கெத்துகாட்ட ஆசையா? உங்கள் உடல் மொழியை மேம்படுத்தும் டாப் 5 டிப்ஸ்!

paragraph

நாம் மற்றவர்களுடன் எவ்வாறு தொடர்பு கொள்கிறோம் என்பதில் உடல் மொழி (Body language) முக்கிய பங்கு வகிக்கிறது. நாம் எப்படி உணரப்படுகிறோம், நம்மீது பார்வையாளர்கள் எவ்வளவு ஈடுபாட்டுடன் இருக்கிறார்கள், நாம் பேசும் விஷயங்கள் மற்றவர்களிடம் முறையாக உள்வாங்கப்படுகிறதா? இல்லையா என்பது வரை உடல் மொழி முக்கிய பங்கு வகிக்கிறது.

நிமிர்ந்து நம்பிக்கையுடனும் நிற்கவும்

உடல் மொழியின் மிக முக்கியமான அம்சங்களில் ஒன்று தோரணை. நீங்கள் உங்கள் தோள்களை பின்புறமாக நிமிர்த்தி, உங்கள் தலையை உயர்த்தி நிற்கும் போது, நீங்கள் நம்பிக்கையையும் அதிகாரத்தையும் பெறுவதாக உணர்வீர்கள். நீங்கள் ஒரு குழுவிற்கு முன்னால் பேசும்போது இது மிகவும் முக்கியமானது. நல்ல தோரணை நம்பிக்கையை மட்டுமல்ல, நீங்கள் பேசும் தொனியையும் கம்பீரமாக்குகிறது.

கண்களை தொடர்பு கொள்ளுங்கள்

நீங்கள் ஒரு குழுவினருடன் பேசும்போது, கலந்துரையாடும் நபரின் கண்களை பார்த்து உரையாடலை தொடர்வது அவசியம். இது அவர்களுடன் மிகவும் தனிப்பட்ட அளவில் நெருக்கமாக்க உதவுகிறது மற்றும் அவர்களின் கவனத்தை உங்கள் மீது குவிக்க உதவும். இதன் மூலம் நாம் சொல்லும் விஷயங்களுக்கு அவர்களின் எதிர்வினைகளை முகமாறுதல்கள் மூலம் அறிந்து கொள்ளவும், அதற்கேற்ப நீங்கள் சொல்லும் விஷயத்தை சரிசெய்யவும் உதவும்.

கை சைகைகளைப் பயன்படுத்தவும்

கை சைகைகளைப் பயன்படுத்துவது நீங்கள் சொல்ல விரும்பும் ஒரு விஷயத்தை முக்கியத்துவம் கொடுக்கவும் உங்கள் பார்வையாளர்களை ஈடுபாட்டுடன் வைத்திருக்கவும் ஒரு சிறந்த வழியாகும். இருப்பினும், உங்களுக்கு இயல்பானதாக உணரும் மற்றும் உங்கள் வார்த்தைகளை முழுமையாக்கும் சைகைகளைப் பயன்படுத்துவது முக்கியம். உங்கள் செய்தியைத் திசைதிருப்பக்கூடிய, திரும்பத் திரும்ப அல்லது கவனத்தை சிதறடிக்கும் கை அசைவுகளைப் பயன்படுத்துவதைத் தவிர்க்கவும். .

உங்கள் தொனி மற்றும் சுருதியை மாற்றவும்

நீங்கள் பார்வையாளர்களுக்கு முன்னால் பேசும்போது உங்கள் தொனியையும் சுருதியையும் மாற்றுவது மிகவும் முக்கியமானது. ஒரு மோனோடோன் குரல் மந்தமானதாகவும், ஈடுபாடற்றதாகவும் இருக்கலாம், அதேசமயம் உங்கள் தொனி மற்றும் சுருதியை மாறுவது உங்கள் பார்வையாளர்களை ஆர்வமாகவும் உங்கள் செய்தியில் கவனம் செலுத்தவும் உதவும். உங்கள் செய்தியை மிகவும் சுறுசுறுப்பான மற்றும் ஈடுபாட்டுடன் தெரிவிக்க முறையான தொனியில் சரியான குரல்வளத்துடம் பேசத் தயாராகுங்கள்

முகபாவனைகளைப் பயன்படுத்தவும்

உங்கள் முகபாவனைகள் மூலம் நிறைய அர்த்தங்களையும் உணர்ச்சிகளையும் தெரிவிக்க முடியும், எனவே நீங்கள் பேசும்போது அவற்றை உங்கள் நன்மைக்காகப் பயன்படுத்துவதை உறுதிப்படுத்திக் கொள்ளுங்கள். புன்னகை, அரவணைப்பு மற்றும் அணுகக்கூடிய தன்மையை வெளிப்படுத்த உதவும், அதே சமயம் உங்கள் புருவத்தை சுழற்றுவது கவலை அல்லது தீவிரத்தை தெரிவிக்கும். உங்கள் முகபாவனைகள் மற்றும் அவை உங்கள் செய்தியுடன் எவ்வாறு ஒத்துப்போகின்றன என்பதைக் கவனத்தில் கொள்ளுங்கள்.

பயனுள்ள தகவல்தொடர்புகளில் உடல் மொழி முக்கிய பங்கு வகிக்கிறது, குறிப்பாக பார்வையாளர்களுக்கு முன்னால் பேசும்போது. உங்கள் தோரணை, கண் தொடர்பு, கை சைகைகள், தொனி மற்றும் சுருதி, முகபாவனைகள் மற்றும் இயக்கம் ஆகியவற்றில் கவனம் செலுத்துவதன் மூலம், உங்கள் உடல் மொழியை மேம்படுத்தி மேலும் ஈர்க்கக்கூடிய மற்றும் பயனுள்ள பேச்சாளராக மாறலாம். இந்த உத்திகளை தவறாமல் பயிற்சி செய்யுங்கள்.

Healthy Diet: மஞ்சள் பூசணி வேர்க்கடலைக் கூட்டு செய்முறை

<ul><li>மஞ்சள் பூசணி வேர்க்கடலைக் கூட்டு செய்முறை குறித்து இங்கு அறிந்து கொள்வோம்.</li></ul>

Tasty Snack: மாலைவேளைக்கான சுவையான மசாலா பொரி செய்வது எப்படி?

<ul><li>மாலைவேளைக்கான சுவையான மசாலா பொரி செய்வது எப்படி என்பது குறித்து இங்கு அறிந்து கொள்ளுங்கள்.</li></ul>

உணவு செரிமானத்தைத் தூண்டும் மிளகு மல்லி ரசம் செய்வது எப்படி?

<ul><li>Healthy Reciepe; உணவு செரிமானத்தைத் தூண்டும் மிளகு மல்லி ரசம் செய்வது எப்படி என்பது குறித்து இங்கு அறிந்து கொள்ளுங்கள்</li></ul>

உயரம் என்றால் பயமா? வெர்டிகோ பிரச்னையை தீர்க்கும் ஆசனங்கள்!

<ul><li>Vertigo Problem: உங்களுக்கு உயரம் என்றால் பயமா? அப்படியென்றால் உங்களுக்கு வெர்டிகோ பிரச்னை இருக்கிறது என அர்த்தம் இதைத் தீர்க்கும் ஆசனங்கள் குறித்து இங்கு அறிந்து கொள்ளலாம்.</li></ul>

<ul><li>பேசும்போது உங்கள் உடல் மொழியை (Body language) &nbsp;மேம்படுத்துவதற்கான சில நடைமுறை உத்திகளை தற்போது பார்க்கலாம்.</li></ul>

ஐஸ் வைத்த விஜயபாஸ்கர்! கலாய்த்துவிட்ட துரைமுருகன்! பேரவையில் சிரிப்பலை!

