associated with it. They have made India very proud. <a href="https://twitter.com/guneetm?ref_src=twsrc%5Etfw">@guneetm</a> <a href="https://twitter.com/EarthSpectrum?ref_src=twsrc%5Etfw">@EarthSpectrum</a> <a href="https://t.co/44u16fbk3j">pic.twitter.com/44u16fbk3j</a>&mdash; Narendra Modi (@narendramodi) <a href="https://twitter.com/narendramodi/status/1641373668118007810?ref_src=twsrc%5Etfw">March 30, 2023</a></blockquote> <script async src="https://platform.twitter.com/widgets.js" charset="utf-8"></script>

இந்த ஆவணக் குறும்படத்தை கார்த்திகி கொன்சால்வ்ஸ் இயக்கியுள்ளார். தமிழ்நாடு வனத்துறையின் பராமரிப்பாளர்களால் இளம் யானைக் குட்டிகள் வளர்க்கப்படும் முறையை இந்தப் படம் விவரிக்கிறது.

தமிழ்நாட்டின் முதுமலை புலிகள் காப்பகத்தில் அமைந்துள்ள தெப்பக்காடு யானைகள் முகாமில் பணியாற்றி வரும் பொம்மன் மற்றும் பெல்லி ஆகிய யானை பராமரிப்பாளர்களால் ஆறு மாத வயதில் முகாமிற்கு கொண்டு வரப்பட்ட “ரகு” யானைக் குட்டியை மேற்படி பராமரிப்பாளர்கள் எவ்வாறு கவனத்துடன் பராமரித்தார்கள் என்பதை ஆவணப்படம் காட்டுகிறது.

இப்படம் அதே முகாமில் காப்பாளர்களால் வளர்க்கப்பட்ட மற்றொரு யானைக் குட்டியான “அம்மு” பராமரிக்கப்பட்ட கதையையும் விவரிக்கிறது.

பொம்மன்-பெல்லி தம்பதியை அழைத்து முதலமைச்சர் நேரில் அழைத்து பாராட்டினார். அத்துடன், அவர்களுக்கு தலா ரூ.1 லட்சம் வழங்கினார்.

பெண்களின் திருமண வயதை 21 ஆக உயர்த்துவதற்கு கேரளா எதிர்ப்பு

பெண்களின் திருமண வயதை 21ஆக உயர்த்துவதற்கு கேரளா எதிர்ப்பு தெரிவித்துள்ளது.&nbsp;

’சித்தராமையாவை எதிர்த்து என்  மகன் போட்டியிடமாட்டார்’ எடியூரப்பா திட்டவட்டம்!

Karnataka Election 2023:- அவர் மைசூருவில் வருணா தொகுதியில் போட்டியிடும் கேள்விக்கே இடமில்லை - எடியூரப்பா

Haryana: திருமண நிகழ்ச்சிக்கு சென்ற 6 இளைஞர்கள் சாலை விபத்தில் பரிதாப பலி!

திருமணத்திற்கு சென்ற 6 இளைஞர்கள் சாலை விபத்தில் உயிரிழந்த சம்பவம் அப்பகுதியில் பெரும் சோகத்தை ஏற்படுத்தி உள்ளது.

100 தொகுதிகள்! 10 முதல்வர்கள்! கர்நாடகாவை ஆளும் லிங்காயத்து சமூகம்!

<ul><li>Karnataka Election 2023: 1952 முதல் தற்போது வரை கர்நாடகாவில் பொறுப்பேற்ற 23 முதல்வர்களில், 10 பேர் லிங்காயத்து சமூகத்தை சேர்ந்தவர்கள்</li></ul>

The Elephant Whisperers: ‘புத்திசாலித்தனமான குழுவைச் சந்திக்கும் வாய்ப்பு கிடைத்தது. அவர்கள் இந்தியாவை மிகவும் பெருமைப்படுத்தியுள்ளனர்’

Indore Temple: இந்தூரில் கோயில் படிக்கிணறு இடிந்து விழுந்து விபத்து-13 பேர் பலி

மத்தியப் பிரதேச மாநிலம் இந்தூரில் கோவில் படிக்கிணறு இடிந்து விழுந்து விபத்து ஏற்பட்டது. இதில் 13 பேர் உயிரிழந்தனர்.