காவிரி-குண்டாறு-வைகை நதிகள் இணைப்புத் திட்டம் தொடர்பாக அதிமுக சார்பில் சட்டப்பேரவையில் கவன ஈர்ப்பு தீர்மானம் கொண்டுவரப்பட்டது.

இதில் பேசிய அதிமுக முன்னாள் அமைச்சரும், விராலிமலை எம்.எல்.ஏவுமான சி.விஜயபாஸ்கர் பேசுகையில், நில எடுப்பு பணிகளுக்கு 554 கோடியும் கால்வாய் பணிகளுக்கு 111 கோடியும் 2023-24இல் ஒதுக்கப்பட்டுள்ளதாக குறிப்பிடப்பட்டுள்ளது. ஆனால் அந்த விவரம் குறித்து நிதியமைச்சரின் பட்ஜெட்டிலோ மானியக் கோரிக்கையிலோ இடம்பெறவில்லை. ஏற்கெனவே ஒதுக்கப்பட்ட 700 கோடிக்குக்குள்ளானதா என்று அமைச்சரிடம் அறிய விரும்புகிறேன்.

காவிரி வைகை குண்டாறு இணைப்பு திட்டம் வரலாற்று சிறப்பு மிக்க திட்டம். காமராஜர் காலத்தில் இருந்து எல்லா முதல்வர்களும் நிறைவேற்ற வேண்டும் என்று எண்ணிய திட்டம்.

இந்த திட்டத்தை முதன்முதலாக 14 ஆயிரம் கோடிக்கு எஸ்டிமேட் செய்து, 6941 கோடியை நிர்வாக ஒப்புதல் வழங்கி 700 கோடியை பட்ஜெட்டில் வழங்கி 331 கோடியை இரண்டு வகையாக டெண்டர் விட்டு மிக சிறப்பாக விவசாயிகள் வாழ்த்துக்களோடு எளிய விவசாய குடும்பத்தில் பிறந்த எடப்பாடியார் அவர்கள் தொடங்கி வைத்தார்கள்

அமைச்சரை அழைப்பது வாருங்கள் ஆறு வெட்டப்படுவதை பாருங்கள் தாராளமாக நிதியை தாருங்கள் என்று அமைச்சரை அழைக்கிறேன்.

இந்த திட்டத்தில் நில எடுப்பு பணிகள், கால்வாய் வெட்டும் பணிகள் மந்தமாக நடந்து வருகிறது. இதனை விரைவுப்படுத்த வேண்டும்.

மாண்புமிகு அமைச்சர் அவர்கள் மூத்த அமைச்சர், அவருக்கு நீர்வளத்தில் நீண்டகால அனுபவம் உண்டு, அவருக்கு நீரின் வாசனையும் தெரியும், மண்ணின் வாசனையும் தெரியும், விவசாயிகளின் கஷ்டத்தின் வாசனையும் தெரியும்

திட்டத்தை தொடங்கி வைத்து எப்படி எடப்பாடியார் வரலாற்றில் இடம்பெற்றாரோ அதுபோல் நிதியை தாராளமாக தந்து வரலாற்றில் நீர்வளத்துறை அமைச்சரின் பெருமையின் இடம்பெற வேண்டும்.

விரிந்த இதயத்தோடு நிதியை தாருங்கள் என 7 மாவட்ட விவசாயிகள் சார்பில் வலியுறுத்துகிறேன். வாடிய பயிரை வாடும்போதெல்லாம் வாடிய வள்ளலார் போல் நீங்கள் நிதியை தந்து திட்டத்தை நிறைவேற்ற வேண்டும் என்றார்.

நீர்வளத்துறை அமைச்சர் துரைமுருகனின் பதில்

கவன ஈர்ப்பு தீர்மானத்தின் மீதான விவாதத்தில் பதிலளித்து பேசிய நீர்வளத்துறை அமைச்சர் துரைமுருகன், நீண்டநாட்களுக்கு பிறகு விஜயபாஸ்கரின் வேகமான பேச்சை கேட்டேன். காரணம் அவர் அமைச்சராக இருந்தபோது நிச்சயம் இப்படி கேள்வி கேட்டிருப்பார்.

ஆனால் ரொம்ப கெட்டிகாரத்தனமா பேசுவார். என்னமோ இந்த திட்டத்தை மாண்புமிகு எதிர்க்கட்சித் தலைவர் எடப்பாடியார்தான் கொண்டுவந்தது போலவும், வேற யாரும் அதை பற்றி சிந்திக்காதது போலவும் அட அட அடாடா!

நீங்கள் செய்யவில்லை என்று நான் சொல்லவில்லை; நீங்கள் மட்டும் செய்த மாதிரி சொன்னார்.

நியாயமாக இந்த திட்டம் தேசிய நீர் மேம்பாட்டு ஆணையம் மகாநதி-குண்டாறுவை இணைப்பது என்ற திட்டத்தை போட்டார்கள். பின்னர் இதனை இரண்டாக பிரித்து மகாநதி-கோதாவரி திட்டமாகவும் - காவிரி குண்டாறு திட்டமகவும் பிரித்தார்கள்.

’இது ஒரு நல்ல திட்டம் வரும்போது வரட்டும் ஆனால் நாம் காவிரி-குண்டாறை நாம் இணைப்போம்’ என கலைஞர் முதன்முதலாக மயானூரில் 165 கோடி ரூபாயை ஒதுக்கினார். குண்டாறில் தண்ணீர் செல்ல கட்டியவன் கதவனை கட்டியவன் அடியேன் துரைமுருகன்.

9-5-2008-இல் கலைஞர் ஆணையிட்டார். அதன் பிறகு நீங்கள் வந்தீர்கள். நீங்களும் சரி; நாங்களும் சரி எது எப்படி இருந்தாலும் காவிரி குண்டாறை இணைப்பதுதான் சரி என்பதால் திட்டம் போட்டோம்.

இதற்கு கால்வாய் வெட்ட நிலம் எடுக்க வேண்டும் என்பதால் 2020ஆம் ஆண்டில் 600 கோடியை நில எடுப்புக்காக கொடுத்தீர்கள். அதில் 34.31 கோடிதான் செலவானது; மீதி பணத்தை அரசு எடுத்துக் கொண்டீர்கள். 71.60 ஏக்கர் நிலங்கள்தான் கையகப்படுத்தப்பட்டது. இதோடு உங்கள் வேலை முடிந்தது.

2021-22, 2022-23ஆண்டுகளில் 311 கோடி ரூபாய் நாங்கள் ஒதுக்கி 698.97 ஏக்கர் நிலங்கள் கையகப்படுத்தப்பட்டது. தளபதி உத்தரவின் மீதி பணத்தை டெப்பாசிட் வைத்து எப்போது தேவையோ அப்பொதெல்லாம் நிலத்தை எடுங்கள் என உத்தரவிட்டோம்.

2023-24ஆம் ஆண்டில் நில எடுப்பு பணிக்காக 554.7 கோடி ஒதுக்கீடு செய்யப்பட்டுவிட்டது. அடுத்து கால்வாய் வெட்டுவதற்காக 2021ஆண்டில் நீங்கள் ஒன்றும் செலவு செய்யவில்லை. 2021-22ஆம் ஆண்டில் 177.9 கோடி ரூபாயை கால்வாய் வெட்டும் பணிக்காக செலவு செய்துள்ளோம்.

64 சதவீத கால்வாய் வெட்டும் பணிகள் 2 ஆண்டுகளில் முடிக்கப்பட்டுள்ளது. 2023-24ஆம் ஆண்டில் 111.5 கோடி ஒதுக்கப்பட்டு கால்வாய் வெட்டும்பணி வேகமாக நடந்து வருகிறது.

எனவே விஜயபாஸ்கருக்கு சொல்கிறேன்’ நிச்சயமாக தளபதி ஆட்சியில் காவிரி-குண்டாறு இணைப்பு நடந்தே தீரும் என துரைமுருகன் பேசினார்.

Mask Mandatory : மக்களே கவனியுங்கள்.. இன்று முதல் முகக்கவசம் கட்டாயம்!

Corona Virus : கொரோனா பரவல் அதிகரித்து வருவதால் இன்று முதல் அரசு மருத்துவமனைகளில் முகக்கவசம் கட்டாயமாக்கப்பட்டுள்ளது.

Madurai Kamaraj University: மாணவிகளிடம் தரக்குறைவாக பேசிய பேராசிரியர் கைது!

மாணவ மாணவிகளிடம் தவறாக பேசியது சாதிக் கலவரத்தை தூண்டும் வகையில் பேசியது உள்ளிட்ட குற்றச்சாட்டுகள் நிரூபிக்கப்பட்டதால் அவரை நாகமலை புதுக்கோட்டை போலீசார் வன்கொடுமை சட்டத்தின் கீழ் பேராசிரியரை கைது செய்துள்ளனர்.

குமரியில் சோகம்..தண்ணீர் என நினைத்து பூச்சி மருந்தை குடித்த தொழிலாளி உயிரிழப்பு!

<ul><li>அழகியபாண்டியபுரம் அருகே தண்ணீர் என நினைத்து பூச்சி மருந்தை குடித்த தொழிலாளி உயிரிழந்த சம்பவம் சோகத்தை ஏற்படுத்தியுள்ளது.</li></ul>

இந்திரா காந்தி திறந்தவெளி பல்கலை., இந்திய ரயில்வே – வேலை விவரங்கள் உள்ளே…

இந்தியரயில்வேயில் காலியாகவுள்ள பணியிடங்களை நிரப்புவதற்கான அறிவிப்பு வெளியாகி உள்ளது. இதற்கு ஆர்வமும், தகுதியும் உள்ளவர்களிடம் இருந்து விண்ணப்பங்கள் வரவேற்கப்படுகின்றன.&nbsp;

<ul><li>வாடிய பயிரை வாடும்போதெல்லாம் வாடிய வள்ளலார் போல் நீங்கள் நிதியை தந்து திட்டத்தை நிறைவேற்ற வேண்டும் என துரைமுருகனுக்கு ஐஸ் வைத்து பேசினார் சி.விஜயபாஸ்கர்</li></ul>

ஆரணி உள்ளிட்ட 8 புதிய மாவட்டங்கள்! பிரிப்பது எப்போது? KKSSR பேரவையில் சொன்ன பதில்

தமிழ்நாடு சட்டப்பேரவையில் கடந்த மார்ச் 20ஆம் தேதி பொது பட்ஜெட்டும், 21ஆம் தேதி வேளாண் பட்ஜெட்டும் தாக்கல் செய்யப்பட்ட நிலையில் தற்போது துறைரீதியான மானியக்கோரிக்கை விவாதங்கள் நடைபெற்று வருகிறது.

இன்றைய தினம் பொதுப்பணித்துறை மற்றும் தகவல் தொழில்நுட்பத் துறை மானியக்கோரிக்கை விவாதம் நடைபெற உள்ள நிலையில், அமைச்சர்கள் எ.வ.வேலு, மனோ தங்கராஜ் ஆகியோர் உறுப்பினர்களின் கேள்விகளுக்கு பதிலளித்து பேசி துறை சார்ந்த புதிய அறிவிப்புகளை வெளியிட உள்ளனர்.

இன்றைய சட்டப்பேரவை கேள்வி நேரத்தின் போது, திருவண்ணாமலை மாவட்டத்தில் திருவண்ணாமலை, ஆரணி, செய்யார் ஆகிய 3 கோட்டங்களும், 12 வட்டங்களும் உள்ளது. 18 ஊராட்சி ஒன்றியங்கள், 4 நகராட்சிகள், 10 பேரூராட்சிகள், 860 ஊராட்சிகளை கொண்டுள்ளது. வெம்பாக்கம், செய்யாறு, வந்தவாசி, சேத்துப்பட்டு, ஆரணி, போளூர் வட்டங்களை உள்ளடக்கி புதிய மாவட்டத்தை உருவாக்குவதின் மூலம் மக்கள் பயன்பெருவார்கள், இதில் 20 லட்சம் மக்கள் வசிக்கிறார்கள் எனவே ஆரணியை தலைமையிடமாக கொண்டு புதிய மாவட்டத்தை உருவாக்க வேண்டும் என்று அதிமுக முன்னாள் அமைச்சரும் ஆரணி எம்.எல்.ஏவுமான சேவூர் ராமச்சந்திரன் கோரிக்கை விடுத்தார்.

இதற்கு பதிலளித்து பேசிய வருவாய் மற்றும் பேரிடர் மேலாண்மை துறை அமைச்சர் கே.கே.எஸ்.எஸ்.ஆர்.ராமச்சந்திரன், திருவண்ணாமலை மாவட்டம் ஆரணியை தலைமையிடமாக கொண்டு புதிய மாவட்டம் உருவாக்குவது தொடர்பாக நிர்ணயிக்கப்பட்ட அளவுகோளின்படி ஆரணியை தலைமையிடமாக கொண்டு புதிய மாவட்டம் உருவாக்க சாத்தியக்கூறுகள் இல்லை.

8 மாவட்டங்களை பிரிக்க வேண்டும் என்று சொல்லி முதல்வரிடம் கோரிக்கை விடுத்துள்ளார்கள். நிதிநிலைக்கு ஏற்ப முதலமைச்சர் முடிவு எடுப்பார்கள். ஆனால் சட்டப்படி பிரிப்பதற்குரிய தகுதிகள் இல்லாமல் உள்ளது என்றார்.

ஒன்றுபட்ட தஞ்சை மாவட்டத்தில் கும்பகோணம் தனிமாவட்டமாக அறிவிக்க வேண்டும் என்ற கோரிக்கை நீண்டகாலமாக உள்ளது. வருவாய் அதிகம் உள்ள பகுதியான இது பரிசீலிக்கப்படுமா என்று கேட்க விரும்புகிறேன் என திருவிடைமருதூர் எம்.எல்.ஏ கோ.வி.செழியன் கேள்வி எழுப்பினார்.

இதற்கு பதிலளித்த அமைச்சர் கே.கே.எஸ்.எஸ்.ஆர்.ராமச்சந்திரன், 8 மாவட்டங்கள் பிரிக்க வேண்டுமென்று கேட்டுள்ளார்கள் என்றுதான் சொன்னேன். இவை அரசின் பரிசீலனையில் உள்ளது நிதிநிலை சூழலுக்கேற்ப முதலமைச்சர் முடிவெடுப்பார்கள் என்று தெரிவித்தார்.

தமிழகத்தில் ஆரணி, கும்பகோணம், பழனி, பொள்ளாச்சி, விருத்தாசலம், ஆத்தூர் உள்ளிட்ட பகுதிகளை தலைமை இடமாக கொண்டு புதிய மாவட்டங்களை அமைக்க வேண்டும் என்ற கோரிக்கை உள்ளது குறிப்பிடத்தக்கது.

<ul><li>ஆரணி மற்றும் கும்பகோணத்தை தலைமை இடமாக கொண்டு புதிய மாவட்டங்களை அமைக்க ஆரணி அதிமுக எம்.எல்.ஏ சேவூர் ராமச்சந்திரன், திருவிடைமருதூர் திமுக எம்.எல்.ஏ கோவி.செழியன் கோரிக்கை</li></ul>

’2 மாதங்களில் கோவை மாநகரில் குடிநீர் பஞ்சம் தீரும்’ அமைச்சர் கே.என்.நேரு பதில்

இன்றைய சட்டப்பேரவை கேள்வி நேரத்தின் போது, கோவை மாநகராட்சி சிங்காநல்லூர் பகுதிகளில் கடந்த அதிமுக ஆட்சியில் 24 மணி நேரமும் குடிநீர் வழங்குவதற்காக 10 லட்சம் லிட்டர் கொள்ளவு கொண்ட 8 நீர்த்தேக்க தொட்டிகளும், புதியதாக தெருக்களுக்கு பகிர்மான குழாய்கள் பதிக்கும் பணிகளும் முடிவடைந்தாக தெரிய வருகிறது. எனவே 24 மணிநேரமும் தங்குதடையற்ற குடிநீர் எப்போது வழங்கப்படும் என சிங்காநல்லூர் அதிமுக எம்.எல்.ஏ ஜெயராம் கேள்வி எழுப்பினார்.