ஸ்ரீபலேஷ்வர் மகாதேவ் ஜூலேலால் கோயிலில் பழமையான படிக்கிணறு உள்ளது. இங்கு ராமநவமியையொட்டி இன்று (மார்ச் 30) ஏராளமான பக்தர்கள் சுவாமி தரிசனம் செய்தனர்.

அப்போது, படிக்கட்டு கிணற்றின் தடுப்பு சுவர் பாரம் தாங்காமல் இடிந்து விழுந்து விபத்து ஏற்பட்டது. இதில், 30க்கும் மேற்பட்டோர் கிணற்றுக்குள் விழுந்தனர். 13 பேர் உயிரிழந்துவிட்டனர். மீட்புப் பணிகள் நடந்து வருகின்றனர்.

ராம நவமியின் போது பிரார்த்தனை செய்ய ஏராளமான மக்கள் கோவிலில் கூடியிருந்தபோது, ​​​​மதியம் 12 மணியளவில் இந்த விபத்து நிகழ்ந்தது. சில பக்தர்கள் 'யாகம்' செய்து கொண்டிருந்த போது, ​​பலர் வரிசையில் நின்று கொண்டிருந்தனர்.

இடிந்து விழுந்த கிணறு குறைந்தது 50-60 அடி ஆழம் கொண்டதாகும். தண்ணீர் நிறைந்து இருந்தது. கிணறு அமைந்துள்ள இடம் குறுகியதாக இருப்பதால், மீட்பு பணியின் போது இடையூறு ஏற்பட்டதாக அதிகாரிகள் தெரிவித்தனர்.

25 பேர் விழுந்திருக்கலாம் என நேரில் பார்த்தவர்கள் தெரிவித்தனர்.

இந்தூர் மாவட்ட நிர்வாகத்துடன் தொடர்பு கொண்டு நிலைமையை கவனித்து வருவதாக முதல்வர் சிவராஜ் சிங் சவுகான் கூறினார்.

கிணற்றில் சிக்கியவர்களை கயிறுகள் மூலம் மீட்கப்பட்டு வருகின்றனர். இந்த விபத்து குறித்து முதல்வர் சிவராஜ் சிங் சவுகானிடம் பேசியதாக பிரதமர் நரேந்திர மோடி ட்விட்டரில் தெரிவித்துள்ளார்.

<blockquote class="twitter-tweet">Extremely pained by the mishap in Indore. Spoke to CM <a href="https://twitter.com/ChouhanShivraj?ref_src=twsrc%5Etfw">@ChouhanShivraj</a> Ji and took an update on the situation. The State Government is spearheading rescue and relief work at a quick pace. My prayers with all those affected and their families.&mdash; Narendra Modi (@narendramodi) <a href="https://twitter.com/narendramodi/status/1641362980553064448?ref_src=twsrc%5Etfw">March 30, 2023</a></blockquote> <script async src="https://platform.twitter.com/widgets.js" charset="utf-8"></script>

“இந்தூரில் நடந்த விபத்தால் மிகவும் வேதனை அடைந்தேன். முதல்வர் சவுகானிடம் பேசி, நிலைமையை கேட்டறிந்தேன். மாநில அரசு மீட்பு மற்றும் நிவாரணப் பணிகளை துரித கதியில் மேற்கொண்டு வருகிறது. பாதிக்கப்பட்ட அனைவருக்கும் அவர்களது குடும்பத்தினருக்கும் எனது பிரார்த்தனைகள்” என்று பிரதமர் மோடி தெரிவித்துள்ளார்.

Indore: படிக்கட்டு கிணற்றின் தடுப்பு சுவர் பாரம் தாங்காமல் இடிந்து விழுந்து விபத்து ஏற்பட்டது.

Dahi: இந்தியில் ‘தயிர்’ பெயர் : கடும் எதிர்ப்பால் உத்தரவை வாபஸ் பெற்றது FSSAI

இந்திய உணவுப் பாதுகாப்பு தர நிர்ணய ஆணையம் (FSSAI), தயிர் பாக்கெட்டுகளில், தயிர் என்பதை இந்தியில் தஹி என அச்சிட வேண்டும் என உத்தரவிட்டிருந்தது. அந்த உத்தரவுக்கு தமிழக முதல்வர் மு.க.ஸ்டாலினும் கடும் எதிர்ப்பு தெரிவித்திருந்தார்.