இக்கேள்விக்கு பதிலளித்து பேசிய நகராட்சி நிர்வாகம் மற்றும் குடிநீர் வழங்கல்கள் துறை அமைச்சர் கே.என்.நேரு. கோவையில் பில்லூர்-1, பில்லூர்-2 மற்றும் சிறுவாணி அகிய கூட்டுக்குடிநீர் திட்டங்கள் மூலம் 150 எம்.எல்.டி தண்ணீர் நாள் ஒன்றுக்கு வழங்கப்பட்டு வருகிறது.&nbsp;

ஆனால் கேரளாவில் இருந்து வரும் சிறுவாணி குடிநீர் முழுமையாக கிடைக்கவில்லை, குறைவாக உள்ளது. எனவே பில்லூர்-3 திட்டம் தொடங்கப்பட்டு வேலை முடிந்தாலும் சில இடங்களில் உரிமையாளர்கள் நீதிமன்றம் சென்றுவிட்டார்கள். நிலம் கிடைக்காததால் பணிகள் தாமதம் ஆனது.

கோவை சென்று நில உரிமையாளரை சந்தித்து நிலத்தை வாங்கி கொடுத்து பணிகள் நடந்து வருகிறது. தற்போது 6 கி.மீ மட்டும் பைப் பதிக்கும் பணி நடக்கிறது. 2 மாதங்களில் வேலை முடிந்து பில்லூர் 3ஆவது திட்டம் மூலம் 150 எம்.எல்.டி தண்ணீர் கோவைக்கு மட்டும் வர உள்ளது. இரண்டே மாதங்களில் கோவையின் முழு குடிநீர் பஞ்சமும் தீரும் என உறுதி அளித்தார்.

<ul><li>பில்லூர் 3ஆவது திட்டம் மூலம் 150 எம்.எல்.டி தண்ணீர் கோவைக்கு மட்டும் வர உள்ளது - நேரு</li></ul>

OPS கேட்ட கேள்வி! அப்படியே திருப்பிவிட்ட KN.நேரு! அப்பாவு செய்த சம்பவம்!

இன்றைய சட்டப்பேரவை கேள்வி நேரத்தின் போது முன்னாள் முதலமைச்சர் ஓ.பன்னீர் செல்வம் பேசுகையில், பேரூராட்சி, நகராட்சி, மாநகராட்சிகளில் வார்டு வரையரை செய்யும் போது இருக்கும் பிரச்னைகளை ஈஸ்வரன் அண்ணன் அவர்கள் அமைச்சர் கவனத்திற்கு கொண்டு வந்தார்கள்.

இதில் கணவர் ஒரு வார்டிலும்; மனைவி ஒரு வார்டிலும், தந்தை ஒரு வார்டிலும் மகன் ஒரு வார்டிலும் இருக்கும் சூழல் உள்ளது. வார்டு மறுவரை செய்யும் போது கூட்டு குடும்பமாக இருந்தால் அனைவரும் ஒரே வார்டில் வாக்கு அளிக்கும் சூழலை ஏற்படுத்த வேண்டும். இவற்றை சரி செய்து தரும்படி கேட்டுக்கொள்கிறேன் என்றார்.

அப்போது பேசிய சபாநாயகர் அப்பாவு, ‘கணவன் ஒரு வார்டிலும் மனைவி ஒரு வார்டிலும் இருந்தால் அதற்கு பெயர் குடும்பம் இல்லையே; வாக்காளர் பட்டியலில் அப்படி இருக்கும் வார்டு வரையறையில் அப்படி இருக்காது என்று நினைக்கிறேன்’ என்றார்.

ஓ.பன்னீர் செல்வத்தின் கேள்விக்கு பதிலளித்து பேசிய நகராட்சி நிர்வாகம் மற்றும் குடிநீர் வழங்கல் துறை அமைச்சர் கே.என்.நேரு, ஒரு ஊரிலே செல்வாக்கு மிக்க நபர் இருப்பாரானால் இவர் ஒருவார்டிலும் இவர் மனைவி ஒரு வார்டிலும் நின்று வெற்றி பெறவே இதனை பிரித்துள்ளார்கள்.

இதை செய்தது உங்கள் காலத்தில்தான். 2017இல் நீங்கள்தான் வார்டு மறுவரையறை செய்து தேர்தல் ஆணையத்துக்கு கொடுத்து இதுபோல் தேர்தல் நடைபெற வேண்டும் என்று சொல்லி உள்ளீர்கள்.

இந்த பிரச்னைகளை பார்க்கவே நகராட்சி மற்றும் ஊரகத்துறை அதிகாரிகள், சட்டமன்ற உறுப்பினர்கள் அனைவரும் சேர்ந்து கமிட்டி அமைத்து சரி செய்ய முயன்றோம் ஆனால் நீதிமன்றம் சொன்ன காரணத்தால் உடனடியாக தேர்தல் நடத்தப்பட்டது. மாண்புமிகு உறுப்பினர் சொன்ன கருத்து நல்ல கருத்து நிச்சயம் அதை கவனிப்போம்.

TamilNadu Assembly: ஒரு ஊரிலே செல்வாக்கு மிக்க நபர் இருப்பாரானால் இவர் ஒருவார்டிலும் இவர் மனைவி ஒரு வார்டிலும் நின்று வெற்றி பெறவே இதனை பிரித்துள்ளார்கள்-கே.என்.நேரு

’சித்தராமையாவை எதிர்த்து என்  மகன் போட்டியிடமாட்டார்’ எடியூரப்பா திட்டவட்டம்!

காங்கிரஸ் முன்னாள் முதல்வர் சித்தராமையாவை எதிர்த்து வருணா தொகுதியில் தனது மகன் பி.ஒய்.விஜயேந்திரா களமிறங்கவில்லை என்றும், அவர் ஷிகாரிபுராவில் போட்டியிடுவார் என்றும் பாஜக மூத்த தலைவர் பிஎஸ் எடியூரப்பா தெரிவித்துள்ளார்.

கர்நாடக மாநிலத்தில் மொத்தமுள்ள 224 தொகுதிகளில் ஒரே கட்டமாக வரும் மே 10ஆம் தேதி தேர்தல் நடைபெறுகிறது.&nbsp;

இந்த நிலையில் “வருணா தொகுதியில் விஜயேந்திரரை வேட்பாளராக நிறுத்த வேண்டும் என்று ஏற்கனவே அழுத்தம் உள்ளது, ஆனால் அவர் ஷிகாரிபுராவில் போட்டியிட வேண்டும் என்று நான் நீண்ட காலத்திற்கு முன்பே கூறியுள்ளேன்.&nbsp;

எனவே, எக்காரணம் கொண்டும் வருணாவில் விஜயேந்திரர் போட்டியிடும் பேச்சுக்கே இடமில்லை என பாஜக முன்னாள் முதலமைச்சர் எடியூரப்பா திட்டவட்டமாக தெரிவித்துள்ளார்.

விஜயேந்திரர் "எனது தொகுதியில்" (சிவமொகா மாவட்டத்தில் உள்ள ஷிகாரிபுரா) போட்டியிடுவார், எனவே அவரை வருணாவில் போட்டியிடச் சொல்வதில் எந்த கேள்வியும் இல்லை என்று எடியூரப்பா கூறினார். பாரதிய ஜனதா கட்சிக்கு சொந்த பலம் இருப்பதாகவும், கட்சியின் முடிவுக்கு கட்டுப்படுவேன் என்றும் விஜயேந்திரர் கூறியது குறித்த கேள்விக்கு,

“அவரது கூற்று சரியானது, ஆனால் அவர் ஷிகாரிபுராவில் போட்டியிடுவார் என்று நான் கூறுகிறேன் என்றும் எடியூரப்பா கூறினார். இதை கட்சி மேலிடத்திடமும், விஜயேந்திரரிடமும் தெரிவிப்பேன். அவர் மைசூருவில் வருணா தொகுதியில் போட்டியிடும் கேள்விக்கே இடமில்லை என தெரிவித்துள்ளார்.

ஷிகாரிபுரா தொகுதியில் எம்எல்ஏவாக இருக்கும் எடியூரப்பா, ஏற்கனவே தேர்தல் அரசியலில் இருந்து ஓய்வு பெறுவதாக அறிவித்துள்ளது குறிப்பிடத்தக்கது.

பெண்களின் திருமண வயதை 21 ஆக உயர்த்துவதற்கு கேரளா எதிர்ப்பு

பெண்களின் திருமண வயதை 21ஆக உயர்த்துவதற்கு கேரளா எதிர்ப்பு தெரிவித்துள்ளது.&nbsp;

Haryana: திருமண நிகழ்ச்சிக்கு சென்ற 6 இளைஞர்கள் சாலை விபத்தில் பரிதாப பலி!

திருமணத்திற்கு சென்ற 6 இளைஞர்கள் சாலை விபத்தில் உயிரிழந்த சம்பவம் அப்பகுதியில் பெரும் சோகத்தை ஏற்படுத்தி உள்ளது.

100 தொகுதிகள்! 10 முதல்வர்கள்! கர்நாடகாவை ஆளும் லிங்காயத்து சமூகம்!

<ul><li>Karnataka Election 2023: 1952 முதல் தற்போது வரை கர்நாடகாவில் பொறுப்பேற்ற 23 முதல்வர்களில், 10 பேர் லிங்காயத்து சமூகத்தை சேர்ந்தவர்கள்</li></ul>

'மாத்தி யோசி!'-உலகை புரட்டிபோட்ட ஆப்பிள் கம்பெனி நிறுவன நாள் இன்று

<ul><li>தகவல் தொடர்பு துறையில் முன்னணி நிறுவனமான ஆப்பிள் கம்பெனியின் வரலாற்றைப் பற்றி இங்கு அறிந்து கொள்வோம். இன்று அந்த கம்பெனி தொடங்கப்பட்ட தினம்.</li></ul>

Karnataka Election 2023:- அவர் மைசூருவில் வருணா தொகுதியில் போட்டியிடும் கேள்விக்கே இடமில்லை - எடியூரப்பா

தேர்தலை எதிர்கொள்ளும் கர்நாடகாவில், தேர்தலின் முடிவை தீர்மானிக்கும் முக்கிய காரணிகளில் சாதியும் ஒன்றாகும், அங்கு செல்வாக்கு மிக்க லிங்காயத்து எனப்படும் வீரசைவ-லிங்காயத் சமூகத்தின் முக்கியத்துவத்தை புரிந்துகொள்வதும், அரசியலை பகுப்பாய்வு செய்வதும் முக்கியமாகிறது.

லிங்காயத்து இயக்கம்

12 ஆம் நூற்றாண்டில் பசவண்ணா என்பவரால் தோற்றுவிக்கப்பட்ட வீர சைவ லிங்காயத்து பக்தி இயக்கம் சமூகத்தில் நிலவிய சாதி அமைப்புக்கு எதிராக கிளர்ச்சி செய்தனர். இந்த இயக்கம் தொழிலாளர் வர்க்கத்தினரின் பெரும் ஆதரவைப் பெற்றது.

'வேதங்கள், புராணங்கள், ஆகமங்களை நிராகரிக்கும் மதமாகவும், யாகங்கள் தேவையற்றவை என்றும் பசவண்ணா லிங்காயத்து மதத்தை ஏற்படுத்தினார். கடவுளுக்கு பலி கொடுக்கும் வழக்கம் லிங்காயத்து வழிபாட்டில் இல்லை.

’இந்து மதத்தில் இருந்து மாறுபட்டது’

12-ஆம் நூற்றாண்டில் பசவண்ணா எழுதிய கருத்துகள், பின்னர் வந்த அக்கம்மா தேவி போன்றோர் வகுத்த நெறிகளைக் கொண்டதாக இந்த வழிபாடு உள்ளது என்பதால், தற்போது இந்து மதம் என்ற அறியப்படும் வழிபாட்டு முறையில் இருந்து லிங்காயத்து சமூகம் முற்றிலும் வேறுபடுகிறது'' என்கிறார் பேராசிரியர் மகாதேவப்பா.

மக்கள் தொகையில் ஆதிக்கம்

லிங்காயத்துகள் கர்நாடகாவின் மக்கள்தொகையில் 17 சதவீதம் உள்ளதாக கூறப்படுகிறது. மேலும் மொத்தமுள்ள 224 தொகுதிகளில் 100 தொகுதிகளில் இந்த சமூகம் ஆதிக்கம் செலுத்துகிறது, இதில் பெரும்பான்மையான இடங்கள் வட கர்நாடக பகுதியில் உள்ளன.

மேலும் வொக்கலிகா சமுதாயத்தினர் 15 சதவீதமும், ஓபிசி பிரிவினர் 35 சதவீதமும், பழங்குடி மற்றும் தாழ்த்தப்பட்ட சமூகத்தை சேர்ந்தவர்கள் 18 சதவீதமும், முஸ்லீம்கள் சுமார் 12.92 சதவீதமும், பிராமணர்கள் மூன்று சதவீதம் உள்ளதாக கூறப்படுகிறது.

இருப்பினும், 2013 மற்றும் 2018ஆம் ஆண்டுகளுக்கு இடையே நடத்தப்பட்ட சாதிவாரி மக்கள்தொகை கணக்கெடுப்பின்படி சாதிகளின் எண்ணிக்கையை அரசு வெளிப்படையாக அறிவிக்கவில்லை.

10 முதல்வர்கள்

தற்போதைய சட்டசபையில், ஆளும் பாஜகவைச் சேர்ந்த 37 பேர் உட்பட பல்வேறு கட்சிகளைச் சேர்ந்த 54 லிங்காயத் எம்எல்ஏக்கள் உள்ளனர். மேலும், 1952 முதல் தற்போது வரை கர்நாடகாவில் பொறுப்பேற்ற 23 முதல்வர்களில், 10 பேர் லிங்காயத்து சமூகத்தை சேர்ந்தவர்களாக உள்ளனர்.

வொக்கலிகா சமுதாயத்தை சேர்ந்த 6 பேரும், பிற்படுத்தப்பட்ட வகுப்பைச் சேர்ந்த 5 பேரும், பிராமண சமூகத்தை சேர்ந்த 2 பேரும் இதுவரை கர்நாடக முதலமைச்சர்களாக பொறுப்பு வகித்துள்ளனர்.

ராஜீவ் காந்தியால் லிங்காயத்துகள் ஆதரவை இழந்த காங்கிரஸ்

வரும் மே மாதம் 10ஆம் தேதி நடைபெற உள்ள தேர்தலில் வெற்றி பெற செல்வாக்கு மிக்க லிங்காயத்துகளின் ஆதரவை பெற பல்வேறு அரசியல் கட்சிகள் போட்டாபோட்டி போட்டு வேலை செய்து வருகின்றனர்.