பாமக நிறுவனர் ராமதாஸும், ஆவின் தயிர் பாக்கெட்டுகளில் இந்தியில் அச்சடிக்க கட்டாயப்படுத்துவதா? என்று கண்டனம் தெரிவித்து இருந்தார்.

இந்நிலையில், இந்திய உணவுப் பாதுகாப்பு தர நிர்ணய ஆணையம் தனது உத்தரவை திரும்பப் பெறுவதாக அறிவித்துள்ளது. சமூக வலைத்தளங்களில் பெரும் விவாதப் பொருளாக மாறிய இந்த விவகாரத்துக்கு FSSAI தற்போது முற்றுப்புள்ளி வைத்துள்ளது.

தயிர் பாக்கெட்டில் தஹி, மொசரு, ஜாமுத் தாத், தயிர், பெருகு ஆகிய மொழிகளில் எழுதலாம் என FSSAI வெளியிட்ட செய்திக்குறிப்பில் தெரிவிக்கப்பட்டுள்ளது.

<blockquote class="twitter-tweet">March 30, PRESS RELEASE<a href="https://twitter.com/MoHFW_INDIA?ref_src=twsrc%5Etfw">@MoHFW_INDIA</a> <a href="https://t.co/iWjwUbzCt3">pic.twitter.com/iWjwUbzCt3</a>&mdash; FSSAI (@fssaiindia) <a href="https://twitter.com/fssaiindia/status/1641339223100866563?ref_src=twsrc%5Etfw">March 30, 2023</a></blockquote> <script async src="https://platform.twitter.com/widgets.js" charset="utf-8"></script>

முன்னதாக, தமிழ்நாட்டின் ஆவின் நிறுவனம், கர்நாடகத்தின் நந்தினி பால் நிறுவனம், கேரளாவின் மில்மா பால் நிறுவனம் உள்ளிட்ட பால் உற்பத்தியாளர் கூட்டமைப்புகள் விற்பனை செய்யும் தயிர் உறைகளில், “தஹி” என்ற இந்திச் சொல்லைத்தான் ஆகஸ்ட் - 1 ஆம் தேதி முதல் பயன்படுத்த வேண்டும். தயிர் உறைகளில் தயிரின் ஆங்கில பெயரை (‘curd’) நீக்க வேண்டும் என உத்தரவிட்டு இருந்தது.

ஆவின் தயிர் உறைகளில் ‘தயிர்’ என்ற சொல்லும், ‘‘curd’’ என்ற ஆங்கிலச் சொல்லும் இடம் பெற்று உள்ளன. இதில், ஆங்கில வார்த்தையை நீக்கி விட்டு, “தஹி” என்ற இந்தி சொல்லைக் கட்டாயமாக அச்சிட வேண்டும் என்று இந்திய உணவுப் பாதுகாப்பு மற்றும் தர நிர்ணய ஆணையம் அறிவுறுத்தியிருந்தது.

<a class="manualbacklink" target="_blank" href="https://tamil.hindustantimes.com/nation-and-world/fire-breaks-out-at-temple-in-andhra-pradesh-temple-131680164561582.html">Fire in Temple: வேணுகோபால் சுவாமி கோயிலில் திடீர் தீ! பக்தர்கள் பதற்றம்</a>

“உணவுப்பொருட்களை உறைகளில் அடைத்து விற்பனை செய்யும் நிறுவனங்கள், இந்திய உணவுப் பாதுகாப்பு மற்றும் தர நிர்ணய ஆணையத்தின் அனுமதியைப் பெற வேண்டும். அந்த அதிகாரத்தைப் பயன்படுத்தி, பா.ஜ.க அரசு இந்தியைத் திணிக்க இந்த அத்துமீறலில் இறங்கி உள்ளது. ஒன்றிய அரசின் அப்பட்டமான இந்தித் திணிப்புக்கு இது இன்னொரு எடுத்துக்காட்டு ஆகும். இத்தகைய இந்தித் திணிப்பு கடும் கண்டனத்துக்குரியது” என்று மதிமுக பொதுச் செயலாளர் வைகோ குறிப்பிட்டிருந்தார்.

Dahi: இந்திய உணவுப் பாதுகாப்பு தர நிர்ணய ஆணையம் தனது உத்தரவை திரும்பப் பெறுவதாக அறிவித்துள்ளது.

Manigandan K T