1989 ஆம் ஆண்டு வரை காங்கிரஸ் கட்சியின் வாக்கு வங்கியாக லிங்காயத்து சமூகம் இருந்து வந்தது. ஆனால் 1990ஆம் ஆண்டு பக்கவாதத்தில் இருந்து மீண்டு வந்த அப்போதைய முதல்வர் வீரேந்திர பாட்டீல், ராஜீவ் காந்தியால் பதவி நீக்கம் செய்யப்பட்ட சம்பவம் அக்கட்சிக்கு எதிராக லிங்காயத்துகள் திரும்ப காரணமாக அமைந்தது.

1989 ஆம் ஆண்டு தேர்தலில் வீரேந்திர பாட்டீல் தலைமையில் மொத்தமுள்ள 224 இடங்களில் 178 இடங்களைப் பெற்று காங்கிரஸ் வென்ற நிலையில் பின்னர் நடந்த தேர்தலில் அந்த இடங்கள் வெறும் 34ஆக குறைந்தது.

பாஜகவின் வளர்ச்சியில் லிங்காயத்துகள்

ஜனதா பரிவார் சிதைவு மற்றும் பி.எஸ்.எடியூரப்பாவின் அரசியல் வளர்ச்சி ஆகியவை லிங்காயத்து சமூகத்தினல் பெரும்பகுதியை காவியை நோக்கி நகர்த்தியதுடன் கர்நாடக மாநிலத்தை பாஜகவின் தென்னிந்திய கோட்டையாக மாற்ற காரணமாக அமைந்தது.

கடந்த 2007ஆம் ஆண்டு வொகலிக்கா சமூகத்தை சேர்ந்த முன்னாள் முதலமைச்சரும், ஜேடி(எஸ்) தலைவருமான எச்.டி.குமாரசாமி, பாஜக-மதசாற்பற்ற ஜனதா தளம் கூட்டணியின் அதிகாரப் பகிர்வு ஒப்பந்தத்தை மீறி, எடியூரப்பாவை முதல்வராக்க மறுத்ததால் லிங்காயத்து சமூகத்தின் ஆதரவு மேலும் பாஜகவுக்கு ஆதரவாக மாறி அடுத்து நடந்த தேர்தலில் தாக்கத்தை ஏற்படுத்தியது.

2008 ஆம் ஆண்டு நடந்த சட்டமன்றத் தேர்தலுக்குப் பிறகு, பெரும்பான்மைக்கு தேவையான 114 இடங்களில் 110 இடங்களை வென்று எடியூரப்பாவின் தலைமையில் பாஜக ஆட்சி அமைத்தது. இந்த நிகழ்வு விந்திய மலைகளுக்கு தெற்கே பாஜக தனது முதல் அரசாங்கத்தை அமைக்க காரணமாக அமைந்தது. ஆனால் ஐந்து ஆண்டுகளுக்குப் பிறகு 2013ஆம் ஆண்டு சட்டமன்றத் தேர்தலில், எடியூரப்பா பிரிந்து சென்றதால், பாஜக வெறும் 40 இடங்களில் மட்டுமே வென்றது.

கர்நாடகாவின் லிங்காயத்து முகம் எடியூரப்பா

எடியூரப்பாவின் புதிய அமைப்பான KJP கட்சி வெறும் ஆறு இடங்களை மட்டுமே பெற முடிந்தது என்றாலும், அது சுமார் பத்து சதவீத வாக்குகளைப் பெற்றது. பல்வேறு தொகுதிகளில் ஓட்டுக்களை பிரித்து பாஜகவின் வாய்ப்புகளை மோசமாகப் பாதித்தது. பின்னர், 2014 மக்களவைத் தேர்தலுக்கு முன்னதாக எடியூரப்பா மீண்டும் பாஜகவில் இணைந்தார், மோடி தலைமையில், 2018ஆம் ஆண்டு நடந்த சட்டமன்றத் தேர்தலில் 104 இடங்களை வென்றது.&nbsp;

லிங்காயத்து சமூகத்தின் அரசியல் முகமாக பார்க்கப்பட்டும் எடியூரப்பா மீண்டும் முதலமைச்சரானர். வயது மற்றும் கட்சிக் கொள்கையை காரணம் காட்டி, 2021 ஆம் ஆண்டில் எடியூரப்பா முதல்வர் பதவியில் இருந்து விலகியபோது லிங்காயத்து சமூகத்தின் ஆதரவின் முக்கியத்துவத்தை முழுமையாக அறிந்த பாஜக, அதே சமூகத்தை சேர்ந்த பசவராஜ் பொம்மையை முதல்வராக்கியது.

லிங்காயத்து ஆதரவை பெறும் முனைப்பில் காங்கிரஸ்

எடியூரப்பா தேர்தல் அரசியலில் இருந்து ஓய்வு பெறுவதாக சமீபத்தில் அறிவித்த நிலையில் அவருக்கு முக்கியத்துவம் அளிப்பதில் பாஜக முன்னுரிமை அளித்து வருகிறது. இருப்பினும் அவரை கட்டாயப்படுத்தி அரசியலில் இருந்து பாஜக விலக்கியதாக பரப்புரைகளும் மேற்கொள்ளப்படுகிறது. 90களின் தொடக்கத்தில் இழந்த லிங்காயத்து சமூகத்தின் ஆதரவு தளத்தை மீண்டும் பெற காங்கிரஸ் தொடர்ந்து முயற்சிகளை மேற்கொண்டு வருகிறது.

&nbsp;

லிங்காயத் சமூகத்தினருக்கு 'மத சிறுபான்மை' அந்தஸ்து வழங்க அப்போதைய சித்தராமையா தலைமையிலான காங்கிரஸ் அரசு முடிவு செய்து மத்திய அரசுக்கு பரிந்துரை செய்தது. இருப்பினும் லிங்காயத்துகள் ஆதிக்கம் செலுத்தும் தொகுதிகளில் காங்கிரஸ் தோல்வியை சந்தித்து, அதன் பெரும்பாலான தலைவர்கள் 'சிறுபான்மை அந்தஸ்து’ பெரும் மறு நடவடிக்கையில் தீவிரமாக ஈடுபட்டுள்ளனர்.

ஒன்னாம் தேதியே குட்நியூஸ்! சிலிண்டர் விலை குறைப்பு! எவ்வுளவு தெரியுமா?

சமையல் எரிவாயு சிலிண்டர் விலையை இந்தியாவில் எண்ணெய் நிறுவனங்கள் நிர்ணயித்து வருகின்றன. சர்வதேச அளவில் கச்சா எண்ணெய் விலையில் ஏற்படும் மாற்றங்கள் அடிப்படையில் அவற்றின் விலை நிர்ணயம் செய்யப்படுகின்றன.&nbsp;

அதன்படி ஒவ்வொரு மாதத்தின் முதல்நாளில் வீட்டு பயன்பாடு மற்றும் வணிக பயண்பாடு கேஸ் சிலிண்டர்கள் விலை மாற்றம் செய்யப்படுகிறது.

இன்று ஏப்ரல் 1ஆம் தேதி என்பதால் விலை நிலவரத்தை எண்ணெய் நிறுவனங்கள் வெளியிட்டுள்ளன. அதன்படி சென்னையில் வணிக பயன்பாட்டுக்கான சமையல் எரிவாயு சிலிண்டர் விலை 76 ரூபாய் குறைந்துள்ளது.

அதாவது 19 கிலோ எடை கொண்ட வணிக சிலிண்டர் 2 ஆயிரத்து 192 ரூபாய் 50 பைசாவுக்கு விற்பனையாகிறது. கடந்த மாதம் அதிரடியாக 351 ரூபாய் உயர்ந்த நிலையில் தற்போது குறைந்துள்ளது வணிகர்கள் மத்தியில் மகிழ்ச்சியில் ஏற்படுத்தி உள்ளது.

வீட்டு உபயோகத்திற்கான சிலிண்டர் விலையில் எவ்வித மாற்றங்களும் செய்யப்படவில்லை

Gas Cylinder Rate: ஒவ்வொரு மாதத்தின் முதல்நாளில் வீட்டு பயன்பாடு மற்றும் வணிக பயண்பாடு கேஸ் சிலிண்டர்கள் விலை மாற்றம் செய்யப்படுகிறது.

’1991இல் நான் MLA-வாக இருந்தபோது’ SDS நூற்றாண்டு விழாவில் ப்ளாஷ்பேக் பேசிய EPS!

திராவிட இயக்கத்தின் முன்னோடியும் எம்ஜிஆர் அமைச்சரவையில் வருவாய்த்துறை அமைச்சராகவும் இருந்த எஸ்.டி.சோமசுந்தரம் நூற்றாண்டு விழா சென்னை மியூசிக் அகாடமியில் நடந்தது. இந்த நிகழ்ச்சியில் அதிமுக பொதுச்செயலாளர் எடப்பாடி பழனிசாமி, விஐடி பல்கலைக்கழகத்தின் ஜி.விசுவநாதன், உலகத் தமிழர் பேரவை தலைவர் பழ.நெடுமாறன், தமாகா தலைவர் ஜி.கே.வாசன், செஞ்சி ராமச்சந்திரன் உள்ளிட்டோர் கலந்து கொண்டனர்.

இந்த நிகழ்ச்சியில் பேசிய அதிமுக பொதுச்செயலாளர் எடப்பாடி பழனிசாமி பேசுகையில், நம்மை எல்லாம் ஆளாக்கிய பொன்மனச்செம்மல் இதயதெய்வம் புரட்சித்தலைவர் அவர்களை அன்றைய சர்வாதிகார ஆட்சியாளராக இருந்த கருணாநிதி நீக்கிய போது தமிழக மக்கள் மட்டுமல்ல நம் தலைவருக்கு தோளோடு தோளாக நின்றவர்களில் முதன்மையானவர் எல்லோராலும் அன்புடன் அழைக்கப்பட்ட மறைந்த அண்ணன் எஸ்.டி.எஸ் என்கிற திரு. எஸ். டி. சோமசுந்தரம் அவர்கள்.

புரட்சித்தலைவர் அவர்கள் அனைத்தியதிய அண்ணா திராவிட முன்னேற்றக் கழகத்தை துவக்கிய போது அவருக்கு உறுதுணையாக இருந்து, திண்டுக்கல் இடைத்தேர்தலில் இரட்டை இலை சின்னத்தை புரட்சித்தலைவர் தேர்ந்தெடுக்க வழிகோலியவர்களில் அண்ணன் எஸ்.டி.எஸ் அவர்களும் ஒருவர்.

புரட்சித்தலைவி அம்மா அவர்கள் கழகத்திற்கு தலைமையேற்றப் பிறகு, 1989ல் திமுக ஆட்சியின் போது நடைபெற்ற மதுரை கிழக்கு மற்றும் மருங்காபுரி இடைத்தேர்தல்களில் இயக்கம் வெற்றிவாகை சூடுவதற்கு உழைத்தவர்களில் முன்னோடியாக இருயத திரு. எஸ்.டி.எஸ் அவர்களின் அரசியல் மேலாண்மையை உரைக்கும் வகையில் நடைபெறும் இன்று எஸ்.டி.எஸ் குடும்பத்தார் கொண்டாடும் இவரது நூற்றாண்டு விழாவில் நான் பங்கேற்பதில் பெரு மகிழ்ச்சி அடைகிறேன்.

திராவிட இயக்கத்தின் முன்னோடியாகவும், தந்தை பெரியார், பேரறிஞர் அண்ணா ஆகியோரின் கொள்கைகளை ஏற்று திராவிட மாணவர் இயக்கத்தை துவக்கிய அண்ணன் எஸ்.டி.எஸ் அவர்கள் கொள்கை கோட்பாடுகளுக்கு மாறாக திமுக தலைமை நடவடிக்கைகள் மேற்கொண்டபோது அதை எதிர்த்து புரட்சித்தலைவரின் பின்னால் அணிவகுத்தவர்.

அறிஞர் அண்ணா அவர்கள் மாணவர் உலகத்தையும், இளைஞர்களையும் ஈர்க்கத்தக்க வகையில் தனது கொள்கை பரப்புத் திட்டங்களைச் செம்மையாக கொண்டு செல்ல கல்லூரிகள், பள்ளிகள் போன்ற கல்வி நிலையங்களில் திராவிட மாணவர் அமைப்பு உருவெடுக்க முன்னோடியாக இருந்தவர் அண்ணன் எஸ்.டி.எஸ் அவர்கள்.

அப்படி மாநிலம் தழுவிய அளவில் அமைக்கப்பட்ட திராவிட மாணவர் அமைப்புக்கு பொது செயலாளராக நீண்ட காலம் திறம்பட பணியாற்றினார் அண்ணன் எஸ்.டி.எஸ் அவர்கள். அக்காலக்கட்டங்களில் இயதி எதிர்ப்பு போராட்டங்களில் தீவிரமாக பங்கேற்றவர் அண்ணன் எஸ்.டி.எஸ் அவர்கள்.

நமது இயக்கம் தொடங்கப்பட்டவுடன் புரட்சித்தலைவர் அவர்களால் கழகத்தின் முதல் கொள்கை பரப்புச் செயலாளராக நியமிக்கப்பட்ட பெருமைக்குரியவர்.

புரட்சித்தலைவர் ஆட்சிக்கு வந்தவுடன் வருவாய்த்துறை மூலம் கிராம நிர்வாக அலுவலர் பதவிகளை உருவாக்குவதற்கு உறுதுணையாக இருயதவர் அண்ணன். எஸ்.டி.எஸ் அவர்கள்.

புரட்சித்தலைவர் மறைவிற்குப் பிறகு நம்மை காத்து நின்ற புரட்சித்தலைவி அம்மா அவர்களுக்கும் உறுதுணையாக இருந்த பெருமைக்கும் உரியவர்.

1977-1983 காலக்கட்டங்களில் மாண்புமிகு புரட்சித் தலைவருடைய அமைச்சரவையில் வருவாய்த்துறை அமைச்சராகவும், 1991ல் புரட்சித்தலைவி அம்மா அவர்களின் அமைச்சரவையிலும் வருவாய்த் துறை அமைச்சராக திறம்பட பணியாற்றியவர்.

1991ல் நான் எடப்பாடி சட்டமன்ற உறுப்பினராக இரண்டாம் முறையாக தேர்தெடுக்ககபபட்டபோது, அண்ணன் எஸ்.டி.எஸ் அவர்களோடு பணியாற்றிய காலங்களை எண்ணி பெருமிதம் கொள்கிறேன்.

அண்ணன் எஸ்.டி.எஸ் அவர்களுடைய அரசியல் பணியும், ஆட்சிப் பணியும் போற்றுதலுக்குரியதாகும். இன்றைய சூழ்நிலையில் அண்ணன் அவர்களின் தியாகத்தையும், பெருமைகளையும் பறை சாற்றும் வகையில் இப்படியொரு விழா எடுக்கப்பட்டிருப்பதும், நம் தலைவருக்கு உறுதுணையாக இருயத அவருக்கு அவருடைய குடும்பத்தினர் நடத்தும் இயத விழாவில் கலந்து கொள்வதில் பெரு மகிழ்ச்சி அடைகிறேன்.

குறிப்பாகவும், சிறப்பாகவும் சொல்ல வேண்டுமென்றால் புரட்சித்தலைவரால் துவக்கப்பட்டு, புரட்சித் தலைவி அம்மா அவர்களால் காக்கப்பட்ட இயத இயக்கத்தின் 6வது பொதுச் செயலாளராக பொறுப்பேற்றபின் நான் பங்கேற்கும் முதல் விழா இது என்பதில் மேலும் மகிழ்ச்சி அடைகிறேன்.

இங்கு துவக்கி வைக்கப்பட்ட அறக்கட்டளை நம்முடைய இதய தெய்வங்களான புரட்சித்தலைவர், புரட்சித்தலைவி அம்மா அவர்களுக்கும் உறுதுணையாக இருயத அண்ணன் எஸ்.டி.எஸ் அவர்களின் பெயர் நிலை நிற்கும் வகையில் தமிழக மக்களின் நலனுக்காக பாடுபட வேண்டும் என்று கேட்டுக் கொள்கிறேன்.

மதுரையில் புரட்சித்தலைவர் நடத்திய உலக தமிழ் மாநாட்டிற்கு பிறகு, 1995ம் ஆண்டு நம்மை காத்த இதயதெய்வம் புரட்சித்தலைவி அம்மா அவர்களின் ஆட்சியின்போது நடத்திய 8வது உலகத் தமிழ் மாநட்டை முன்னின்று வெற்றிகரமாக நடத்திக் காட்டியவர் அண்ணன் எஸ்.டி.எஸ்.

அந்த மாநாடு சோழ மண்டலத்தையே நம் இயக்கத்தின், நம் ஆட்சியின் பெருமையை உணரும் வகையில் நடந்தது. தஞ்சை தரணிக்கு பல்வேறு உட்கட்டமைப்பு வசதிகள் அயத மாநாட்டின் மூலம் ஏற்படுத்தித்தரப்பட்டது. இதற்கு வித்திட்டவர் அண்ணன் எஸ்.டி.எஸ்.

இன்று வெளியிடப்பட்ட சிறப்பு மலர், அனைத்தியதிய அண்ணா திராவிட முன்னேற்றக் கழகம் என்னும் மக்களுக்கான பேரியக்கம், எத்தனை வஞ்சகமான சூழலுக்கு மத்தியில் வளர்ந்தது என்பதை இன்றைய தலைமுறைக்கு எடுத்துச் சொல்கிறது. எத்தனை தந்திரங்களை தன் நல்ல எண்ணங்களால் முறியடித்திருக்கிறது என்பதையும் விளக்குகிறது என பேசினார்.

SD Somasundaram Centenary:- 1991ல் நான் எடப்பாடி சட்டமன்ற உறுப்பினராக இரண்டாம் முறையாக தேர்தெடுக்ககபபட்டபோது, அண்ணன் எஸ்.டி.எஸ் அவர்களோடு பணியாற்றிய காலங்களை எண்ணி பெருமிதம் கொள்கிறேன்.

‘ஆளும்கட்சியே அவையை முடக்குவது வரலாற்றில் முதல்முறை’ விளாசும் முகுல் வாஸ்னிக்

தனது நெருங்கிய நண்பர் அதானிக்காக ஜனநாயகத்தை அழிக்க பிரதமர் மோடி தயாராகிவிட்டார் என காங்கிரஸ் தேசிய பொதுச்செயலாளர் முகுல் வாஸ்னிக் தெரிவித்துள்ளார்.

சென்னை சத்திய மூர்த்தி பவனில் செய்தியாளர்களை சந்தித்த அவர், அதானியைப் பற்றி கேட்பதால் தான் தலைவர் ராகுல் காந்தி குறி வைக்கப்படுகிறார். ஜனநாயகத்தைப் பாதுகாக்க இந்திய தேசிய காங்கிரஸ் அனைத்தையும் செய்யும். கடந்த 2023 பிப்ரவரி 7 ஆம் தேதி நாடாளுமன்றத்தில் பேசிய ராகுல் காந்தி சாதாரண 2 கேள்விகளைத் தான் கேட்டார்.

அதானியின் போலி நிறுவனங்கள் மூலம் ரூ.20 ஆயிரம் கோடி வந்துள்ளது. இந்தத் தொகையை அதானி ஈர்த்திருக்க வாய்ப்பில்லை. அவர் அடிப்படை கட்டமைப்பு தொடர்பான வணிகத்தையே செய்கிறார். பிறகு இந்த பணம் எங்கிருந்து வந்தது ? இது யாருடைய பணம்? இந்த போலி நிறுவனங்கள் எல்லாம் யாருடையது ? இந்த நிறுவனங்கள் எல்லாம் பாதுகாப்புத் துறையில் பணிகளைப் பெற்று செய்து கொண்டிருக்கின்றன. ஏன் யாருக்கும் தெரியவில்லை. யாருடைய பணம் இது? இதில் சீனப் பிரஜை சம்பந்தப்பட்டிருக்கிறார். அந்த சீன பிரஜை யார் என்று எவரும் கேள்வி எழுப்பாதது ஏன்? யாரிந்த சீன பிரஜை ? இதுவே முதல் கேள்வி.

அதானியுடன் பிரதமருக்கு என்ன உறவு? அதானிக்குச் சொந்தமான விமானத்தில் பிரதமர் மோடி ஓய்வு எடுக்கும் படத்தை ராகுல் காந்தி வெளியிட்டிருந்தார். பாதுகாப்புத் துறை, விமான நிலையங்கள் குறித்த ஆவணங்களையும், இலங்கை மற்றும் வங்காள தேசம் வெளியிட்ட அறிக்கையையும் வெளியிட்டிருந்தார். அதானிக்கு 1 பில்லியன் டாலர் கடன் கொடுத்ததாகக் கூறப்படும்

ஆஸ்திரேலியாவில் உள்ள இந்திய ஸ்டேட் வங்கியின் தலைவர் பிரதமர் நரேந்திர மோடியுடன் அந்தப் படத்தில் அமர்ந்திருக்கிறார். இது ஆதாரத்துடனான இரண்டாவது கேள்வி.

அதானியின் முறைகேடு குறித்து நாடாளுமன்றத்தில் ராகுல் காந்தி உரையாற்றி 9 நாட்கள் ஆன நிலையில், அவர் மீதான அவதூறு வழக்கு உயிர்ப்பிக்கப்பட்டுள்ளது. அதானியின் முறைகேடு குறித்த மாநிலங்களவையில் காங்கிரஸ் தலைவர் மல்லிகார்ஜுன் கார்கே பேச்சும், மக்களவையில் ராகுல் காந்தி பேசிய பேச்சும் அவைக்குறிப்பிலிருந்து நீக்கப்பட்டுள்ளன.

பட்ஜெட் கூட்டத்தொடரின் இரண்டாவது பகுதி நடந்து கொண்டிருக்கும் நிலையில், வரலாற்றிலேயே முதல்முறையாக ஆளும் கட்சியான பா.ஜ.க. நாடாளுமன்றத்தை முடக்கியுள்ளது. இது அதானியை காப்பாற்ற நடக்கும் திசைதிருப்பு முயற்சியாகும். ஒன்றுபட்ட எதிர்க்கட்சிகள் கூட்டு நாடாளுமன்றக் குழு விசாரணை கோரியதை ஆளும் பாஜக கண்டுகொள்ளவில்லை.

ராகுல் காந்தியை பாஜக அமைச்சர்கள் தாக்கிப் பேசினர். தமக்குப் பேச வாய்ப்பு தருமாறு, 2 முறை எழுத்துப்பூர்வமாகவும் ஒருமுறை நேரிலும் சந்தித்து சபாநாயகரைக் கேட்டுக் கொண்டும் ராகுல் காந்திக்கு வாய்ப்பு மறுக்கப்பட்டது. இதிலிருந்து அதானியுடனான தமது உறவை வெளிப்படுத்த பிரதமர் மோடி விரும்பவில்லை என்பது தெளிவாகத் தெரிகிறது என முகுல் வாஸ்னிக் தெரிவித்துள்ளார்

<ul><li>வரலாற்றிலேயே முதல்முறையாக ஆளும் கட்சியான பா.ஜ.க. நாடாளுமன்றத்தை முடக்கியுள்ளது. இது அதானியை காப்பாற்ற நடக்கும் திசைதிருப்பு முயற்சி</li></ul>

Kathiravan V